Ernest Townsend

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Ernest Townsend

Foto dhiri
Lair 1 Januari 1880
Derby
Tilar donya 22 Januari 1944
Derby
Pendhidhikan Sekolah Seni Derby, Heatherley's lan Royal Academy
Pagawéyan Pelukis potret
Garwa Doris Campbell

Ernest Townsend (lair ing Derby, Inggris, 1 Januari 1880 – tilar donya ing Derby, Inggris, 22 Januari 1944 kanthi umur64 taun) inggih menika satunggaling pelukis potrèt saking Derby, Inggris.[1][2]

Ernest Townsend ngangsu kawruh wonten ing Sekolah Seni Derby, Heatherleys ing Chelsea lan ing Royal Academy. Ing antawis karyanipun ingkang kawéntar menika potret Winston Churchill nalika tasih dados First Lord of the Admiralty. Lukisan kasebut samenika mapan wonten ing National Liberal Club, London.[3] Ernest Townsend ugi dipunparingi tugas kanggé ngrancang empyak (atap) saking pabrik mesin pesawat Rolls-Royce ing Derby supados katingal minangka satunggaling griya padésan menawi dipunpirsani déning pengebom Jerman saking awang-awang.[4]

Taun-taun wiwitan[sunting | sunting sumber]

Ernest Townsend wiyos wonten ing Parliament Street, Derby menika paling enèm saking gangsal sedhèrèk putra saking James Townsend. Bapakipun menika satunggaling coachbuilder (ingkang damel awak kendaraan mawi motor) ing Holmes of Derby (samenika Sanderson & Holmes). Pakaryan menika pakrayan tigang generasi ing kulawarga Townsend. Simbah kakung Ernest, William Townsend pindhah dhateng Derby saking Bitton, Gloucestershire ing pungkasan taun 1850-an. Nalika umur 8 taun ingkang ngurus Ernest menika mbakyunipun.[5] Pendidikan wiwitanipun wonten ing Abbey Street School lan nalika umur 14 taun piyambakipun magang ing satunggaling firma arsitek, Wright dan Thorpe (lajeng kawéntar minangka T.H. Thorpe Associates), gladhen ing 23 St James St, Derby. Thomas Harrison Thorpe, kanca yunioripun énggal mangertos kemampuan seni Ernest lan dados kanca raketipun samangké.[5]

Heatherleys lan Royal Academy[sunting | sunting sumber]

Awit saking dukungan kanca-kancanipun, lajeng Ernest Townsend nilaraken arsitektur lan miwiti program studi ing Sekolah Seni Rupa Heatherly wonten ing London (Heatherly School of Fine Art).[5] Lajeng piyambakipun pindhah kursus 5 taun ing Sekolah Royal Academy. Ernest Townsend mlebet minangka mahasiswa Sekolah Melukis ing Royal Academy dumugi Januari 1907. Ing antawisipun para dosèn ing akademinipun menika John Singer Sargent lan Lawrence Alma-Tadema.[4] Kanca-kancanipun kalebet Aubrey Beardsley, Alfred Munnings, Augustus John, lan Laura Knight.[4] Ernest Townsend mameraken 15 lukisan ing akademi antawisipun taun 1910 dumugi 1937 kados wonten dhaptar ing ngandhap. Minangka mahasiswa seni ingkang kurang mampu, Ernest Townsend mapan kalihan sedhèrèkipun, William Paulson Townsend ingkang sampun dados Guru Besar Desain ing Royal School of Needlework lan kalebet satunggaling panyerat ugi editor saking manéka jurnal seni. Ernest nambah dhananipun kanthi damel karya desain ing majalah-majalah menika mlignipun kanggé Art Worker's Quarterly.

Ing taun 1904 Ernest Townsend pikantuk béasiswa Royal Academy's Landseer kanggé lukisan awak lan taun 1905 pikantuk penghargaan Academy's Creswick kanggé Willows and Weeds, setunggaling lukisan ingkang dipunsumbangaken déning kulawarganipun dhateng Galeri Seni Derby bibar piyambakipun séda.[6]

Kondur dhateng Derby[sunting | sunting sumber]

Potret Winston Churchill[sunting | sunting sumber]

The Derby Sketching Club[sunting | sunting sumber]

Perang Dunia II[sunting | sunting sumber]

Karya ingkang kondhang[sunting | sunting sumber]

  • KretegExeter (Exeter Bridge, Derby)
  • Pasar Ulam Derby ing Wanci Dalu (Derby Fish Market by Night)
  • Winston Churchill, 1915
  • Scene in Market Place during Gun Week, 18-23 November 1918
  • A Glimpse of Derby Market Place on Carnival Day, 1926
  • Hospital Carnival Day, 1935

Pamèran ing Royal Academy[sunting | sunting sumber]

Pamèran Ernest Townsend ing Royal Academy 1910 - 1937

  • 1910 T C Simmonds Esq
  • 1913 Arthur Smith Esq
  • 1915 “And battle, death and destiny roll-on, while loving hearts beat anxiously at home.”
  • 1916 A Native of Derbyshire & The Studio Doorway
  • 1917 The Attic Stairs & A Derbyshire Cottage
  • 1918 Gossip & Summer Morning
  • 1919 The Balloon Man
  • 1927 A Balloon Shop
  • 1932 Hanna
  • 1933 Schoolboy’s Holiday
  • 1934 T Harrision Thorpe Esq
  • 1937 Carnival Day in Derby

Cathetan suku[sunting | sunting sumber]

Sumber artikel punika saking kaca situs web: "http://jv.wikipedia.org/w/index.php?title=Ernest_Townsend&oldid=843287"