John Lombe

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Potrèt John Lombe ing Kreteg Exeter ing Derby

John Lombe inggih menika pemintal sutra saking abad kaping 18 ing Derby, Inggris.

Biografi[sunting | sunting sumber]

Lombe wiyos wonten ing Norwich ing taun 1693, putra saking penenun wol. John Lombe menika ingkang paling enèm saking kakang kuwalonipun, Thomas Lombe. Bibar sédaning kakangipun John Lombe dados penyadé sutra ing Norwich lan London. Ing wiwitan abad kaping 18, pusat produksi kaos kaki stoking pindhah dhateng dhaérah Midlands saking London lan kabetahan sutra gelondongan langkung saking pasokan ingkang wonten. John Lombe sampun pikantuk pakaryan ing pabrik pamintalan sutra ingkang boten kasil dipunbangun ing Derby déning insinyur lan panemu kondhang George Sorocold [1] kagem Thomas Cotchett "sang pemintal" saking Derby. Pamintalan dipundamel ing Lèpèn Derwent kutha Derby. Menika saged dugi ingkang dados conto kapisan bilih para pekerja nyambut damel ing setunggal empyak (atap) mawi mesin ingkang dipunobahaken déning tenaga sanès manungsa.

Tiyang Italia sampun ngginakaken pamintal mawi tenaga mesin saking wiwitan abad kaping 17 mawi dèskripsi ingkang dipunandharaken déning Vittorio Zonca. Leonardo Da Vinci gadhah skétsa kanggé model ingkang sami, ananging langkung jangkep modelipun. John dipunkirim déning sedhèrèkipun kanggé neliti mesin pamintal Italia ingkang saged ngasilaken organzine (benang sutra ingkang kuat asil saking pintalan). Organzine wigati supados saged ngasilaken kain sutra ingkang saé.[2] Lajeng John Lombe pikantuk pakaryan ing salah satunggaling toko Italia ingkang wonten mesin pamintal sutra rahasia. Kanthi ndelik-ndelik piyambakipun mlebet ing toko nalika wanci dalu lan nggambar mesin kasebut kanthi dipunpadhangi lilin. John Lombe lajeng mbeta rancangan kasebut dhateng Inggris ing taun 1716.

Pamintalan Lombe[sunting | sunting sumber]

Pabrik pamintalan sutra Lombe ing Derby, samenika dados Muséum Industri Derby

John Lombe mlebetaken Sorocold kanggé mbangun pabrik ingkang langkung agemg lan énggal ing lahan lawas wonten ing Derby. Pamintalan Lombe rampung dipunbangun ing taun 1722, nalika taun sédanipun John Lombe. Piyambakipun séda kanthi dadakan. Miturut legénda, Raja Sardinia bibar mireng kasilipun John Lombe kasebut lajeng ngirim pembunuh bayaran kanggé dhateng Inggris lan mateni John Lombe lan sedhèrèkipun. Miturut prakiraan piyambakipun dipunparingi racun dening satunggaling wanita (prakiraan saking Italia) ingkang medal sadèrèngipun John Lombe séda. Thomas Lombe pikantuk gelar kebangsawanan ing taun 1727. Nalika taun 1732 masa patèn telas lan panyuwunan kangge dipunlajengaken boten kasil. Perangan menika dados wiwitan kasiling produkis saking pabrik ingkang pikantuk tenaga terus-terusan ing donya. Setunggaling model saking pamintalan kapas déning Richard Arkwright ing Cromford lan Pamintalan Lembah Derwent dados pratandha wiwiting sistem pabrik. Minangka pengetan saking kasuksesan kasebut, piyambakipun angsal sumbangan £14,000 kanggé nyiapaken model mesin ingkang dipunpameraken ing Menara London supados paring idé dhateng industri sanèsipun. Piyambakipun séda ing taun 1739 lajeng bangunan dipunsadé marang Samuel Lloyd lan William Wilson. Pamintalan sutra kalajengaken dumugi taun 1890 nalika sapérangan bangunan ambrol.

Pamintalan Sutra samenika[sunting | sunting sumber]

Pabrik pemintalan sampun dipunbangun bola-bali lan pindhah tangan. Ananging modifikasi struktur utami tasih wonten lan dipunrestorasi dhateng bangunan ing Museum Industri Derby. Satunggaling relief saking John Lombe wonten ing Kreteg Exeter

Cathetan suku[sunting | sunting sumber]

  1. ^ (en) Cooper, B., (1983) Transformation of a Valley: The Derbyshire Derwent Heinemann, ISBN 978-0-435-32973-0 Google Books Republished 1991 Cromford: Scarthin Books
  2. ^ (en) Organzine, Merriam Webster dictionary.
  • Cooper, B., (1983) Transformation of a Valley: The Derbyshire Derwent Heinemann, republished 1991 Cromford: Scarthin Books
Sumber artikel punika saking kaca situs web: "http://jv.wikipedia.org/w/index.php?title=John_Lombe&oldid=843297"