Richard Arkwright

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados


Richard Arkwright

Richard Arkwrightd déning Joseph Wright
Lair 23 Desember 1732
Preston, Lancashire, Inggris
Tilar donya 3 Agustus 1792 (umur 59)
Cromford, Derbyshire, Inggris
Pasaréyan Derbyshire
Kabangsan Inggris
Pendhidhikan Sianu maos lan nyerat saking ponakanipun, Ellen Arkwright
Pagawéyan Penemu, cikal bakal industri pamintalan
Dikawruhi amarga Mesin pamintal
Mesin pamintal mawi tenaga toya
Alat carding
Diganti déning Richard Arkwright Junior
Garwa Patience Holt ananging bibar séda Margaret Biggins
Anak Richard Arkwright Junior, Susanna Arkwright

Sir Richard Arkwright (lair ing Preston, Lancashire, 23 Desember 1732 – tilar donya ing Cromford, Derbyshire, 3 Agustus 1792 kanthi umur59 taun), menika tiyang Inggris ingkang sanajan patènipun boten dipunakoni asring dipunregani minangka ingkang manggihaken mesin pamintal (spinning frame ingkang lajeng dipunnamani malih dados water frame) lan mesin pamintal mawi tenaga toya bibar ngliwati éwah-éwahan dhateng tenaga toya. Piyambakipun ugi damel patèn mesin carding ingkang saged ngéwahi kapas mentah dados bolah. Satunggaling tiyang ingkang remen damel karya, piyambakipun menika wiraswasta kondhang saking Revolusi Industri. Gegayuhan Arkwright menika nggabungaken tenaga, mesin, buruh setengah kadidik lan bahan énggal kapas supados dipundamel produksi kanthi ageng dados bolah, langkung saking setunggal abad sadèrèngipun Ford. Kesagedan anggènipun ngorganisasi ndaosaken Richard Arkwright langkung tinimbang tiyang sanès, ingkang manggihaken sistem pabrik modern mliginipun pamintalan ing Cromford.

Pagesangan lan karya[sunting | sunting sumber]

Pamintalan Arkwright ing Cromford

Richard Arkwright paling enèm saking tigawelas sedherek. Richard Arkwright wiyos wonten ing Preston, Lancashire, Inggris nalika tanggal 23 Desember 1732. Bapakipun, Thomas menika satunggaling penjait busana lan burgess Preston Guild. Kulawarganipun kecathet wonten ing Preston Guild Rolls ingkang samenika dipunsimpen wonten ing Lancashire Record Office. Tiyang sepuhipun Richard Arkwright, Sarah dan Thomas boten saged mbéayani piyambakipun marang pawiyatan (sekolah) lan ngatur supados ngangsu kawruh sinau maos lan nyerat marang sedhèrèkipun, Ellen. Richard Arkwright lajeng magang kalihan Mr. Nicholson, satunggaling tukang cukur ing kutha celakipun Kirkham lan miwiti karyanipun damel 'periwigs' fesyen (rambut palsu) kala menika. Pendapatanipun lajeng kanggé mbéayani wiwitan damel tuladha mesin pamintal kapas. Richard Arkwright krama kalihan garwa kapisan, Patience Holt ing taun 1755. Lajeng pikantuk putra Richard Arkwright Junior ing taun kasebut ugi. Taun 1756 Patience séda kanthi boten dipunmangertosi jalaranipun. Richard Arkwright lajeng krama malih kalihan Margaret Biggins taun 1761 lan kagungan tigang laré ingkang namung Susanna ingkang saged gesang dumugi ageng. Bibar sédanipun garwa kapisan piyambakipun dados wiraswasta.

Water frame[sunting | sunting sumber]

Ing pakaryanipun Richard Arkwright remen kalihan mesin-mesin pamintalan lan carding ingkang ngéwahi kapas mentah dados bolah. Taun 1768 Richard Arkwright lan John Kay tiyang ingkang damel jam[1] pindhah marang pusat tekstil ing Nottingham. Taun 1769 Richard Arkwright damel patèn mesin water frame. Inggih menika mesin ingkang ngasilaken pintalan kenceng, ngginakaken kayu lan silinder logam nggantos drijinipun manungsa. Pérangan menika damel bolah kanggé ngasilaken calico saged dipunproduksi langkung mirah lan lajeng wonten ing wiwitan pangembangan industri katun (kain saking serat kapas).

Satunggaling mesin carding ingkang dipunrestorasi ing Quarry Bank Mill wonten UK.

.

Penghargaan[sunting | sunting sumber]

Gegayuhan Richard Arkwright kondhang saéngga piyambakipun dados high sherriff ing Derbyshire lan pikantuk gelar bangsawan taun 1786. Kathah saking kabegjan ingkang asalipun saking hak kesugihan intelektualipun. Kirang langkung 30.000 tiyang makarya taun 1785 ing pabrik-pabrik ngginakaken paten Arkwright. Piyambakipun séda ing Kastil Willersley, puri ingkang dipunbangun mawi sesawangan marang sisih pabrik pamintalan Cromford, tanggal 3 Agustus 1792 kanthi yuswa 59 nilarkaken bandha £500.000. Richard Arkwright dipunmakamaken wonten ing Gereja St. Giles ing Matlock. Jenazahipun lajeng dipunpindhah marang Gereja St. Mary ing Cromford.[2][3]

Cathetan suku[sunting | sunting sumber]

  1. ^ Musson, A. E.; Robinson, E. (June 1960). "The Origins of Engineering in Lancashire". The Journal of Economic History (Cambridge University Press on behalf of the Economic History Association) 20 (2): 209–233. http://www.jstor.org/stable/2114855.
  2. ^ "Famous People of Derbyshire". http://www.visitderbyshire.co.uk/about_famouspeople.ihtml#richard_arkwright.
  3. ^ "Richard Arkwright". http://www.thornber.net/cheshire/ideasmen/arkwright.html.

Pranala njawi[sunting | sunting sumber]

Logo Wikimedia Commons
Pirsani galeri bab Richard Arkwright ing Wikimedia Commons.
Sumber artikel punika saking kaca situs web: "http://jv.wikipedia.org/w/index.php?title=Richard_Arkwright&oldid=876189"