Derventio

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Pamukiman Romawi menika saking masa abad kaping 3. Derventio wonten ing sawingkingipun griya-griya menika.

Derventio inggih menika kutha ingkang wonten ing provinsi Romawi ing Britania. Samenika kondhang minangka Little Chester, ing pinggiran Derby, mapan wonten ing dhaérah Derbyshire, Inggris.[1]

Deskripsi[sunting | sunting sumber]

Bèntèng Romawi kapisan ing dhaérah menika dipunbangun ing sebrang Kali Derwent ing Strutts Park. Dipungantos ing taun 80 déning bèntèng ingkang wonten samenika lan namung kanggé kirang langkung sekawan dasa taun lajeng diputilaraken. Kala menika kathah kegiatan Romawi wonten ing bèntèng, ingkang kaubungaken dhateng sisih kilèn kalihan Icknield Street lan dhateng sisih wétan lantaran mergi tumuju ing Sawley ing Lèpèn Trent. Satunggaling bèntèng tilaran ingkang damel gerabah lan manéka barang saking logam kapanggihaken 600 meter sisih wétan saking Sawley Road. Benteng menika lajeng dipunpendhet lan dipunginakaken malih dumugi selangkung taun salajengipun. Gundukan pertahanan lan palisade dipundamel malih lan gerbang watu dipunbangun. Rumiyinipun dipuntilar lan boten dipunginakaken malih dumugi pungkasan abad kaping 3[2] nalika tembok watu dipunbangun wonten ing sakiwa tengenipun kutha.Menika boten dipunginakaken langkung dangu saking pungkasan abad kaping 4. Old Chester Road masa samenika mbelah lokasi bèntèng kasebut ing abad kaping 19 kanthi nugel jalur Midland Railway.

Sajarah[sunting | sunting sumber]

Kampanye perang Ostorius Scapula

Bagéyan sajarah Britania menika naté dipunkuwaosi déning suku ingkang kawéntar kanthi nama Cornovii. Taun 46-47 Tentara Romawi ing sangandhaping pimpinan gubernur Aulius Plautius miturut prakiraan nguwaosi lemah menika dhateng bagéyan kidul Lèpèn Trent, dados nalika taun 50 menika dados garis paling ngajeng. Sekedhik sanget dokumentasi sinerat ing taun menika ingkang dados sumbering informasi saking penggalian arkeologi. Ing pungkasan taun 47 gubernur énggal Britania Ostorius Scapula, wiwit merangi suku-suku kadosta ing Wales lan Dataran Cheshire. Ing masa kasebut Bèntèng Romawi Strutts Park menika salah satunggaling bèntèng énggal ingkang nembé dipunbangun kanggé mergi lantaran perbekalan saking Wroxeter dhateng Rossington. Kampanye perang kanggé nguwaosi Silures kalajengaken ing sangandhaping gubernur Quintus Veranius lan penerusipun Gaius Suetonius Paulinus ananging peran Strutt Park samenika njagi kedamaian. Ing taun 74 lahan ing ler Lepen Mersey dados labil, nalika Ratu Cartimandus kasuwun paring pambiyantu Romawi kanggé merangi pamberontakan. Lajeng ing taun 78, Gnaeus Julius Agricola ingkang kondhang amargi pepujian wonten ing biografi ingkang dipunserat mantunipun Tacitus dados gubernur. Piyambakipun ngatur malih bèntèng-bèntèng, ngleresaken infrastruktur mergi lan kampanye perang ingkang dipundokumentasi kanthi saé paling wiwitan ing taun 78. Piyambakipun nguwaosi malih Wales Lèr, lajeng ing taun 79 piyambakipun nguwaosi Brigantes lan Parisii mendhet sedaya Inggris dhaérah utara dumugi watesan Skotlandia samenika. Bèntèng Strutt Park dipunkosongaken taun 80 nalika Derventio dipunbangun.

Cathetan suku[sunting | sunting sumber]

  1. ^ Burnham, Barry C; Wacher, John (1990). The Small Towns of Roman Britain. London: B T Batsford. ISBN 9780520073036.
  2. ^ (id) Pemukiman Romawi Derby Racecourse, (dipunakses tanggal 24 Maret 2013)

Pranala njawi[sunting | sunting sumber]

Sumber artikel punika saking kaca situs web: "http://jv.wikipedia.org/w/index.php?title=Derventio&oldid=884440"