Kastil Duffield
Kastil Duffield inggih punika satunggaling kastil Norman ing Duffield, Derbyshire. Papan punika mlebet wonten ing pratélan Scheduled Ancient Monument ing Inggris. Mapan wonten ing tanjung ingkang mawi watu madep lèpèn, satunggaling papan ingkang gampil dipunjagi nalika tempur sanajan taksih dados pirembagan menapa papan punika dinggeni nalika masa prasajarah. Ugi dados kontroversi menapa bangsa Romawi nahan duginipun militèr kanggé njagi arungan lepen ing celakipun. ing sebrangipun kepanggih margi saking Lutdarum Wirksworth kepanggih kaliyan Rykneld Street ing Derventio (sapunika dados péranganing Derby), satunggaling jalur saking pelabuhan-pelabuhan Laut Lor. Ingkang kantun kadosipun saking Anglo Saxon sampun kapanggihaken. Prakiraan dipunkuwaosi déning tiyang-tiyang saking sapérangan posisi kados Saxon Thane kanthi nama Siward utawi kulawarganipun. Sapérangan gerabah Romawi Kuno utawi Romawi Inggris ugi kepanggihaken. Kalebet kepingan empyak (atap) mawi pola Romawi. Nanging artefak ingkang kapanggihaken kathah ingkang ical, sapérangan dipunsimpen wonten ing Museum lan Gladri Seni Derby sapérangan malih ing Wisma Paroki.
Kastil Norman[besut | besut sumber]
Menapa ingkang dipunmangertosi bilih ing taun 1066, Henry de Ferrers (kadang kala dipuneja Ferrars) naté nglayani Raja William kanthi saé. Pikantuk papan pedaleman ing Derbyshire, ingkang lajeng kondhang minangka Duffield Frith. Mapan wonten ing antawisipun Heage lan Shottle ing sisih lèr lan Tutbury ing sisih kidul. Piyambakipun yasa Kastil Tutbury lan dipundadosaken tahtanipun. Nanging piyambakipun mbetahaken penjagi ing njawi kanggé njagi lemahipun dumugi pérangan lèr. Lajeng yasa kastil sanès, prakiraan wonten ing wana kayu ing Duffield. Putranipun ingkang kaping 3, Robert dipunmangertosi wonten ing Pertempuran Standard nglawan Sekotlan taun 1138 lan samel Earl of Derby.
Putunipun, William nggantos posisi ing taun 1162 gabung kaliyan putra Raja ing pamberontakan nglawan bapakipun, Henry II lan taun 1173 kastil dipunrisak kaping kalih. Sasampunipun punika William II ingkang dipunremeni déning Raja John ingkang dipunkonduraken kebangsawanipun sareng kaliyan para manor saking Wirksworth, Ashbourne lajeng Kastil Horston (Horsley). Ing sawijining dinten, kastil-kastil ing Tutbury lan Duffield dipunyasa malih kanthi dipundamel saking watu.[1] William salajengipun ugi pikantuk kathah enthengan saking Karajan. Pangeran salajengipun, Robert génerasi kaping 7 mberontak marang Henry III lan Kastil Tutbury dipunrisak. Sanajan lajeng dipunparingi ampun, Robert ngraman malih lan kalah nalika tempur wonten ing Chesterfield dipunrebut taun 1269 lan Kastil Duffield dipunrisak. Lahan mau dipuncaosaken dhateng Pangeran Edmund boten dangu lajeng pikantuk gelar Earl of Lancaster. Kastil saèstu dipundamel rata kaliyan lemah, kathah watu-watu ingkang dipun-ginakaken kanggé yasan sanès lajeng sansaya dangu kanggé tuwuh taneman. Kenangan awit saking wontenipun bètèng dipunmangertosi saking nama "Castle Orchard" utawi "Kebon Kastil" ingkang dados pawiyaran saking griya-griya saking tilas kastil tumuju margi Hazlewood. Situs punika kapanggih ing taun 1885.
Pengedhukan=[besut | besut sumber]
Nalika situs punika dipunkedhuk, pondasi tradhisional Norman awujud kastil motte lan bailey kapanggih mawi watu penahan ing nginggilipun. Ingkang damel menarik punika ukuranipun kirang langkung dawanipun 30 metèr (98 feet) lan wiyar 29 mèter (95 feet). Sekedhik langkung alit tinimbang Menara Putih ing London.[2]
Cathetan suku[besut | besut sumber]
Pranala njawi[besut | besut sumber]
- William Bland (1887). "Duffield Castle". - History of the de Ferrers family
- Maps of present day Duffield and the castle's location