Atlas Coelestis

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados


Atlas Coelestis
Atlas Coelestis.JPG
Kaca irah-irahan (salinan déning Muséum lan Galeri Seni Derby).
Pangarang John Flamsteed
Ilustrasi James Thornhill
Negara Flag of Inggris Inggris
Basa Inggris
Topik utama Astronomi
Penerbit
Tanggal terbit {{{release_date}}}

Atlas Coelestis inggih menika satunggaling atlas astronomi ingkang dipun babar nalika pangriptanipun sampun séda ing taun 1729 adhedhasar pangamatan ingkang dipundamel déning Astronomer Royal Kapisan, John Flamsteed.(en) [1]

Atlas - menika ingkang paling ageng ingkang naté dipunandharaken kanggé umum-[2] kadosta 26 péta rasi lintang ingkang ketingal saking Greenwich mawi lukisan kanthi gaya Rokoko dipundamel déning James Thornhill. Ugi nedahaken kalih plenisfer (planisphere) ingkang dipunrancang déning Abraham Sharp.[1]

Sajarah[sunting | sunting sumber]

Atlas Coelestis déning John Flamsteed (èdisi kaping kalih 1753).

Péta rasi lintang kapisan adhedhasar pangamatan teleskop, Atlas Coelestis dipunbabar sedasa taun sasampunipun sédanipun Flamsteed, déning garwanipun ingkang pikantuk pambiyantu saking Joseph Crosthwait lan Abraham Sharp. Buku menika dipunrumiyini déning karya "Stellarum inerrantium Catalogus Britannicus" (utawi cekakipun "British Catalogue", publikasi ing taun 1725, kanthi 2919 lintang-lintang).[3] Salah satunggaling motivasi Flamsteed anggènipun damel Atlas inggih menika kanggé ngleresakenrepresentasi saking panggambaran rasi lintang ingkang naté dipundamel déning Bayer wonten ing karyanipun "Uranometria" (1603). Bayer nggambaraken pitedahan saking wingking (sanès saking ngajeng kados ingkang dipunkaryakaken saking masa Claudius Ptolemaeus ingkang mbalik panggonan posisi lintang-lintang saéngga dados rancu)[2]

Publikasi menika kalebet kasil, dados rèferènsi standar kanggé para astronom profèsional ngantos kirang langkung setunggal abad. Ananging tigang prakawis ingkang adamel awrat inggih menika : reginipun ingkang awis sanget, ukuran ingkang ageng sanget saéngga radi èwet menawi dipuncepeng, lan kuwalitas artistik ingkang andhap (kathah panyaruwé dhateng gambar ingkang dipundamel déning James Thornhill, mliginipun ing panggambaran kAquarius).[3] Perangan menika lajeng damel Dr. John Bevis nyobi kanggé ningkataken Atlas. Ing taun 1745 piyambakipun damel "Uranographia Britannica" ingkang ukuranipun langkung alit, lajeng mawi pangamatan énggal lan gambar-gambar ingkang langkung artistik. Ananging, atlas menika boten naté dipunpublikasiaken kanthi resmi samenika lan namung wonten 16 salinan. [4]

Atlas Fortin-Flamsteed[sunting | sunting sumber]

Pungkasan, éwah-éwahan posisi lintang (ingkang pangamatan aslinipun dipunlampahi ing taun 1690-an) ngarah wonten pembaharuan ingkang dipundamel taun 1770-an déning insinyur bangsa Perancis Nicolas Fortin dipunawasi déning astronom Le Monnier lan Messier saking Akademi Ilmu Pengetahuan Perancis (Académie des sciences) ing Paris.[3] Versi ingkang énggal dipunparingi nama Atlas Fortin-Flamsteed, mawi ukuran 1/3 saking ukuran aslinipun, ananging tetep mawi struktur tabel ingkang sami. Ugi mawi artistik kanggé sapérangan ilusrasi (kathahipun Andromeda, Virgo, lan Akuarius).[3] Nama-nama rasi lintang menika ing Basa Perancis (sanes Latin) lan kalebet sapérangan nebula ingkang dipunpanggihaken bibar sédanipun Flamsteed.[3] Taun 1795 dipunpublikasiaken vèrsi ingkang dipunperbaharui dening Mechain lan Lalande mawi rasi-rasi lintang énggal ugi kathah nebula.[3]

Cathetan suku[sunting | sunting sumber]

Pranala njawi[sunting | sunting sumber]

Logo Wikimedia Commons
Pirsani galeri bab Atlas Coelestis ing Wikimedia Commons.
Sumber artikel punika saking kaca situs web: "http://jv.wikipedia.org/w/index.php?title=Atlas_Coelestis&oldid=860190"