Henry Lark Pratt

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Pasar ing Derby taun 1850
Etruria saking Basford Bank

Henry Lark Pratt (lair ing Derby, 16 Februari 1805 – tilar donya ing Stoke on Trent, 3 Maret 1873 kanthi umur68 taun) inggih menika satunggaling pelukis Inggris ingkang kelatih saking industri porselèn.

Biografi[sunting | sunting sumber]

Prat wiyos wonten ing paroki St Peters ing Derby nalika tanggal 16 Februari 1805 lan magang ing sesadéan porselen ing Pabrik Derby nalika umuripun kirang langkung tasih 1 taun. Pratt ngrampungaken masa magangipun nalika taun 1824. Piyambakipun mapan wonten ing Derby dumugi taun 1830. Bibar menika piyambakipun nyambut damel wonten ing Mintons saking taun 1831 dumugi November 1836 minangka pelukis. Enem wulan sadèrèngipun nilaraken Mintons piyambakipun krama kalihan Margaret Windsor saking Stoke on Trent. Henry lan Margaret kagunan laré nalika taun 1837 lan gangsal laré kapisan wiyos wonten ing Stoke. Setunggal putranipun wiyos ing taun 1839 lan dipunparingi nama sami kalihan bapakipun lan ugi dados seniman.[1]

Ing taun 1841 Pratt nyebataken profesinipun minangka seniman ing sensus lan ing taun 1844 wiwit ketarik kalihan lukisan cat minyak. Lajeng piyambakipun dipunparingi pakaryan damel skétsa balai baron ing kanti-kanti paling caket. Piyambakipun remen nalika nglukis lan ketarik wonten ing sesawangan mliginipun lembah Dovedale ing Derbyshire ugi watesing Staffordshire. Ingkang dados panutan seninipun kalebet Adipati saking Devonshire lan Ratu Victoria ingkang paring layanan dhahar dalu kanthi sesawangan saking Kastil Windsor ingkang dipunlukis déning Pratt.[1]

Henry Lark Pratt pindhah malih dhateng Derby ing taun 1851 nalika tasih gesang saking seninipun lan saged nguripi garwa sarta sangang larénipun. Taun 1861 Henry Lark Pratt nyebat piyambakipun minangka "Pelukis sesawangan wonten ing Porselen."[2] Henry Lark Pratt tilar donya nalika tanggal 3 Maret 1873 wonten ing Stoke on Trent. Putra Pratt, Henry Lark Pratt nggantos namanipun dados Hinton supados nyingkiri kabingungan nama kalihan bapakipun ananging namung paring pengaruh alit dhateng lukisan-lukisan ingkang mawi tapak asma “H.L.Pratt”.[1] Pratt (yunior) ngawontenaken paméran lukisan ing Royal Academy taun 1867 lan enem taun salajengipun lukisanipun dipuntampi déning Society of British Artists. Piyambakipun tilar donya ing taun 1875 kanthi yuswa 36 taun.

Karya[sunting | sunting sumber]

Henry Lark Pratt gadhah karya sapérangan lukisan [3] ing galeri seni kutha[4] kados lukisan-lukisan ing galeri Newcastle under Lyme.[5]

Cathetan suku[sunting | sunting sumber]

Logo Wikimedia Commons
Pirsani galeri bab Henry Lark Pratt ing Wikimedia Commons.
  1. ^ a b c (en) Mancip, David (2004). Artists & Craftsmen of the 19th century Derby China Factory. Landmark Publishing. ISBN 1 84306 139 2.
  2. ^ 'Henry Lark Pratt', Mapping the Practice and Profession of Sculpture in Britain and Ireland 1851-1951, University of Glasgow History of Art and HATII, online database 2011 [1]
  3. ^ (en) Allard, Sarah; Nicola Rippon (2003). Goodey's Derby. Breedon Books. pp. 157. ISBN 1 85983 379 9.
  4. ^ Derbyshire Artists Derbyshire UK
  5. ^ (en) Paintings from Newcastle Museum, BBC.
Sumber artikel punika saking kaca situs web: "http://jv.wikipedia.org/w/index.php?title=Henry_Lark_Pratt&oldid=843206"