Francis Octavius Grenfell

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Francis Octavius Grenfell
4 September 1880 – 24 Mei 1915 (usia 34)
Francis Octavius Grenfell.jpg
Captain Francis Grenfell VC
Papan kelairan Surrey, Inggris
Papan pesaréan Hooge, Belgia
Pengabdian tumrap Flag of the United Kingdom Britania Raya
Dines/cawang Flag of the British Army.svg Angkatan Darat Britania
Suwéné dines 1900-1915-
Pangkat Captain
Kesatuan King's Royal Rifle Corps
9th Lancers
Perang Perang Boer Kedua
Perang Dunia I
Penghargaan Salib Victoria
Hubungan Field Marshal Francis Grenfell, 1st Baron Grenfell (paman)
Julian Grenfell (ponakan)
Admiral John Pascoe Grenfell (simbah kakung)

Francis Octavius Grenfell, VC (lair ing Surrey, Inggris, 4 September 1880 – tilar donya ing Hooge, Belgia, 24 Mei 1915 kanthi umur34 taun) menika tiyang Inggris ingkang nampi medali Salib Victoria, penghargaan paling inggil lan prestisius kanggé kuwantunanipun nalika ngadhepi mungsuh ingkang saged dipunparingaken dhateng tentara Britania Raya lan Negara-negara Persemakmuran.

Biografi[sunting | sunting sumber]

Francis Octavius Grenfell wiyos 4 September 1880 saking tiyang sepuh Sophia lan Pascoe Du Pré Grenfell. Piyambakipun satunggal saking 15 sedhèrèk lan kagungan sedhèrèk kembar, Riversdale Grenfell ugi wonten ing resimen Lancer kaping 9 lan dipunpateni nalika nembé wonten ing tugas (KIA / Killed in action) ing wulan September 1914. Simbah kakung saking ibunipun menika Admiral John Pascoe Grenfell lan kulawarga sanès kalebet lek-ipun Field Marshal Francis Grenfell, 1st Baron Grenfell. Sedhèrèk ingkang langkung sepuh, Letnan Robert Septimus Grenfell, 21st Lancers séda nalika panyerangan kavaleri ing Pertempuran Omdurman taun 1898. Tiga sedhèrèk sanèsipun Cecil Grenfell, Howard Maxwell Grenfell lan Arthur Morton Grenfell dumugi pangkat Letnan Kolonel ing Angkatan Darat Britania. Setunggal ponakanipun, Letnan Claude George Grenfell (Infanteri Berkuda Thorneycroft) séda ing Pertempuran Spion Kop nalika Perang Boer lan kalih ponakan sanèsipun Julian Grenfell sang penyair lan sedhèrèkipun, Gerald William Grenfell séda ing Perang Dunia I.[1] Minangka Etonian ingkang dados makili sekolahipun ing olahraga kriket, Grenfell gabung ing angkatan dharat taun 1900 lajeng tugas kapisan wonten ing Perang Boer II ing King's Royal Rifle Corps.

Salib Victoria[sunting | sunting sumber]

Prasasti ing biara Katedral Canterbury kagem perwira lan tentara saking 9th (Queen's Royal) Lancers ingkang kepatèn nalika Perang Dunia I.
Detil prasasti ingkang nedahaken nama Grenfell twins.

Francis Octavius Grenfell kanthi umur 33 taun, lan Kapten ing 9th Lancers, Angkatan Darat Britania nalika Perang Dunia I ing pertempuran lan piyambakipun pikantuk medali Salib Victoria. Tanggal 24 Agustus 1914 ing Audregnies, Belgia, Kapten Grenfell sareng kalihan resimèn tempur nglawan pasukan ageng infanteri Jerman. Korbanipun kathah sanget lan kapten Grenfell dados perwira paling inggil ingkang tasih wonten. Piyambakipun dados bagéyan resimèn panyerang ing sisih tanggul rel kréta nalika piyambakipun ketembak kaping kalih saéngga gerah sanget. Sanajan kelaran, piyambakipun tetep nahan gaman déning Mayor Ernest Wright Alexander saking 119th Battery, Royal Field Artillery. Piyambakipun lan sapérangan relawan gadhah upaya narik persenjataan medal saking dhaérah tembakan mungsuh.

Francis Octavius Grenfell seda nalika ing tugas tanggal 24 Mei 1915 lajeng dipunmakamaken wonten ing Pamakaman Militer Vlamertinghe.[2][3]

Tilaran[sunting | sunting sumber]

Medali Salib Victoria kagunganipun Francis Octavius Grenfell dipunpamèraken wonten ing Muséum Resimen 9th/12th Royal Lancers ing Muséum lan Galeri Seni Derby, Inggris.

Polo[sunting | sunting sumber]

Sangang sedhèrèk jaler Grenfell menika pemain polo. Francis lan sedhèrèkipun Riversdale Grenfell menika ingkang paling saé wonten ing kulawarganipun. Francis nyétak 8 gol Polo handicap. Sedhèrèk kembar wonten ing tim Ranelagh lan menang Amerika Terbuka ugi ing tim Freebooters sareng kalihan Leopold Christian Duncan Jenner lan Adipati Roxburghe, menang Piala Kejawaraan Hurlingham.[3]

Cathetan suku[sunting | sunting sumber]

  • (en) Monuments to Courage (David Harvey, 1999)
  • (en) The Register of the Victoria Cross (This England, 1997)
  • (en) VCs of the First World War - 1914 (Gerald Gliddon, 1994)

Pranala njawi[sunting | sunting sumber]