Pameran Derby (1839)

Saka Wikipédia Jawa, bauwarna mardika basa Jawa
Pameran Derby

Pamèran Derby taun 1839 inggih punika pamèran kapisan wonten ing Derby. Dipunwontenaken ing Mechanics Institute sajeroning kutha ingkang lajeng kawéntar minangka Albert Hall. Pamèran menola sareng kaliyan aji-aji dhasar saking Institut kanthi ancas kanggé nyebaraken kawruh utawi kawruh marang masarakat Derby. Institut punika sampun ngawontenaken kathah pamèran saking taun 1825, kalebet ugi perkuliahan, konser, lan pertunjukan.[1] Pamèran punika ndhèrèk pamèran ingkang dipunorganisir ingkang sami kaliyan taun 1837 ing Manchester Mechanics Institute lan Pamèran Derby punika salah satunggal saking sapérangan pamèran ingkang dipunorganisir ing taun punika lan dipunwontenaken ing sapérangan kutha ugi pusat indhustri wonten ing Inggris.[2] Pamèran Derby punika maringi kathah dampak ingkang jero lan dados salah satunggal prakawis ingkang ngarahaken marang madegipun Musiyum lan Perpustakaan Pusat Derby nalika taun 1878. Museum lan Gladri Seni Derby sapunika nyimpen kathah barang saking pamèran mau ingkang dados pérangan ingkang wigati saking kolèksinipun.

Pamèran dipunorganisir supados saged nutupi beaya aula kuliah ingkang dipuntambahaken ing taun 1837 wonten ing institut Mekanika Derby ing papanipun ing Wardwick. Sanajan organisasi punika dipunwastani Institut Mekanika (Mechanic's Institutes) nanging dipunbéayani lan dipunlampahi déning para tokoh ingkang sanès ahli mékanik. Pameran punika saged narik 96.000 tiyang ingkang rawuh lan institut Derby pikantuk dhasar posisi arta ingkang saé.[3]

Pamèran Derby punika dados bahan saking karya litografi Interior of the Mechanics' Institute ingkang dipunwernani mawi tangan saking lukisan Samuel Rayner. Cithakan litografi punika nedahaken Aula Perkuliahan (Lecture Hall) ingkang kalebet aula utama saking Institut. Aula mau dipungambaraken minangka "wonten ing gaya Yunani... mawi papan lilin ingkang gagah... lan kebak kaliyan lukisan ingkang wigati". Wonten ing sakiwa tengenipun pérangan dhuwur ruangan punika kebak kaliyan karya-karya John Henning. Langkung saking sèwu barang dipunpamèraken ing mriku kalebet kagunganipun Joseph Strutt.[1] Barang ingkang dipunpameraken punika mlebet ing manéka kategori kados ta : lukisan-lukisan Joseph Wright (Romeo lan Juliet saged dipunpirsani ingkang dipunpamèraken wonten ing pérangan témbok ingkang tebih ing sisih kiwa), manéka piranti ilmiah, fosil, lan taksih kathah malih sanèsipun.[4] Pamèran Derby punika dipunremeni déning insitut mékanik saking kutha ingkang wonten ing celakipun inggih punika Leicester lan Nottigham. Kalih kutha mau ngawontenaken pamèran ingkang sami ing taun-taun salajengipun. Kalih kutha mau ugi saged nyewa kréta kanthi jalur rèl ingkang nembé dipunyasa kanggé mbeta anggotanipun ing lelampahan pesiar sepur (kereta api.)[5]

Cathetan suku[besut | besut sumber]

  1. a b Allard, Sarah; Nicola Rippon (2003). Goodey's Derby p.96. Breedon Books. kc. 157. ISBN 1 85983 379 9.
  2. Kusamitsu, Toshia (1980). "Great Exhibitions before 1851". Hist Workshop J. 9 (1): 70–89. doi:10.1093/hwj/9.1.70.
  3. Chadwick, A.F. (Autumn). "The Derby Mechanics' Institute 1825-1880" (PDF). The Vocational Aspect of Education. XXVII (68): 10–105. {{cite journal}}: Check date values in: |date= and |year= / |date= mismatch (pitulung)
  4. Interior of the Mechanics' Institute Archived 2011-10-21 at the UK Government Web Archive, derby.gov.uk.
  5. Barton, Susan. "The Mechanics Institutes: Pioneers of Leisure and Excursion Travel" (PDF). Leicester.ac.uk.