James Ferguson

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
James Ferguson (1710-1776)

James Ferguson (lair 25 April 1710 – tilar donya 17 November 1776 kanthi umur66 taun) inggih menika astronom Skotlandia lan tiyang ingkang damel piranti.[1]

Biografi[sunting | sunting sumber]

James Ferguson wiyos ing caketipun Rothiemay ing Banffshire, Miturut otobiografinipun piyambakipun sinau maos saking nggatosaken tiyang sepuhipun ingkang mulang kakangipun lan ugi saking pambiyantu tiyang èstri sepuh piyambakipun saged maos langkung saé sadéréngipun bapakipun mulang James Ferguson. Bibar bapakipun mulang nyerat, James Ferguson dipunkirim ing umur 7 taun tigang wulan dhateng sekolah tatabahasa ing Keith.

Peter Perez Burdett - pembuat peta kemungkinan James Ferguson atau Isaac Newton? Earl Ferrers yang membeli lukisan ini Ginakaken kursor (Klik "i" kangge damel ageng)
A Philosopher Lecturing on the Orrery dening Joseph Wright. Ginakaken kursor kangge mangertos sinten tiyangipun.[2]

Remenipun marang mekanika kanthi boten sengaja nalika James Ferguson mirsani bapakipun ngginakaken pengungkit kanggé minggahaken bagéyan empyak (atap) griyanipun, satunggaling prastawa ingkang luar biasa amargi mawi tenaga ingkang alit saged ngasilaken kekuwatan kanggé ngangkat ingkang ageng. Ing taun 1720 James Ferguson dipundhawuhi dhateng peternakan tangganipun supados njagi domba lan piyambakipun gumun kalihan model mesin-mesin wonten ing mriku. Nalika wanci dalu James Ferguson nyinau babagan lintang-lintang. Bibar menika James Ferguson dados rewang ing papan panggilingan, lajeng dados dokter. James Ferguson pikantuk masalah ingkang ndadosaken kasarasanipun mandhap. James Ferguson ngibur awakipun piyambak kanthi damel jam mawi gerigi kayu lan pegas kanthi ngginakaken balung insang iwak paus. Nalika wiwit waras piyambakipun nedahaken karyanipun lan sapérangan pepanggihan sanèsipun dhateng satunggaling ningrat ingkang lajeng maringi pakaryan kanggé ngresiki koleksi jam. James Ferguson wiwit nggambar pola sulaman. Kasilipun ing bidang seni ndadosaken piyambakipun gadhah pamikiran dados pelukis.

Taun 1734 James Ferguson dhateng Edinburgh lan wiwit damel miniatur potrèt kanthi tujuan sinambi sinau. James Ferguson mbéayai piyambakipun lan kulawarganipun pinten-pinten taun saking pakaryan kasebut. Lajeng James Ferguson mapan wonten ing Inverness lan nggarap Astronomical Rotula for showing the motions of the planets, places of the sun and moon, &c. (Rotula Astronomi kanggé nedahaken obahing planet, orbitipun dhateng srengenge sarta bulan lan sanesipun.). Ing taun 1743 dhateng London, Inggris ingkang dados papanipun dumugi James Ferguson séda. James Ferguson nyerat manéka makalah kagem Royal Society of London déné piyambakipun ndhèrèk dados Anggota ing wulan November 1763,[3] ngrancang modèl astronomikal an mekanikal sarta ing taun 1748 James Ferguson miwiti kuliah umum kanggé filsafat èkspèrimental. Menika dipunampahi wonten ing kathah kutha penting wonten Inggris. Piyambakipun dados pengajar ngélmu pengetahuan ingkang kondhang awit saking pamikiran lan piranti mekanis ingkang dipunginakaken. James Ferguson tilar donya wonten ing London tanggal 17 November 1776 lan dipunmakamaken ing plataran gereja St Marylebone.

Karya[sunting | sunting sumber]

Karya penting Ferguson ingkang dipunandharaken menika :

  • Astronomical Tables (1763)
  • Lectures on Select Subjects (edisi kapisan, 1761, dipunsunting déning Sir David Brewster taun 1805)
  • Astronomy explained upon Sir Isaac Newton's Principles (1756, dipunsunting dening Sir David Brewster taun 1811)
  • Select Mechanical Exercises, with a Short Account of the Life of the Author, written by himself (1773).
  • Karya otobiografinipun kalebet Life dening E. Henderson, LL.D. (edisi kapisan, 1867; kaping kalih, 1870) ingkang ugi wonten andharan kanthi jangkep prinsip pepanggihan Ferguson mawi ilustrasi. Pirsani ugi The Story of the Peasant-Boy Philosopher, déning Henry Mayhew (1857).

Cathetan suku[sunting | sunting sumber]

Logo Wikimedia Commons
Pirsani galeri bab James Ferguson ing Wikimedia Commons.
Sumber artikel punika saking kaca situs web: "http://jv.wikipedia.org/w/index.php?title=James_Ferguson&oldid=843177"