Richard Knill Freeman

Saka Wikipédia Jawa, bauwarna mardika basa Jawa
Richard Knill Freeman
BangsaInggris
BebungahKompetisi Musiyum Widya lan Seni, Dublin 1882
Karya
BangunanGréja Holy Trinity, Blackpool
Gréja Anglkan St. Andrew, Moskow
Musiyum lan Gladri Seni Derby
Karya Richard Knill Freeman Musiyum lan Gladri Seni Derby lan Kapustakan Pusat Derby, 1876

Richard Knill Freeman (1840, Stepney, London – 24 Juni 1904[1]) inggih punika arsitèk Inggris ingkang miwiti kariripun ing Derby lajeng pindhah dhateng Bolton, Lancashire nalika pungkasan taun 1860-an.[1] Karyanipun mawi gagrag Gothik Victoria lan nedahaken usum arsitèktur Gothik Inggris saking mangsa pungkasan arsitèktur abad tengahan. Saged dipunpirsani ing sapérangan kutha ing laladan lèr Inggris.[2] Richard Knill Freeman nggarap kirang langkung 140 yasan, lajeng saparo saking punika taksih wonten sapunika kanthi manéka wujud.[3] Freeman punika anggota saking Manchester Society of Architects lan dados ketua ing taun 1890-1891.[3]

Karir[besut | besut sumber]

Gréja Holy Trinity, Blackpool

Pedamelan Freeman kalebet yasan gréja énggal, réstorasi, wisma pandhita, sekolah, griya, musiyum, yasan kutha lan griya sakit.[4] Piyambakipun damel rancangan tuwuhing Southport Pier lan satunggaling "Pavilyun India" kanggé North Pier, Blackpool taun 1874.[5] Karya Musiyum lan Gladri Seni Derby minangka pasung kanggé Derby déning Michael Thomas Bass bibar dipunyasa taun 1876.

Taun 1882 Richard Knill Freeman menang kompetisi kapisan kanggé Musiyum Widya lan Seni, Dublin mawi rancangan "satunggaling yasan pasagi mawi empyak (payon) mansard" ("a building quadrangular in form, with mansard roofs") lan dados koleksi Royal Irish Academy;[6] nanging amargi boten wonten satunggal kemawon arsitèk Irlan ndhèrèk kompetisi kapisan lajeng dipunwontenake kompetisi kaping kalih taun 1883 ingkang menang punika biro arsitèk Thomas Newenham Deane & Son. Taun 1878 Freeman kapilih kanggé ngrancang Gréja Anglikan St. Andrew, Moskow, Ruslan. Ngadhepi tuwuhing komunitas Inggris ing Moskow, punggawa gréja gadhah kekajengan supados arsitèk Inggris damel. Freeman ngadhepi kanthi damel rencana "jinising gréja Inggris wonten ing gagrag Gothik Viktorian". Gréja kapungkasan dipunyasa taun 1884.[4]

Taun 1887 Freeman nyambut damel dados arsitèk kanggé satunggaling griya wonten ing Bryerswood, Far Sawrey mendelegasikan pakaryan supervisi konstruksi marang asistènipun, Dan Gibson. Juru rancang taman Inggris Thomas Hayton Mawson nggrarap taman ing wekdal ingkang sami. Lajeng tigang tiyang punika nyambut damel kanthi adil wonten ing Graythwaite Hall, Newby Bridge, lan Gibson sareng kaliyan Mawson taksih nymabut damel sesarengan.[7] Gréja Holy Trinity, Blackpool karya Freeman rampung dipunyasa ing taun 1895 lan ugi gréjanipun St. Lawrence ing Barton, Preston.[8] Piyambakipun gui yasa Gréja St Margaret ing Hollingwood ngawontenaken réstorasi kanggé Gréja Worsley lan ngrancang griya sakit.[1] Putranipun, Frank Richard Freeman (1870–1934) ugi satunggaling arsitèk. Piyambakipun nglajengaken bapakipun wonten ing biro arsitèk Freeman & Son lan damel sapérangan gréja mawi gagrag ingkang sami kados bapakipun.[3]

Cathetan suku[besut | besut sumber]

  1. a b c Transactions of the Lancashire and Cheshire Antiquarian Society, Volume 22. Lancashire and Cheshire Antiquarian Society. 1905. kc. 228.
  2. "Provisional List of Buildings" (PDF). David French.
  3. a b c French, David (2009). "Richard Knill Freeman". David French. Diarsip saka sing asli ing 2011-06-29. Dibukak ing 2013-03-20.
  4. a b "History of St Andrew's". St Andrew's Anglican Church Moscow. Diarsip saka sing asli ing 2011-07-09. Dibukak ing 2013-03-20.
  5. McGrath, Sally; Grundy, Ian. "North Pier Pavilion". Blackpool Grand Theatres. Diarsip saka sing asli ing 2012-01-25. Dibukak ing 2013-03-20.
  6. "Freeman, Richard Knill". Dictionary of Irish Architects.
  7. "Thomas Hayton Mawson". Dictionary of Scottish Architects. 2008.
  8. "1985 – Church of St Lawrence, Barton, Preston, Lancashire". Archiseek. 2011.

Pranala njawi[besut | besut sumber]