Suku Alas

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Suku Alas, salah sawijining Suku ing Aceh
Suku Alas
Populasi total
kurang lebih 60.000 JIwa.
Pedunung wigati ing
Aceh Tenggara: 51.240 Jiwa
Basa

bahasa Alas.

Agama

Islam.

Suku bangsa cedhak dhéwé

suku Gayo, dan suku Karo.

Suku (Wong) Alas minangka salah sawijining suku ingkang papan dunungipun ing Kabupaten Aceh Tenggara, Provinsi Aceh (ingkang ugi asring dipunsebut Tanah Alas). Tembung "alas" ing basa Alas ateges "tiker". Bab punika wonten gegayutanipun kaliyan kahanan wilayah ing wekdal punika ingkang papanipun mbentang rata kados déné tiker ing sela-sela Bukit Barisan. Dhaérah Tanah Alas dipunléwati kathah kali, salah satunggalipun inggih punika Lawe Alas (Kali Alas).[1]

Sapérangan ageng Suku Alas dumunung ing desa lan gesang saking tetanén lan ternak. Tanah Alas minangka lumbung pari kanggé wilayah Aceh. Ananging kejawi punika, Suku Alas ugi ngandhelaken kasil saking kebon karet, kopi, lan kemiri, sarta pados manéka jinis kasil alas, kadosta kayu, rotan, damar lan kemenyan. Déné kéwan ingkang dipun ternak inggih punika turangga, menda, kebo, lan sapi.[1]

Kampung utawi desa Tiyang Alas dipunwastani kute. Sawijining Kute biasanipun dipunangge dening setunggal utawi langkung klan, ingkang dipunsebut merge. Anggota satunggal merge asalipun saking satunggal nenek moyang ingkang sami. Pola gesang kekaluwargan inggih punika kebersamaan lan persatuan. Suku punika narik garis keturunan patrilineal, tegesipun garis keturunan kakung. Suku Alas ugi nganut adat eksogami merge, tegesipun jodhoh kedah dipunpadosi ing merge sanés.[2]


Suku Alas 100% minangka penganut agama Islam. ananging taksih ingkang wonten pitados kaliyan praktik perdhukunan kadosta ing kegiyatan tetanén. Suku Alas nindakaken upacara-upacara kanthi latar belakang kepercayaan tartamtu supados tetanenipun gadhah kasil ingkang sae ugi boten kenging hama.[3]


Marga[sunting | sunting sumber]

Miturut buku (Sanksi dan Denda Tindak Pidana Adat Alas, Dr Thalib Akbar MSC 2004) wonten marga–marga etnis Alas inggih punika: Bangko, Deski, Keling, Kepale Dese, Keruas, Pagan, lan Selian lajeng wonten malih marga Acih, Beruh, Gale, Kekaro, Mahe, Menalu, Mencawan, Munthe, Pase, Pelis, Pinim, Ramin, Ramud, Sambo, Sekedang, Sugihen, Sepayung, Sebayang lan marga Terigan.[4]

Seni Tari[sunting | sunting sumber]

Wonten kesenian saking etnis suku Alas (Musyawarah Adat Alas dan Gayo, 2003) :

1. Tari Mesekat
2. Pelabat
3. Landok Alun
4. Vokal Suku Alas
5. Canang Situ
6. Canang Buluh
7. Genggong
8. Oloi-olio
9. Keketuk layakh
[5]

Kerajinan[sunting | sunting sumber]

Punika minangka kasiling kerajinan tradisional saking etnis alas kadosta :

1. Nemet (ngayam godhong rumbia)
2. Mbayu amak (tiker pandan)
3. Bordir ageman adat
4. Pande besi (pisau bekhemu)
[5]

Tetedhan Tradisonal[sunting | sunting sumber]

Punika jinising tetedhan tradisional saking suku alas :

1. Manuk labakh
2. Ikan labakh
3. Puket Megaukh
4. Lepat bekhas
5. Gelame
6. Puket Megaluh
7. Buah Khum-khum
8. Ikan pacik kule
9. Teukh Mandi
10. Puket mekuah
11. Tumpi
12. godekhr
13. puket sekuning
14. cimpe
15. getuk
[5]

Cathetan Suku[sunting | sunting sumber]

  1. ^ a b (id)[1]
  2. ^ (id)AGARA ONLINE
  3. ^ (id)Budaya Aceh Tenggara
  4. ^ (id)Agara Media
  5. ^ a b c (id)[2]
Sumber artikel punika saking kaca situs web: "http://jv.wikipedia.org/w/index.php?title=Suku_Alas&oldid=883001"