Suku Banten

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Peta Banten, Jawa Barat

Suku Banten, langkung pasipun Tiyang Banten minangka penduduk asli ingkang dumunung ing bekas daerah kekuasaan Kesultanan Banten ing njawi Parahiyangan, Cirebon lan Jakarta. Miturut sensus BPS taun 2000, suku Banten populasinipun 2,1 % saking penduduk Indonesia.[1]

Tiyang Banten migunakaken basa Banten[2]. Basa Banten inggih punika salah satunggaling dialek basa Sunda ingkangn langkung celak kaliyan basa Sunda Kuna ingkang ing basa Sunda Modern kagolong minangka basa ingkang kasar. Bedanipun tata basa antawisipun Basa Banten lan Basa Sunda amargi wilayah Banten boten nate dados bageyan saking Kesultanan Mataram saengga boten ngenal tingkatan alus lan lan alus sanget ingkang dipunkenalaken dening Mataram. Basa punika dipun lestantunaken salah satunggaling kanthi program berita Beja ti Lembur ing basa Banten ingkang dipunsiaraken dening siaran televisi lokal ing wilayah Banten.[3]

Asal tembung Banten[sunting | sunting sumber]

Tembung Banten wonten saderengipun jumenengipun Kesultanan Banten. Tembung punika dipunginakaken kangge nyukani namasawijining kali lan daerah saklilingipun inggih punika Cibanten utawi Kali Banten. Rujukan kaserat pisanan babagan Banten saged dipunpanggihaken ing naskah Sunda Kuno Bujangga Manik ingkang nyebutaken nama-nama papan ing Banten lan sakanan kiringipun, kados mekaten:[4]

tanggeran Labuhan Ratu.
Ti kaler alas Panyawung,
tanggeran na alas Banten.

Itu ta na gunung (.. .)ler,
tanggeran alas Pamekser,
nu awas ka Tanjak Barat.
Itu ta pulo Sanghiang,
heuleut-heuleut nusa Lampung,

Ti timur pulo Tampurung,
ti barat pulo Rakata,
gunung di tengah sagara.
Itu ta gunung Jereding,
tanggeran na alas Mirah,

ti barat na lengkong Gowong.
Itu ta gunung Sudara,
na gunung Guha Bantayan,
tanggeran na Hujung Kulan,
ti barat bukit Cawiri.

Itu ta na gunung Raksa,
gunung Sri Mahapawitra,
tanggeran na Panahitan,

Dataran langkung inggil ingkang dipunlewati kali punika dipunsebut Cibanten Girang utawi dipunsebut Banten Girang ("Banten atas"). Adhedhasar panaliten ingkang dipuntindakaken ing Banten Girang nalika taun 1988 ing program Franco-Indonesian excavations, ing daerah punika sampun wonten pemukiman wiwit abad ke 11 dumugi 12 (nalika kerajaan Sunda). Adhedhasar riset punika ugi dipunmangertosi bilih daerah punika ngrembaka nalika abad ke-16 nalikaIslam mlebet pisanan ing wilayah punika. Perkembangan pemukiman punika lajeng jembar utawi geser ing arah Serang lan ing arah pante. Ing daerah pante punika lajeng dipunbangunKesultanan Banten dening Sunan Gunung Jati. Kesultanan punika kedahipun nguwaosi sedaya bekas Kerajaan Sunda ing Jawa Barat. Ananging Sunda Kalapa utawi Batavia dipunrebut dening Belanda sarta Cirebon lan Parahiyangan dipunrebut dening Mataram. Daerah kesultanan punika lajeng dipunewahi dados karesidenan.[5]

Delengen Uga[sunting | sunting sumber]

  1. Kesultanan Banten

Cathetan Suku[sunting | sunting sumber]

Rujukan[sunting | sunting sumber]

  1. Claude Guillot, The Sultanate of Banten, Gramedia Book Publishing Division, Jakarta, 1990
  2. Adolf Heuken SJ, Sumber-sumber asli sejarah Jakarta, Jilid II, Cipta Loka Caraka, Jakarta,2000
  3. Adolf Heuken SJ, Sumber-sumber asli sejarah Jakarta, Jilid III, Cipta Loka Caraka, Jakarta,2000
Sumber artikel punika saking kaca situs web: "http://jv.wikipedia.org/w/index.php?title=Suku_Banten&oldid=836266"