Suku Toraja

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Suku Toraja
Toraja
Populasi total
650.000[1]
Pedunung wigati ing
Sulawesi Barat, Sulawesi Selatan
Basa

Toraja-Sa'dan, Kalumpang, Mamasa, Ta'e, Talondo' dan Toala'.

Agama

Protestan: 65.15%, Katolik: 16.97%, Islam: 5.99% dan Aluk To Dolo: 5.99%.[1]

Suku bangsa cedhak dhéwé

Bugis, Makassar

Suku Toraja inggih punika suku ingkang dumunung ing pegunungan bagéyan lér Sulawesi Selatan, Indonesia. Populasinipun dipunprakirakaken antawis 1 juta jiwa, kanthi 500.000 antawisipun taksih dumunung ing Kabupatèn Tana Toraja, Kabupatèn Toraja Utara, lan Kabupatèn Mamasa.[1] Mayoritas suku Toraja mlebet agama Kristen, déné sapérangan nganut Islam lan kepercayaan animisme ingkang dipunkenal minangka Aluk To Dolo. Pamaréntah Indonesia sampun minangkani kapitadisan punika minangka bageyan saking Agama Hindu Dharma.

Tembung toraja asalipun saking basa Bugis, to riaja, ingkang ateges "tiyang ingkang dumunung ing negeri inggil". Pemerintah kolonial Belanda maringi nama suku punika Toraja nalika taun 1909.[2] Suku Toraja misuwur amargi ritual pemakaman, griya adat tongkonan lan ukiran kayunipun. Ritual pemakaman Toraja minangka prastawa sosial ingkang wigati, biasanipun dipunrawuhi dening atusan tiyang lan kalangsungaken pirang-pirang dinten.

Sadéréngipun abad ke-20, suku Toraja dumunung ing desa-desa otonom. Suku punika taksih nganut animisme lan dereng kasenggol dening dunya njawi. Nalika wiwitan taun 1900-an, misionaris Belanda rwauh lan nyebaraken agama Kristen. Sasampunipun samsaya kabikak tumrap dunya njawi ing taun 1970-an, kabupaten Tana Toraja dados lambang pariwisata Indonesia. Tana Toraja dipunmanfaataken dening pengembang pariwisata lan dipunsinaoni dening antropolog.[3] Masyarakat Toraja wiwit taun 1990-an ngalami transformasi budaya, saking masyarakat kepercayaan tradisional lan agraris, dados masyarakat ingkang mayoritas agama Kristen lan ngandelaken sektor pariwisata ingkang terus ningkat.[4]

Identitas etnis[sunting | sunting sumber]

Suku Toraja kagungan sekedhik pamanggih kanthi jelas babagan dhiri pribadinipun minangka sawijining kelompok etnis saderengipun abad ke-20. Saederengipun penjajahan Belanda lan masa pengkristenan, suku Toraja, ingkang dumunung ing daerah dataran tinggi, dipunkenali adhedhasar desanipun, lan boten kagungan pamanggih minangka kelompok ingkang sami. Ewadene ritual-ritual nyiptakaken hubungan antawisipun desa-desa, wonten kathah keragaman wonten dialek, hierarki sosial, lan maneka praktik ritual ing kawasan dataran tinggi Sulawesi. "Toraja" (saking basa pesisir ke, ingkang ateges tiyang, lan Riaja, dataran tinggi) pisanan dipunginakaken minangka sebutan penduduk dataran rendah kangge penduduk dataran tinggi.[2] Akibatipun, nalika wiwitan "Toraja" langkung kathah kagungan hubungan dedagangan kaliyan tiyang njawi—kadosta suku Bugis lan suku Makassar, ingkang dumunung iing saperangan ageng dataran rendah ing Sulawesi—tinimbang kaliyan sasama suku ing dataran tinggi. Rawuhipun misionaris Belanda ing dataran tinggi Toraja medalaken kesadaran etnis Toraja ing wilayah Sa'dan Toraja, lan identitas ingkang sami punika tuwuh kanthi bangkitipun pariwisata ing Tana Toraja.[3] Wiwit punika, Sulawesi Selatan kagungan sekawan kelompok etnis utama—suku Bugis (kaum mayoritas, ngliputi penggawe kapal lan pelaut), suku Makassar (pedagang lan pelaut), suku Mandar (pedagang lan nelayan), lan suku Toraja (petani ing dataran tinggi).[5]

Cathetan Suku[sunting | sunting sumber]

  1. ^ a b c "Tana Toraja official website" (in Indonesia). http://www.toraja.go.id/sosial.php. Retrieved 2013-01-14.
  2. ^ a b Nooy-Palm, Hetty (1975). "Introduction to the Sa'dan People and their Country". Archipel 15: 163–192.
  3. ^ a b Adams, Kathleen M. (January 31, 1990). "Cultural Commoditization in Tana Toraja, Indonesia". Cultural Survival Quarterly 14 (1). http://209.200.101.189/publications/csq/csq-article.cfm?id=841. Retrieved 2013-01-14.
  4. ^ Adams, Kathleen M. (Spring 1995). "Making-Up the Toraja? The Appropriate of Tourism, Anthropology, and Museums for Politics in Upland Sulawesi, Indonesia". Ethnology 34 (2): 143. doi:10.2307/3774103. Cithakan:ISSN. http://www.jstor.org/pss/3774103. Retrieved 2013-01-14.
  5. ^ Sutton, R. Anderson (1995). "Performing arts and cultural politics in South Sulawesi" (PDF). Bijdragen tot de Taal-, Land- en Volkenkunde 151 (4): 672–699. http://www.kitlv-journals.nl/files/pdf/art_BKI_1565.pdf.

Pranala Njaba[sunting | sunting sumber]

Logo Wikimedia Commons
Pirsani galeri bab Suku Toraja ing Wikimedia Commons.
Sumber artikel punika saking kaca situs web: "http://jv.wikipedia.org/w/index.php?title=Suku_Toraja&oldid=836204"