Suku Makassar

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Sukus Makassar

Suku Makassar inggih punika nama Melayu kanggé sawijning étnis ingkang dumunung ing pesisir kidul pulo Sulawesi. Ing Makassar nyebutipun Mangkasara' ateges" Tiyang-tiyang ingkang sipatipun kabikak."[1]

Étnis Makassar punika minangka étnis ingkang jiwanipun penakluk ananging demokratis ing maréntah, remen perang lan jaya ing laut. Boten kagét nalika ing abad ke-14-17, kanthi simbol Kerajaan Gowa, tiyang Makassar sukses mbentuk sawijining wilayah krajan ingkang jembar kanthi kekiyatan armada laut ingkang ageng kasil bentuk sawijining Imperium kanti napas Islam, wiwit saking sedaya wilayah ing pulo Sulawesi, Kalimantan bageyan wetan, NTT, NTB, Maluku, Brunei, Papua lan Australia bageyan ler. Tiyang-tiyagipun njalin Traktat kaliyan Bali, kerjasama kaliyan MAlaka lan Banten ugi sedaya kerajaan sanesipun ingkang wonten ing ing Nuswantara punapa dene Internasional (mliginipun Portugis). Kerajaan punika ugi ngadhepi perang ingkang ageng kaliyan Belanda ngantos dumugi crahipun amargi adu dombanipun Belanda kaliyan krajan taklukanipun.

Hubungan Makassar kaliyan Bugis[sunting | sunting sumber]

Wonten ingkang ngira bilih Makassar punika identik lan setunggal rumpun kaliyan suku Bugis lan bilih istilah Bugis lan Makassar inggih punika istilah ingkang dipunciptakaken déning Belanda kangge mecah belah. Dumugi Kerajaan Makassar kalah ing Belanda, sedaya potensi dipunmatikaken, mengeti suku punika misuwur panic nentang Belanda. Ing pundi kepanggih kaliyan Belanda,pesthi dipunerangi. Saperangan tokoh sentral Gowa ingkang nolak nyerah kados dene Karaeng Galesong, hijrah ing Tanah Jawa. Sesarengan kaliyan armada lautipun ingkang perkasa, merangi saben kapal Belanda ingkang dipunpanggihi. Amargi punika, Belanda ingkang nalika punika ing ngandhap pimpinan Spellman njuluki kanthi nama "Si-Bajak-Laut"

Saking segi linguistik, basa Makassar lan basa Bugis benten, ewadene kekalih basa punika kalebet ing Rumpun basa Sulawesi Selatan[2] ing cabang Melayu-Polinesia saking rumpun bahasa Austronesia. Ing kelompok punika, basa Makassar[3] kalebet ing sub-kelompok ingkang sami kaliyan basa Bentong, Konjo lan Selayar, dene basa Bugis[4] mlebet ing sub-kelompok ingkang sami kaliyan basa Campalagian lan kekalih basa ingkang dipuntuturaken ing pulo Kalimantan inggih punika basa Embaloh lan basa Taman. Beda antawisipun basa Bugis lan Makassar punika inggih salah satunggal ciri ingkang bedakaken kekalih suku punika.

Pamanggih bilih Bugis lan Makassar punika setunggal rumpun asalipun saking penaklukan kerajaan kados Bone lan Wajo dening Gowa.

Cathetan Suku[sunting | sunting sumber]

  1. ^ [repository.unhas.ac.id/bitstream/handle/123456789/905/Tuwo%20dan%20Tresnati%20-%20The%20Bugis-Macassares.docx?sequence=1]
  2. ^ "Austronesian, Malayo-Polynesian, South Sulawesi" dalam www.ethnologue.com
  3. ^ Suku Makassar ing Ethnologue
  4. ^ Suku Makassar ing Ethnologue

Delengen Uga[sunting | sunting sumber]

Sumber artikel punika saking kaca situs web: "http://jv.wikipedia.org/w/index.php?title=Suku_Makassar&oldid=851855"