Florent Malouda

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Florent Malouda
Florent Malouda.jpg
Informasi Pribadi
Jeneg Jangkep Florent Johan Malouda[1]
Tanggal lair 13 Juni 1980 (umur 33)
Papan lair Cayenne, Guyana Perancis
Dhuwur 1.76 m (5 ft 9 in)[2]
Posisi Gelandang sayap
Informasi klub
Klub mangsa iki Chelsea
Nomer 15
Karier mangsa enom
ASC Remiré
Karier mangsa tua*
Taun Tim Tampil (Gol)
1996–2000 Châteauroux 59 (5)
2000–2003 Guingamp 92 (15)
2003–2007 Lyon 138 (24)
2007– Chelsea 149 (35)
Tim nasional
2004– Perancis 77 (9)
* Panampilan lan gol ing klub enom bisa dietung saka liga dhaerah dan akurat per 15.00, 13 Mei 2012 (UTC).

‡ Panampilan lan gol sak tim nasional akurat per 22.00, 5 Juni 2012 (UTC)


Florent Johan Malouda, (pocapan Prancis: [flɔʁɑ̃ maluda], lair ing Cayenne, Guyana Perancis, 13 Juni 1980; umur 33 taun) inggih punika satunggaling pemain bal-balan saka Perancis ingkang biasa gadhah posisi gelandang sayap kiwa. Sakmenika piyambakipun main kanggé Chelsea lan tim nasional Perancis.

Karier Klub[sunting | sunting sumber]

Châteauroux[sunting | sunting sumber]

Malouda minangka pemain bal-balan jalanan nalika remaja ing Guyana Perancis. Piyambakipun tipe pemain ingkang main kanthi tèknik lan imajinatif kanggé nrobos pertahanan lawan.

Pamados bakat saking klub bal-balan saking Paris, Châteauroux lajeng ngrèkut piyambakipun. Malouda nindakaken debut kanggé tim utama Châteauroux nalika umuripun taksih angka 16 taun wonten ing kompetisi Ligue 2 (Divisi 2 Liga Perancis).

Guingamp[sunting | sunting sumber]

Malouda lajeng kagabung kaliyan Guingamp sasampuning Châteauroux gagal tetep ing Ligue 1. Wonten ing sangandhaping asuhan pelatih Guy Lacombe, Malouda sesarengan kaliyan kanca satunggal timipun Didier Drogba nedahaken bakatipun minangka pamain kanthi akurasi umpan lan pamungkas peluan ingkang mumpuni.

Olympique Lyonnais[sunting | sunting sumber]

Lyon lajeng ngrèkut Malouda taun 2003. Sesarengan kaliyan Juninho, Michael Essien, lan Mahamadou Diarra, Malouda mbangun lini tengah Lyon. Malouda lajeng dipundhawuhi kanggé mlebet ing tim nasional Perancis.

Wonten ing musim 2006–07 Malouda kasil mbekta Lyon dados juara Ligue 1 kanggé kaping 6 kanthi urut-urutan. Piyambakipun ugi kasil damel 10 gol lan dados Pemain Paling Apik musim kasebut.

Malouda nedahaken bilih piyambakipun badhé pindhah saking Lyon wonten ing akhir musim 2006–07. Chelsea, Liverpooll lan Real Madrid kapèncut pèngin ngrawuhaken Malouda.

Chelsea[sunting | sunting sumber]

Wonten ing 9 Juli 2007, Malouda resmi kagabung kaliyan Chelsea kanthi nilai transfer dipunlaporaken sakitar £13 juta kanggé masa kontrak tigang taun. Malouda lajeng migunakaken kostum nomor punggung 15.

Malouda nindakaken debut kanggé Chelsea nalika partai persahabatan pra-musim ngadhepi Club América. Piyambakipun damel gol penyeimbang lan maringi asist gol kemenangan ingkang dipundamel déning John Terry.

Wonten ing debut kompetitif Malouda kaliyan Chelsea kalangsungaken wonten ing partai Community Shield 2007 ngadhepi Manchester United. Pertandingan pungkasan kanthi kawonipun Chelsea wonten ing adhu penalti, sasampuning imbang 1–1. Malouda damel 1 gol kanggé Chelsea wonten ing pertandingan kasebut.

Malouda nindakaken debut ing Liga Primer Inggris nalika Chelsea ngadhepi Birmingham City tanggal 12 Agustus 2007. Piyambakipun main ing sayap kiwa, posisi ingkang sadèrèngipun dipunpapani déning Arjen Robben lan Joe Cole. Malouda damel gol kaping 2 wonten ing pertandingan ingkang pungkasan kanthi kamenangan 3–2 kanggé Chelsea.

Malouda damel gol perdana nalika debut minangka pemain Chelsea wonten ing kompetisi Liga Champions UEFA nalika ngadjepi Schalke 04.

Wonten ing pungkasan musim perdananipun, Malouda total damel 2 gol lan satunggal asist ing Liga Primer. Kasil ingkang minim amargi piyambakipun dados pilihan angka 2 sasampuning Salomon Kalou lan gantosipun manajer Chelsea dhateng Avram Grant.

Wonten ing musim 2008–09, salah satunggaling penampilan paling apik Malouda inggih nalika kemenangan tandang Chelsea 3–1 saking Liverpool wonten ing partai perempat final Liga Champions UEFA. Malouda damel asist kanggé tigang gol ingkang dipundamel Branislav Ivanovic lan Didier Drogba.

Malouda damel salah satunggaling gol kemenangan 2–1 Chelsea versus Arsenal ing semifinal Piala FA wonten ing Wembley Stadium. ing final, Malouda damel asist kanggé Drogba ingkang damel gol penyeimbang, Chelsea menang 2–1 saking Everton.

Nalika 23 Juni 2009 Malouda napakasmani perpanjangan kontrak sadanguning sekawan taun kaliyan Chelsea. Rawuhipun Carlo Ancelotti minangka manajer énggal Chelsea maringi satunggal papan utama kanggé piyambakipun ing sisih kiwa formasi berlian ingkang dipunginakaken Ancelotti. Tanggal 3 November 2009, Malouda damel penampilan kaping 100 kaliyan Chelsea, wonten ing partai ngadhepi Atletico Madrid. Tanggal 25 Desember 2009, piyambakipun dipunmedalaken wasit saking lapangan sasampuning nindakaken pelanggaran dhateng Stephen Carr pemain Birmingham City.

Wonten ing partai wigati Liga Primer Inggris musim 2009–10, nalika Chelsea nagdhepi tuan rumah Manchester United, Malouda damel asist kanggé gol penting Joe Cole. Chelsea menang 2–1 ing partai kasebut. Piyambakipun ugi damel gol ing partai semifinal Piala FA 2010, Chelsea menang 3–0 saking Aston Villa tanggal 10 April 2010. Malouda total 15 gol lan 15 asist sadanguning musim 2009–10 Liga Primer Inggris.

Wonten ing musim 2010–11, Malouda kondhang amargi karemenanipun nggantos gaya potongan rékma. Malouda dados top skor klub ing Liga Primer sasampuning damel 13 gol. Dumugi Mei 2011, Malouda sampun damel 41 gol saking 179 penampilan kanggé Chelsea ing sedaya kompetisi.

Karier Internasional[sunting | sunting sumber]

Malouda nindakaken debut kanggé tim nasional Perancis tanggal 17 November 2004 ing partai Perancis vs Polandia. Malouda lajeng pikantuk satunggal papan ing tim nasional. Piyambakipun damel gol perdana kanggé negaranipun nalika Perancis ngadhepi Hungaria tanggal 31 Mei 2005.

Malouda sampu damel 7 gol saking 71 penampilan kanggé Perancis.

Prestasi[sunting | sunting sumber]

Klub[sunting | sunting sumber]

Lyon
Chelsea

Tim Nasional[sunting | sunting sumber]

Perancis

Individual[sunting | sunting sumber]

  • Pemain Paling Apik Wulanan Liga Primer Inggris: Maret 2010
  • Pemain Paling Apik Chelsea versi Para Pemain: 2010

Cathetan Suku[sunting | sunting sumber]

Pranala luar[sunting | sunting sumber]

Logo Wikimedia Commons
Pirsani galeri bab Florent Malouda ing Wikimedia Commons.


Sumber artikel punika saking kaca situs web: "http://jv.wikipedia.org/w/index.php?title=Florent_Malouda&oldid=843379"