Ligue 1

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Logo Ligue 1

Cithakan:Infobox football league Ligue 1 inggih punika divisi paling inggil wonten ing liga bal-balan Perancis. Ligue 1 kasusun saking 20 tim wiwit musim 2002-2003 (sadèrèngipun 18). Tiga tim paling andhap dipundégradasikaken dhateng Ligue 2, lan dipunatosaken déning tiga tim paling inggil ing divisi kasebut. Ligue 1, wonten ing bentukipun kados sakmenika, dipunwiwiti taun 1932. Klub ingkang paling suksès inggih punika AS Saint-Étienne ingkang juara kaping 10, dipunsusul Olympique de Marseille (8), lan FC Nantes (8).

Sajarah[sunting | sunting sumber]

Jasa pelaut Inggris[sunting | sunting sumber]

Begja ing masa rumiyin tiyang sampun sami kenal musyawarah kanggé mufakat. Tanpa punika, mungkin bal-balan Perancis boten badhé dados modérn kados sakmenika. Saged ugi Ligue 1 (Le Championnat de France de D1) ugi telat lair.

Kados déné ing benua Amerika sarta mayoritas negara-negara Eropa daratan, bal-balan mlebet dhateng Prancis berkat jasa Englishmen. Klub kapisanan ingkang madeg ing negeri punika inggih Le Havre Athletic Club (taun 1872), tim ingkang sakmenika dumunung wonten ing divisi 2 alias Ligue 2. [1]

Bab punika boten ngagétaken ngemut Le Havre minangka kutha pelabuhan ingkang mapan persis ing pinggir English Channel (selat ingkang misahaken Britania kaliyan Eropa). Dados, penduduk lokal wiwit ngenal dolanan punika saking para pelaut Inggris.

Ananging, sakbotenipun dumugi 1890an, wonten 3 macem aturan bal-balan ingkang dipunmainaken ing Perancis: association football, rugby football, lan hybrid football (gabungan kalih jinis ingkang pisanan).

Karena béda, perkembangan saben jinis dados boten lancar. Amargi punika tiyang-tiyang sami nindakaken musyawarah lan sarujuk kanggé damel punika langkung sederhana ing ngandhap satunggal aturan, inggih punika association football, mirip kaliyan aturan ingkang dipunkenal sakmenika. Saèngga, langkung kathah tiyang ingkang remen lan bal-balan langsung ngrambah ing sedaya wewengkon ing Perancis.

Kathahipun paminat sarta klub-klub ènggal damel dipungelaripun turnamèn bal-balan regional. Paris ngawontenaken kapisanan wonten ing taun 1892 lajeng kasusul déning daerah-daerah sanèsipun.

Ananging, lantaran bédanipun ètnis lan agama, dèrèng wonten kompetisi khusus ingkang nggelar kanthi rutin pertandingan antarklub skala nasional. Dumugi 1903, sakbotenipun wonten pitu turnamèn regional ingkang dipungelar ing Perancis.

Pambentukan Federasi Bal-balan Prancis ugi lumampah alon éwadéné tim Les Bleus sampun nindakaken pertandingan antarnegara ingkang kapisanan tanggal 1 Mei 1904 nglawan Belgia (skor 3-3).

Musim pisanan (1932)[sunting | sunting sumber]

Logo dangu.

Kadadosanipun Perang Donya I nambahi aloning prosès integrasi lan nembé ing taun 1917 turnamèn nasional Piala Prancis (Charles-Simon Cup) dipunadani. Tanggal 7 April 1919, La Federation Francaise de Football (FFF) saged jumeneng.

Sekjen FFF, Jules Rimet, kapilih dados Presiden Fédération Internationale de Football Association taun 1921 lan berkat visinipun Piala Dunia dipunadani taun 1930. Ananging, liga profesional ing Prancis nembé lumampah kalih taun candhakipun. Pasarta cacahipun 20 klub lan kapérang dados 2 grup.

Wonten ing musim perdana (1932-1933), Lille (l'Olympique Lillois) dados juara. Kompetisi liga kanthi pakem modérn nembé dipunwontenaken wonten ing taun candhakipun kanthi via pembentukan Championnat de France.

Badan punika kagungan tiga divisi kanthi jenjang, inggih punika Ligue 1 (ingkang paling inggil), lajeng Ligue 2, lan Amateur French Championship (CFA)

Rékor-rékor Ligue 1[sunting | sunting sumber]

  • Gelar paling kathah: Saint-Etienne (10 gelar)
  • Titel berurutan paling kathah: Lyon (7, 2002-2008)
  • Paling dangu boten kawon wonten ing 1 musim: Nantes, 32 partai (1994-1995)
  • Boten kawon ing kandhang: Nantes, 92 partai (15] Mei 1976 dumugi 7 April 1981)
  • Kemenangan paling kathah wonten ing satunggal musim: 26, Reims (1959-60), Monaco (1960-61), Nantes (1965-66, 1979-80) kanggé liga kanthi 20 tim; 25 kali, Saint-Etienne (1969-70) kanggé liga kanthi 18 tim
  • Kemenangan kandang paling kathah wonten ing satunggal musim: 19, Saint-Etienne (1974-75)
  • Kemenangan tandang paling kathah wonten ing satunggal musim: 12, déning Saint-Etienne (1969-70), Lyon (2005-2006), lan Marseille (1971-1972 lan 2008-2009)
  • Kawon paling sekedhik: 1, Nantes (1994-95)
  • Paling asring dumunung ing divisi utama: Sochaux, 57 musim
  • Tanpa pedhot ing divisi utama: Nantes, 44 musim, wiwit 1963-2007)
  • Musim kanthi jumlah gol aling kathah: 1946-47 (1.344 gol, rata-rata 3,51 per partai)
  • Tim paling produktif: RC Paris, musim 1959-60 (118 gol)
  • Pertahanan paling apik: Marseille, musim 1991-92, mlebet 21 gol
  • Selisih gol paling apik: Reims, musim 1959-60 (+63)
  • Kemenangan paling ageng: 12-1, Sochaux vs Valenciennes, musim 1935-36
  • Jumlah kartu kuning paling kathah: 1.654, musim 2002-03
  • Jumlah kartu merah terbanyak: 131, musim 2002-03
  • Klub penerima kartu merah paling kathah ing satunggal musim: 1998-99 Bastia, 2002-03 PSG, 2003-04 Lens (13 kartu)
  • Pelatih dengan partai paling kathah: Guy Roux, Auxerre (1961-2000, 2001-2005), 890 partai
  • Total penonton paling kathah: 8.086.774, musim 2004-05
  • Penonton paling kathah wonten ing satunggal pertandingan: 77.840, Lille vs Lyon, musim 2007-2008.[2]

Cathetan Suku[sunting | sunting sumber]

Cithakan:Sepak bola ing Perancis Cithakan:Ligue 1 Cithakan:Kompetisi di Eropa Cithakan:Perancis-sb-stub

Sumber artikel punika saking kaca situs web: "http://jv.wikipedia.org/w/index.php?title=Ligue_1&oldid=843395"