Lyon

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados

Lyon (dipun andharaken mawi basa lisan dados [ljɔ̃] wonten ing Basa Perancis, utawi kirang langkung kados tembung lie-eyong) inggih punika salah satunggaling kitha dagang, pariwisata, indhustri, saha hiburan ingkang ageng. Lyon misuwur minangka pusering coklat, es krim, saha minangka kitha ingkang paling ageng nomer kalih ing Prancis. Kitha Lyon mapan wonten ing sisih wetan radi lor saking negara Prancis. Kitha punika inggih minangka wilayahipun ibukota kanggé région Rhone-Alpes saha ibukota saking departemen Rhone. Papan dumununging kitha Lyon kanthi langkung njlimet inggih mapan wonten ing pinggir sisih lor saking Kali Rhone.

Daya Tarik[sunting | sunting sumber]

Kitha Lyon misuwur minangka punjering wisata musim panas kanthi skyline langit ing wekdal dalu ingkang éndah sanget. Kejawi saking punika, saben malem taun enggal ing Lyon sampun temtu dipun adani pesta cahya ngangge laser ingkang ndadosaken daya tarik piyambak kangge ewunan tiyang wisatawan saking lebet negeri utawi saking njawi nagari kangge dhateng mirsani pesta laser punika.[1]

Pendhudhuk[sunting | sunting sumber]

Cacahipun pendhudhuk ingkang dumunung wonten ing kitha Lyon punika inggih kirang langkung 4.567.000 tiyang miturut sensus 2012, kanthi dhaerah sub- urban ingkang wonten ing sakiterpun gadhah pendhudhuk ngantos 4 yuta tiyang saha warga pendhudhuk ingkang dumunung wonten ing wilayah metropoltanipun gadhah kirang langkung 6,6 yuta tiyang.[2] Departemen Rhone inggih punika salah satunggaling wilayah ingkang paling alit ingkang mapan wonten ing Prancis kanthi ambanipun dhaerah namung 1.600 km², saha minangka salah satunggaling kitha ingkang paling kebak pendhudhukipun, inggih kanthi kirang langkung 6.785.000 tiyang wonten ing sensus 2005. Menawi kitha Lyon piyambak namung ambanipun 56 km&sup#;. Kitha Lyon ugi gadhah klub bal-balan ingkang misuwur inggih punika, Olympique Lyonnais. Kejawi saking punika, ing Lyon ugi wonten papan kangge mbungkusi daging wonten ing kaleng saha papan lokasi keju ingkang misuwur.

Iklim[sunting | sunting sumber]

Iklim wonten ing kitha Lyon punika kalebet iklim laut ingkang lembab utawi iklim subtropical. Musim winters wonten ing kitha punika langkung asrep tinimbang kitha- kitha sanesipun ing sisih kidul bageyan negara Prancis, kirang langkung iklimipun 3.2 °C (37.8 °F) wonten ing sasi Januari. Dene musim summer anget sanget udaranipun inggih kirang langkung 21.3 °C (70.3 °F) wonten ing sasi Juli.

Cathatan Suku[sunting | sunting sumber]

  1. ^ (fr)[[1]](dipunundhuh tanggal 18 Januari 2013)
  2. ^ (fr)[[2]] A la Une (dipunundhuh tanggal 18 Januari 2013)
Sumber artikel punika saking kaca situs web: "http://jv.wikipedia.org/w/index.php?title=Lyon&oldid=836091"