Angkah Pambangunan Milenium

Saka Wikipédia, Ènsiklopédhi Bébas ing basa Jawa / Saking Wikipédia, Bauwarna Mardika mawi basa Jawi

Angkah Pambangunan Milenium (Millennium Development Goals) iku wolung angkah utawa gegayuhan sing wis disetujoni kanggo digayuh jroning taun 2015 déning kabèh anggota PBB sing cacahé 191 negara.

Bab lan Paragraf 1 Angkah 1.1 1. Ngilangaké kamiskinan lan keluwèn sing nemen 1.2 2. Ningkataké tataran pendhidhikan dhasar sacara universal 1.3 3. Ngembangaké kasetaraan jender lan memberdayakaké wanita 1.4 4. Ngurangi cacahing kepatèn bocah 1.5 5. Ningkatkaké kaséhatan ibu 1.6 6. Nglawan panyakit HIV/AIDS, malaria, lan penyakit liyané 1.7 7. Njamin lumintuné pembangunan lingkungan 1.8 8. Ngembangaké kemitraan global kanggo pembangunan 2 Delengen uga 3 Pranala jaba

[sunting] Angkah

Déklarasi Milenium PBB sing ditapakasmani ing sasi September 2005 nyetujoni supaya kabèh negara:

[sunting] 1. Ngilangaké kamiskinan lan keluwèn sing nemen

• Target kanggo taun 2015: Ngurangi setengah saka pedunung donya sing pametuné kurang saka 1 dolar AS sedina lan ngalami keluwèn.

[sunting] 2. Ningkataké tataran pendhidhikan dhasar sacara universal

• Target kanggo taun 2015: Mesthèkaké yèn kabèh anak lanang lan wadon ngéntukaké lan ngrampungaké tarap pendhidhikan dhasar.

[sunting] 3. Ngembangaké kasetaraan jender lan memberdayakaké wanita

• Target 2005 lan 2015: Ngurangi diskriminasi jender jroning pendhidhikan dhasar lan menengah utamané kanggo taun 2005 lan kabèh tataran ing taun 2015.

[sunting] 4. Ngurangi cacahing kepatèn bocah

• Target kanggo taun 2015: Ngurangi rong protelon tingkat kepatèn bocah umur sangisoré limang taun

[sunting] 5. Ningkatkaké kaséhatan ibu

• Target kanggo 2015: Ngurangi rong protelon rasio kepatèn ibu jroning prosès nglairaké

[sunting] 6. Nglawan panyakit HIV/AIDS, malaria, lan penyakit liyané

• Target kanggo taun 2015: Ngendhegaké lan miwiti pancegahan panyebaran HIV/AIDS, malaria lan panyakit abot liyané.

[sunting] 7. Njamin lumintuné pembangunan lingkungan

• Target:
  • Ngintegrasèkaké prinsip-prinsip pembangunan sing lumintu jroning kawicaksanan saben negara lan program sarta ngurangi ilangé sumber daya lingkungan
  • Ing taun 2015 diangkah bisa ngurangi setengah saka cacahing wong sing ora nduwèni aksès banyu ngombé sing séhat
  • Ing taun 2020 diangkah bisa nggayuh pengembangan sing signifikan jroning kauripan kanggo sethithiké 100 juta manungsa sing manggon ing tlatah kumuh

[sunting] 8. Ngembangaké kemitraan global kanggo pembangunan

• Target:
  • Ngembangaké dedagangan kabuka lan sistem kauangan sing adhedhasar aturan, bisa diduga lan ora ana diskriminasi. Klebu komitmen marang pamarintahan sing apik, pembangungan lan pangurangan tingkat kemiskinan sacara nasional lan internasional.
  • Mbiyantu kabutuhan-kabutuhan khusus negara-negara kurang berkembang, lan kabutuhan khusus saka negara-negara kapencil lan kapuloan-kapuloan cilik. Iki klebu pambebasan-tarif lan -kuota kanggo éksporé; ningkataké pambebasan utang kanggo negara mlarat sing utangé gedhé; pambatalan utang bilateral resmi; lan nambah bantuan pembangunan resmi kanggo negara sing nduwèni komitmen kanggo ngurangi kamiskinan.
  • Sacara komprehensif ngupayakaké pasetujon ngenani masalah utang negara-negara berkembang.
  • Ngadhepi sacara komprehensif karo negara berkembang kanthi masalah utang liwat tetimbangan nasional lan internasional supaya utang luwih bisa ditanggung jroning wektu sing dawa.
  • Ngembangaké usaha produktif sing pantes dilakoni déning kaum nom-noman
  • Kerja sama karo pihak pabrik obat supaya nyedhiakaké aksès obat wigati sing murah ing negara berkembang
  • Kerjasama karo pihak swasta, mbangun panyerapan kauntungan saka teknologi-teknologi anyar, utamané teknologi informasi lan komunikasi.

[sunting] Delengen uga

• KTT PBB 2005

[sunting] Pranala jaba

• (id)(en) Program Bank Dunia di Indonesia
• (en) www.un.org/millenniumgoals
• (id) UNDP Indonesia
• (id) Teks Tujuan Pembangunan Milenium
• (en) www.developmentgoals.org
• (en) www.first8.org
• (en) UN Millennium Project (2002-2005)
• (en) The Millennium Initiative

Perserikatan Bangsa-Bangsa
Sistem PBB Sidang Umum | Dewan Keamanan | Dewan Ekonomi dan Sosial Dewan Perwalian | Sekretariat | Mahkamah Internasional
Resolusi PBB Resolusi Sidang Umum | Resolusi Dewan Keamanan
Program lan Agensi FAO · ICAO · ILO · IPCC · ITU · UNCTAD · UNDCP · UNDP · UNEP · UNESCO · UNFIP · UNFPA · UNHCR · UNHRC · UN-HABITAT · UNICEF · UNRWA · UPU · WFP · WHO · WMO
Gendéra | Negara anggota | Negara pengamat | Sekretaris Jenderal | Markas Besar | Piagam | Tandha Penghargaan