Breslau

Wrocław

Lambang Wrocław Lokasi Wrocław
Katrangan cekak
Provinsi:	Silesia Hilir (dolnośląskie)
Jembar:	292,9 km²
Padunung:	635.932 jiwa 31 Dhésèmber 2005
Pelat nomer kendaran motor:	DW
Alamat balé kutha:	ul. Sukiennice 9 50-107 Breslau
Situs wèb resmi:	www.wroclaw.pl
Pulitik
Walikutha:	Rafał Dutkiewicz

Breslau utawa Wrocław ing basa Polen (pocapané ['vrɔtswaf]) iku kutha sing gedhé dhéwé kaping papat ing Polen yèn ditilik saka cacahé sing ndunungi. Cacahé ana mèh 640.000 jiwa. Kutha iki kutha krajan Województwo dolnośląskie (provinsi Silesia Ilir). Kajaba iku kutha iki punjer Kabiskopan Agung lan Diocese Protèstan. Ing kutha iki uga akèh sekolah-sekolah dhuwur lan universitas, lembaga-lembaga sains saha akèh téater sarta musiyum. Kutha iki punjer budaya Silesia. Ing Wrocław akèh pabrik-pabrik mesin lan métal.

Wrocław papané ana ing pinggiring kali Oder (Odra). Kutha iki dibagi dadi rong pérangan déning kali iki.

Sajarah

Breslau ing Abad kaping 17

Kutha iki nduwé sajarah dawa lan dikuwasani nagara sing béda-béda. Saka taun 1919–1945 Wrocław iku dadi kutha krajané provinsi Prusia, provinsi Niederschlesien.

Ing pungkasané Perang Donya II, kutha iki dibedhah déning Wadya Abang Uni Sovyèt lan sawisé taun 1945 diserahaké marang Polen, dadi kompènsasi tlatah Polen ing sisih wétan sing dicaplok Uni Sovyèt (Bélarus lan Ukraina). Padunung Jerman ing kutha iki padha diusir kabèh, sanadyan sawisé iku isih ana wong Jerman manggon ing kutha iki. Kutha iki banjur dileboni wong-wong saka Polen, mligi saka kutha Lwów sing dicaplok Uni Sovyèt.

Klub-klub Ulah raga

• Śląsk Wrocław-1947 r., league: Ekstraklasa http://www.slaskwroclaw.pl/index.dhtml Archived 2009-08-03 at the Wayback Machine.

Tokoh saka Breslau/Wrocław

• Edith Stein (lair 1891)
• Manfred von Richthofen (lair 1892)

Gladri

• 
  Kolase kutha Wrocław
• 
  Univèrsitas Wrocław
• 
  Kreteg Grunwaldzki
• 
  Komplèks pasca-modèrnisme Arkady sing dibuka ing awal taun 2007, sarta isiné kantor, biyoskup, mal lan akuarium iwak hiyu