Wong Hui

Saka Wikipédia Jawa, bauwarna mardika basa Jawa
Loncat ke navigasi Loncat ke pencarian
Suku Hui حُوِ ذَو
回族 (Huízú)
HuiChineseMuslim2.jpg
Suku Hui
Gunggung cacah jiwa
(9,82 juta (sensus 2000))
Tlatah mawa cacah jiwa akèh
Républik Rakyat Cina
Basa
Basa Tionghoa
Agama
Islam [1]
Golongan ètnik magepokan
Dungan, Panthay, Han, kelompok suku Muslim yang lain

Suku Hui (Hanzi: 回族, hanyu pinyin: hui zu) iku suku saka limang suku gedhé dhéwé ing Républik Rakyat Cina. Suku iki duwé agama Islam lan gedhé dhéwé ing Tiongkok. Punjere ana ing Ningxia, Hainan, Gansu, Yunnan lan Qinghai. Ningxia iku panggon kang diotonomi déning suku muslim Hui. Cacahe warga suku Hui kurang luwih 10 yuta.[1]

Wong suku Hui gampang anggoné ngenali, wong suku Hui asring migunakaké klambi muslim, sing lanang migunakaké kopyah putih lan jenggoten, sing wédok migunakaké jilbab.[1] Manawa warga Suku Hui kang urip ing kutha-kutha, akèh kang dodolan panganan utawa mbukak restoran.[1] Ana ciri kang khas ing warung utawa restorane wong suku Hui, ya iku ing lawang ngarepe ana tulisan aksara Arab.[1] Saliyané iku uga ana tulisan كوشير ing sisihe ana tulisan aksara Kanji 清真 (Pinyin: qing zhen, baca: jing cen) kang tegesé padha, ya iku halal. Ing papan wisata akèh wong suku Hui kang dodolan sate wedhus khas suku Hui kang didol migunakaké sepeda.[1]

Sanajan suku Hui iku akèh sing agamané Islam, nanging wong suku Hui sopan lan santun marang wong kang agamané Kristen.[2] Wong suku Hui ora gelem nganut agama liya, amarga sapa wonge saka suku Hui ngenut agama saliyané Islam bakal disiksa déning kulawargané.[2] Amarga iku wong suku Hui ora bisa nampa Injil, sanajan wis punjul 30 taun wong suku Hui diujuk-ujuk supaya mlebu Kristen.[2] Nganti saiki kurang luwih ana wong 200 kang agamané Kristen ing Suku Hui.[2]

Cathetan sikil[besut | besut sumber]