Menyang kontèn

Pit

Besut pranala
Saka Wikipédia Jawa, bauwarna mardika basa Jawa
(Kaelih saka Sepeda)
Pit-pit awal
Pit gunung modhèren; bané kang kandhel nggawé pit iki gampang kanggo digunakaké ing ngendi waé.

Pit ꧌ꦥꦶꦠ꧀꧍, sepédhah ꧌ꦱꦼꦥꦺꦝꦃ꧍, utawa padayantra ꧌ꦥꦢꦪꦤ꧀ꦠꦿ꧍ iku siji piranti transportasi manungsa kang diobahaké mawa dayaning manungsa dhéwé. Pit modhèren wujudé wujud rodha loro kang digabungaké mawa siji ragangan lan bisa ditumpaki manungsa. Banjur ing sadhuwuring ragangan iki ana palungguhané kang diarani sadhel. Lan kanggo ngobahaké pit, ing ngisor ana onthèlané kang diarani pédhal. Pédhal iki lumrahé disambungaké mawa ranté ing roda mburi. Banjur kanggo ngarahaké pit, ana setiré kang lumrahé diarani setang.

Ragangan pit lumrahé digawé saka logam kaya ta wesi utawa aluminium. Nanging jaman saiki uga ana kang digawé saka bahan liya kaya ta plastik lan serat kaca (fiberglass).

Pit diciptakaké ing abad kaping 19 ing Jerman, Éropah déning Karl von Drais. Jaman saiki ing abad kaping 21, pit isih akèh dienggo mligi ing Walanda lan Cina.

Pit bisa minangka piranti transportasi. Nganggo pit luwih nguntungake, sebab ora mbutuhake bahan bakar lan bisa ngurangi polusi.

Pit tuwa kang ing tlatah Jeddah

Étimologi

[besut | besut sumber]

Tembung "pit" dijupuk saka basa Walanda fiets kamangka tembung "sepédhah" dijupuk saka basa Indonésia kang njupuk saka basa Prancis vélocipède.

Déné ing basa jawa, pit ꧌ꦥꦶꦠ꧀꧍ uga diarani padayantra ꧌ꦥꦢꦪꦤ꧀ꦠꦿ꧍, saka tembung pada ꧌ꦥꦢ꧍ (= sikil ꧌ꦱꦶꦏꦶꦭ꧀꧍) lan yantra ꧌ꦪꦤ꧀ꦠꦿ꧍ (=rodha ꧌ꦫꦺꦴꦝ꧍)[1].

Jinising pit

[besut | besut sumber]

Jinising pit iku warna-warna, wiwit saka pit onthèl yaiku pit kang biyasa dianggo sadina-dina, pit jèngki kang wujudé cilik lan boboté ènthèng, pit kanggo bocah cilik lan sapanunggalané. Nanging ana sawatara jinis kang biyasa dianggo nyepédhah utawa balapan wujud pit-pit kang wujudé wis modhèren. Jinis pit mau antarané:

Pit Gunung MTB.

[besut | besut sumber]
  • . Competitive XC:

Pit iki lumrahé kagolong ènthèng kanggo jinis MTB, wujud pit kang ènthèng kanggo cross country (offroad). Competitive XC biyasa dipigunakaké kanggo laladan offroad kang ora mudhun banget, cocog banget kanggo kang nyenengi karikatan lan kakuwatan sajeroning njlajah laladan offroads.

  • . XC Trail:

Jinis pit kang digawé kanggo laladan offroad kang lumayan èkstrim,kaya déné dalan mudhun kang rada njuleg lan akèh énggok-énggokan, suspènsi ngarep lan mburi lumrahé luwih empuk dibandhingaké karo Competitive XC, suspènsi ngarep lan mburi lumrahé uga bisa ditata skala atos lan empuké.

  • . All Mountain:

MTB kang katon keker dibandhingaké karo jinis XC liyané, duwé suspènsi kang luwih gedhé lan kuwat. Pit iki dirancang kanggo penunggang kang nyenengi laladan offroad kang akèh lokasi jumping. Pit iki cocog kanggo downhill ènthèng lan atraksi sajeroning nyep’edhah.

  • . Freeride/Downhill:

Iki pit kang kerep kita deleng sajeroning kajuwaraan donya downhill, pit kang abot banget tumrap jinis MTB. Frame pit iki pancèn abot banget amarga downhill kang èkstrim merlokaké kestabilan kang dhuwur. Suspènsi pit jinis iki duwé trafel ngarep (dawaning suspènsi) luwih dawa tinimbang pit MTB liya, lan kang mesthi suspènsi mburi iku wajib tumrap pit jinis iki.

  • . Progresive / Dirt jumper

Luwih dirancang kanggo penunggang kang nyenengi showoff skill utawa mamèraké lan ngasah kemahiran sajeroning atraksi pit. Kanthi wangun frame kang kenceng saka ngarep memburi.

  • . Recreational XC

Arupa pit XC kanggo laladan cross contry kang ènthèng, iki wujud pit kang akèh dianggo MTB wektu iki sajeroning offroad ènthèng lan cross coutry.

Road bike

[besut | besut sumber]
  • . Competitive Road Arupa pit balap kang dirancang kanggo kompetisi balap, kanthi bobot kang ènthèng banget. Total bobot pit bisa nganti 5 kg, Tumrap kang nyenengi nyepédhah séhat dalan aspal iki wujud salah siji pilihan.
  • . Endurance Road Arupa pit balap kanthi frame kang luwih tahan kaanan dalan kang ora alus kaya déné paving blok. Pit jinis iki cocog kanggo kang nyenengi jinis dalan kang ora mung aspal alus nanging dalan aspal kang èlèk. Saliyané ènthèng cocog kanggo kang nyenengi karikatan, pit jinis iki layak didadèkaké pilihan kanggo nyepédhah ing dalan non aspal.
  • . TT (time trial)

Iki kang bener-bener pit balap, ènthèng banget kanthi wangun aéro dinamis kang didésain kanthi teliti kanggo ngadhepi angin. Pit balap iki akèh dianggo kompetisi Time Trial / Thriatlon kang nuntut karikatan.

  • . Single speed.

Pit kanthi gir tunggal, cocog kanggo nyepédhah menyang endi waé. Pit kanthi single speed iki ora duwé pengaturan karikatan, ndadèkaké pit iki prasaja lan praktis mligi kanggo kang manggon ing tlatah kutha.

  • . Commute

Arupa Pit kang didésain gabungan saka pit balap kelas kompetisi lan kabutuhan sadina-dina. Akèh vendor pit ngowahi wiwit saka handle bar (stang), nganti komposisi ban lan rasio gir.

Pérangan pit

[besut | besut sumber]
Diagram péranganing siji pit
Pérangan gir mburi
Rim

Piranti tambahan

[besut | besut sumber]

Rujukan

[besut | besut sumber]

Deleng uga

[besut | besut sumber]
  1. ↑ "Padayantra". Diarsip saka sing asli ing 2018-08-11.
Dijupuk saka "https://jv.wikipedia.org/w/index.php?title=Pit&oldid=1659200"