Pit

Saka Wikipédia Jawa, bauwarna bébas abasa Jawa
Pit-pit awal
Pit gunung modhèren; bané sing kandhel nggawé pit iki gampang kanggo digunakaké ing ngendi waé.

Pit, sepédhah, utawa padayantra iku sawijining piranti transportasi manungsa sing diobahaké mawa dayaning manungsa dhéwé. Pit modhèren wujudé arupa rodha loro sing digabungaké mawa sawijining ragangan lan bisa ditumpaki manungsa. Banjur ing sadhuwuring ragangan iki ana palungguhané sing diarani sadhel. Lan kanggo ngobahaké pit, ing ngisor ana onthèlané sing diarani pédhal. Pédhal iki lumrahé disambungaké mawa ranté ing roda mburi. Banjur kanggo ngarahaké pit, ana setiré sing lumrahé diarani setang.

Ragangan pit lumrahé digawé saka logam kaya ta wesi utawa aluminium. Nanging jaman saiki uga ana sing digawé saka bahan liya kaya ta plastik lan serat kaca (fiberglass).

Pit diciptakaké ing abad kaping 19 ing Jerman, Éropah déning Karl von Drais. Jaman saiki ing abad kaping 21, pit isih akèh dienggo mligi ing Walanda lan Cina.

Pit bisa minangka piranti transportasi. Nganggo pit luwih nguntungake, sebab ora mbutuhake bahan bakar lan bisa ngurangi polusi.

Pit tuwa kang ing tlatah Jeddah

Étimologi[besut | besut sumber]

Tembung "pit" dijupuk saka basa Walanda fiets kamangka tembung "sepédhah" dijupuk saka basa Indonésia sing njupuk saka basa Prancis vélocipède.

Déné ing basa jawa, pit uga diarani padayantra, saka tembung pada (= sikil) lan yantra (=rodha)[1].

Jinising pit[besut | besut sumber]

Jinising pit iku warna-warna, wiwit saka pit onthèl ya iku pit sing biyasa dianggo sadina-dina, pit jèngki sing wujudé cilik lan boboté ènthèng, pit kanggo bocah cilik lan sapanunggalané. Nanging ana sawetara jinis sing biyasa dianggo nyepédhah utawa balapan arupa pit-pit sing wujudé wis modhèren. Jinis pit mau antarané:

Pit Gunung MTB.[besut | besut sumber]

  • . Competitive XC:

Pit iki lumrahé kagolong ènthèng kanggo jinis MTB, arupa pit sing ènthèng kanggo cross country (offroad). Competitive XC biyasa dipigunakaké kanggo laladan offroad sing ora mudhun banget, cocog banget kanggo sing nyenengi karikatan lan kakuwatan sajeroning njlajah laladan offroads.

  • . XC Trail:

Jinis pit sing digawé kanggo laladan offroad sing lumayan èkstrim,kaya déné dalan mudhun sing rada njuleg lan akèh énggok-énggokan, suspènsi ngarep lan mburi lumrahé luwih empuk dibandhingaké karo Competitive XC, suspènsi ngarep lan mburi lumrahé uga bisa ditata skala atos lan empuké.

  • . All Mountain:

MTB sing katon keker dibandhingaké karo jinis XC liyané, duwé suspènsi sing luwih gedhé lan kuwat. Pit iki dirancang kanggo penunggang sing nyenengi laladan offroad sing akèh lokasi jumping. Pit iki cocog kanggo downhill ènthèng lan atraksi sajeroning nyep’edhah.

  • . Freeride/Downhill:

Iki pit sing kerep kita deleng sajeroning kajuwaraan donya downhill, pit sing abot banget tumrap jinis MTB. Frame pit iki pancèn abot banget amarga downhill sing èkstrim merlokaké kestabilan sing dhuwur. Suspènsi pit jinis iki duwé trafel ngarep (dawaning suspènsi) luwih dawa tinimbang pit MTB liya, lan sing mesthi suspènsi mburi iku wajib tumrap pit jinis iki.

  • . Progresive / Dirt jumper

Luwih dirancang kanggo penunggang sing nyenengi showoff skill utawa mamèraké lan ngasah kemahiran sajeroning atraksi pit. Kanthi wangun frame sing kenceng saka ngarep memburi.

  • . Recreational XC

Arupa pit XC kanggo laladan cross contry sing ènthèng, iki arupa pit sing akèh dianggo MTB wektu iki sajeroning offroad ènthèng lan cross coutry.

Road bike[besut | besut sumber]

  • . Competitive Road Arupa pit balap sing dirancang kanggo kompetisi balap, kanthi bobot sing ènthèng banget. Total bobot pit bisa nganti 5 kg, Tumrap sing nyenengi nyepédhah séhat dalan aspal iki arupa salah siji pilihan.
  • . Endurance Road Arupa pit balap kanthi frame sing luwih tahan kahanan dalan sing ora alus kaya déné paving blok. Pit jinis iki cocog kanggo sing nyenengi jinis dalan sing ora mung aspal alus nanging dalan aspal sing èlèk. Saliyané ènthèng cocog kanggo sing nyenengi karikatan, pit jinis iki layak didadèkaké pilihan kanggo nyepédhah ing dalan non aspal.
  • . TT (time trial)

Iki sing bener-bener pit balap, ènthèng banget kanthi wangun aéro dinamis sing didésain kanthi teliti kanggo ngadhepi angin. Pit balap iki akèh dianggo kompetisi Time Trial / Thriatlon sing nuntut karikatan.

  • . Single speed.

Pit kanthi gir tunggal, cocog kanggo nyepédhah menyang endi waé. Pit kanthi single speed iki ora duwé pengaturan karikatan, ndadèkaké pit iki prasaja lan praktis mligi kanggo sing manggon ing tlatah kutha.

  • . Commute

Arupa Pit sing didésain gabungan saka pit balap kelas kompetisi lan kabutuhan sadina-dina. Akèh vendor pit ngowahi wiwit saka handle bar (stang), nganti komposisi ban lan rasio gir.

Perangan pit[besut | besut sumber]

Diagram péranganing sawijining pit
Pérangan gir mburi
Rim

Piranti tambahan[besut | besut sumber]

Rujukan[besut | besut sumber]

Uga delengen[besut | besut sumber]