Universitas Hong Kong

Saka Wikipédia Jawa, bauwarna mardika basa Jawa
Menyang navigasi Menyang panggolèkan
Universitas Hong Kong
香港大學
Barkas:University of Hong Kong Logo.svg
Universitas Hong Kong
Diadegaké30 Maret 1911 (1911-03-30)
JenisNagari
MottoSapientia et Virtus (Latin)
明德格物 (Mandarin)
ChairmanArthur Li (Chairman of the Council)
KonselorLeung Chun-ying
Wakil KonselorPeter Mathieson
PresidhènPeter Mathieson
Wakil Presidhèn
  • Steven J. Cannon (Dr) (Wakil Présidhèn Èksekutif (Administration and Finance))
  • Terry Kit-fong Au (Professor) (Wakil Présidhèn lan Pro-Vice-Chancellor (Academic Staffing and Resources))
  • W. John Kao (Professor) (Wakil Presiden dan Pro-Vice-Chancellor (Global))
  • Douglas So (Mr) (Wakil Présidhèn lan Pro-Vice-Chancellor (Institutional Advancement))
  • T. S. Andy Hor (Professor) (Wakil Présidhèn lan Pro-Vice-Chancellor (Research))
  • Ian Holliday (Professor) (Wakil Présidhèn lan Pro-Vice-Chancellor (Teaching and Learning))
ProvostPaul K.H. Tam (Profesor) (Provost dan Deputy Vice-Chancellor)
Mahasiswa27.933[1]
Sarjana16.187[1]
Magister11.746[1]
KampusUrban
53.1 hectares (0.531 km2)[2]
LokasiPokfulam, Hong Kong
KoranUndergrad HKUSU (Mandarin)
MaskotLion
AfiliasiASAIHL, Universitas 21, ACU, JUPAS, AACSB, EQUIS, APRU, UGC, Heads of Universities Committee, Joint Quality Review Committee
Situs webhku.hk
Universitas Hong Kong
Cina Padatan 香港大學
Cina Prasaja 香港大学

Universitas Hong Kong (basa Inggris: Hong Kong University; uga kerep dicekak HKU) iku pawiyatan luhur kang prenahé ana ing Pokfulam, Hong Kong. Wiwit diyasa taun 1911 lan minangka pawiyatan luhur tuwa dhéwé ing Hong Kong.

Nganti saiki, HKU nduwèni fakultas cacah 10 kang migunakaké basa Inggris minangka basa pamedharé. Kampus iki kagolong maju ing babagan panlitèn ngèlmiyah lan wiyata sajroning cawang ngèlmu akuntansi & pawit,[3] biomèdhik,[4] kasarasan waja, ngèlmu budaya, hukum,[5] ngèlmu sosial lan pulitik.[6][7] Kampus iki uga minangka tim sepisanan ing donya kang kasil ngisolasi virus corona, agèn kang njalari lelara SARS.[8]

Sajarah[besut | besut sumber]

Universitas Hong Kong wiwit diyasa taun 1911. Gubernur Sir Frederick Lugard wis ngusulaké kanggo ngadegaké sawijining universitas ing Hong Kong amrih bisa saingan kalawan daya gedhé liya kang mbukak pawiyatan luhur ing Cina, utamané Prusia kang nembé mbukak Universitas Tongji ing Shanghai.[9] Wirausahawan Indhi aran Hormusjee Naorojee Mody nyinau rancanané Lugard lan njanjèni bakal nyumbangaké HK$150.000 kanggo béya pambangunan lan HK$30.000 kanggo béya liyané. Pamaréntah Hong Kong lan wirausahawan ing Cina kidul, kekaroné padha semangat kanggo nyinaoni "resiyaning suksès cara Éropa" (adhedhasar marang majuning téknologi kang digawé wiwit jama Révolusi Indhustri) lan uga mènèhi panyengkuyung. Pamaréntah mènèhi papan ing West Point; Swire Group uga mènèhi sokongan dana £40,000 kanggo nyengkuyung babagan tèknik lan éwonan dolar kanggo pirantiné. Ancasé ora liya amrih ngundhakaké citraning kumpeni sawisé matiné salah siji panumpang kapal Fatshan. Bebarengan karo para panyokong liya, kalebu pamaréntah Inggris lan kumpeni kaya ta HSBC, pungkasané Lugard kasil nduwèni dana kang cukup kanggo mbangun universitas.

Charles Eliot diangkat minangka Wakil Réktor kang sepisanan. Minangka Gubernur Hong Kong, Lugard nyèlèhaké watu pondhasiné Wangunan Utama ing tanggal 16 Maret 1910 lan pangajapé amrih universitas bakal bisa nggulawenthah wong-wong Cina ing Inggris. Universitas iki resmi dibukak ing 11 Oktober 1912. Ing wiwitané, universitas iki minangka institusi kang mligi kanggo para priya. Wondéné mahasiswa wadon bisa katampa ing sepuluh taun sabanjuré.[9]

Ing purwakané kampus iki binuka kalawan telung fakultas yaiku Kagunan, Tèknik lan Kasarasan. Fakultas Kasarasan madeg minangka Hong Kong College of Medicine déning London Missionary Society ing taun 1887.[10] Saka alumni wiwitan kang paling kaloka ing antarané yaiku Sun Yat-sen[9], pandhéganing Révolusi Cina 1911 kang ngowahi tatanan nagara Cina kang sadurungé minangka nagara karajan malih dadi nagara républik. Ing sasi Dhésèmber 1916, universitas nganakaké konggrègasi sepisanané kalawan 23 wisudhawan lan limang lulusan tandha pakurmatan utawa honoris causa.

Wiyata[besut | besut sumber]

Universitas iki minangka anggotaning pamrakarsa Universitas 21, sawijining konsorsium internasional saka universitas kang adhedhasar panlitèn. HKU disokong kalawan anggaran dana operasi kang gedhé saka pamaréntah, béda adoh yèn dibandhingaké nagara-nagara Kulonan. Ing taun 2012/2013, Research Grants Council (RGC) nyumbang dana panlitèn kang gedhéné HK$1.088 yuta, itungané kang gedhé dhéwé yèn kabandhingaké karo universitas liya ing Hong Kong.[11] Profésor HKU digaji kanthi bayaran kang paling dhuwur sadonya, béda adoh karo mitra-mitrané pawiyatan luhur swasta ing Amérika Sarékat.

Rujukan[besut | besut sumber]

  1. a b c "QuickStats - Student Profiles 2014 / 2015 (In Headcounts)". University of Hong Kong. Dibukak ing 2016-02-02.
  2. "HKU Quick Stats – Space".
  3. "QS World University Rankings by Subject 2015 - Accounting & Finance". Top Universities (ing basa Inggris). Dibukak ing 2021-04-26.
  4. "QS World University Rankings by Subject 2015 - Medicine". Top Universities (ing basa Inggris). Dibukak ing 2021-04-26.
  5. "QS World University Rankings by Subject 2015 - Law". Top Universities (ing basa Inggris). Dibukak ing 2021-04-26.
  6. "QS World University Rankings by Subject 2015 - Politics & International Studies". Top Universities (ing basa Inggris). Dibukak ing 2021-04-26.
  7. "Areas of Excellence - Research - HKU". www.hku.hk (ing basa Inggris). Dibukak ing 2021-04-26.
  8. "WHO | Severe Acute Respiratory Syndrome (SARS) - multi-country outbreak - Update 12". WHO. Dibukak ing 2021-04-26.
  9. a b c "University History - About HKU - HKU". www.hku.hk (ing basa Inggris). Dibukak ing 2021-04-26.
  10. "Department of Medicine". medic.hku.hk. Dibukak ing 2021-04-26.
  11. "UGCS". www.ugc.edu.hk. Dibukak ing 2021-04-26.