Sinyo nakal

Saka Wikipédia Jawa, bauwarna bébas abasa Jawa
Sinyo nakal
Klasifikasi èlmiah
Krajan: Plantae
(unranked): Angiospermae
(unranked): Eudicots
(unranked): Asterids
Ordo: Lamiales
Kulawarga: Verbenaceae
Marga: Duranta
Jinis: D. erecta
Jeneng binomial
Duranta erecta
L.
Sinonim

Duranta repens L.

Sinyo nakal (Duranta erecta L.) iku sejenis perdu hias sing biasa ditandur wong minangka pager urip utawa komponèn taman. Tanduran sing asalé saka Amérika Tengah iki saiki nyebar ing sadhéngah papan tropis, ing sapérangan papan malah wiwit dadi gulma utawa spesies invasif (Australia, Tiongkok, Afrika Kidul, lan sapérangan papan ing Oceania).

Pamerian[besut | besut sumber]

Semak utawa perdu taunan, sok arupa wit sing bisa tekan 6 meter dhuwuré. Tanduran diwasa bisa duwé eri sing ora tuwuh nalika tanduran sisih enom. Godhong wangun oval utawé elips, rada nggelombang pinggirané, kasusun mapasang-pasang, wernané wiwit saka kuning ngejreng tekan ijo tuwa, gumantung spesies lan lingkungan anggoné tuwuh (ing panggonan sing luwih padhang, werna godhong uga luwih cerah). Kembang werna biru nganti ungu mawa kepyur putih, kasusun jroning sawijining cawang sing metu saka kèlèk pang utawa pucuk pang, ngembang sadawané taun. Wohé werna kuning (ijo nalik aisih enom), bunder kanthi dhiameter tekan 1 cm.

Godhong lan wohé ngandhut racun kanggo manungsa lan kéwan ingon gedhé (dilapuké naté matèni asu lan kucing)[1] senajan ora duwé èfèk apa-apa kanggo manuk.[2]

Budidaya[besut | besut sumber]

Duranta erecta 'Aurea' (teh-tehan)

Sinyo nakal ditepungi minangka tanduran hias sing populèr ing dhaérah mawa iklim anget sadawané taun[2]. Sapérangan kultivar sing ana antarané alba, aurea, gold mound, geisha girl, sapphire showers, lan variegata.[3]

Tanduran iki ora akèh merlokaké kawigatèn kanggo tuwuh becik. Tanduran iku tuwuh cepet lan gampang mangun semak sing kandel mula merlokaké pemangkasan.

Rujukan[besut | besut sumber]

  1. ^ Thompson, N (2007). "Poisonous Plants in Australia: Enabling consumers to buy safe plants" (PDF). WWF-Australia. Diaksès 11 Desember 2008.
  2. ^ a b Francis, John K. "Duranta erecta" (PDF). United States Forest Service. Retrieved 2008-12-11. 
  3. ^ Culbert, D. F. "duranta cultivars". University of Florida Institute of Food and Agricultural Sciences. Retrieved 2008-12-11. 

Pranala njaba[besut | besut sumber]

Commons-logo.svg
Wikimedia Commons gadhah galeri bab:
Sumber artikel punika saking kaca situs web: "https://jv.wikipedia.org/w/index.php?title=Sinyo_nakal&oldid=822860"