Siamang

Saka Wikipédia Jawa, bauwarna mardika basa Jawa
Loncat ke navigasi Loncat ke pencarian
Siamang
Siamang Hellabrunn 2004.jpg
Klasifikasi ngèlmiah
Karajan: Animalia
Filum: Chordata
Klas: Mammalia
Ordho: Primates
Famili: Hylobatidae
Génus: Symphalangus
Gloger, 1841
Spésies: S. syndactylus
Jeneng binomial
Symphalangus syndactylus
(Raffles, 1821)

Siamang ya iku kethèk tanpa buntut kang nduwéni lengen kang dawa. Siamang urip ing wit-witan.[1] Siamang bisa mencolot lan mènèk wit-witan kanthi kesit saéngga ora ana prédhator kang bisa nyekel lan mangan siamang.[1] Siamang kalebu spésies kang kaancem cures awit pambabadan habitaté kang rikat.[1] Siamang ora nduwé buntut lan nduwéni pawakan kang kurang tegap.[2] Siamang nduwéni prakembangan polo kang apik.[2] Siamang wernané ireng soklat rada abang. Kethèk iki nduwéni aneman ing antarané driji kang nomer loro lan nomer telu.[2]

Pakanan[besut | besut sumber]

Siamang kalebu kéwan omnivora.[2] Kurang luwih 75 % pakanané siamang ya iku woh-wohan, saliyané iku godhong, kembang, wiji-wijian, lan kulit kayu.[2] Siamang uga mangan gegremet, monggo, endhog manuk, manuk kang ukurane cilik.[2] Siamang kalebu kéwan kang wedi banyu.[2] Siamang bakal nyelupaké sikilé ing banyu lan ngosok-nggosokaké tangan ing godhong kang teles lan ngisep banyu ing wulu sikilé.[2] Banyu kang sisesep iki mau dadi banyu ngombene siamang.[2]

Reproduksi[besut | besut sumber]

Siamang bisa manak nalika umuré 5-7 taun.[1] Siamang wadon bakal nglairaké anak kang wis ana ing njero weteng kurang luwih 8 sasi.[1] Siamang kang lagi waé lair nduwéni rambut kang luwih sithik tinimbang siamang kang diwasa.[1] Déné aboté siamang kang lagi lair kurang luwih 6 ons.[1] Induk siamang bakal ngingoni siamang kang isih cilik.[1] Anak siamang bakal némplék ing wetengé ibuné supaya anget.[1] Anak siamang disapih nalika umuré wis setaun.[1] Anak siamang urip bareng karo ibuné kurang luwih nganti 5-7 taun.[1]

Cathetan suku[besut | besut sumber]

  1. a b c d e f g h i j k All About Gibbons enchantedlearning.com(dipunundhuh tanggal 5 Juni 2011)
  2. a b c d e f g h i Siamang honoluluzoo.org.com(dipunundhuh tanggal 5 Juni 2011)