Cucak kuricang

Saka Wikipédia Jawa, bauwarna mardika basa Jawa
(Kaelih saka Manuk Cucak kuricang)
Cucak Kuricang
Klasifikasi ngèlmiah
Karajan: Animalia
Filum: Chordata
Klas: Aves
Ordho: Passeriformes
Famili: Pycnonotidae
Génus: Pycnonotus
Spésies: P. atriceps
Jeneng binomial
Pycnonotus atriceps
Temminck, 1822

Cucak kuricang (Pycnonotus atriceps) ya iku anggota familia merbah, cucak, lan sejinisé ing ordho passeriformes. Déwéké tinemu ing alas-alas Asia Tenggara. Mliginé, wuluné kuning zaitun kanti ndas biru-ireng mengkilap.

Dèskripsi awak lan suwara[besut | besut sumber]

Cucak kuricang ing dhuwur watu

Ukuran awaké sedeng (17 cm),[2] dhèwèké wujud anggota kanti ukuran awak paling cilik ing antarané jinis kutilang liya. Sanajan mangkono, cucak kuricang duwé wulu kang akèh warnané.[3]

Warnané kekuningan kanti ndas ireng berkilau lan tenggorokan ireng. Awak pérangan nduwur zaitun-kekuningan, swiwi keirengan, buntut uga keirengan nanging ana warna kekuningan kang mencolok ing pucuk-pucuké. Awak pérangan ngisor kuning-rodok ijo. Iris warnané biru-pucet, cucuké ireng, lan sikilé coklat.[2][4]

Nanging, bédané karo Cucak Kuning ing wuluné, cucak kuricang duwé wulu luwih sithik ketimbang cucak kuning lan warnané kuning zaitun. Wondéné, cucak kuning saliyané nduwé wulu kang luwih akèh ketimbang cucak kuricang, matane warnané putih wondén wetengé warnané kuning jelas.[5]

Suwarane apik banget, sanajan ora gedhi kaya suwara kutilang biyasa, utawa crocok lan cucak jénggot. Suwarane amung siulan lirih lan krungu tajem,[3] ya iku "cip” kang rame tajem. Kicauan kas kang kgolong saka deretan “ciip” lan “ciik” sarta variasine.[2]

Persebaran lan habitat[besut | besut sumber]

Ana ing India wétan-laut, Asia Tenggara, Palawan, Ujung Malaya, lan Sunda Besar.[6]

Déwéké bisa katemokaké ing pinggiran alas , alas udan sekunder kang terbuka lan terpencil, sarta ing semak belukar ing pinggiran pasisir. Déwéké bisa tinemu ing keduwuran 900mdpl.[2][3] Nanging, ana ing Sumatra, déwék bisa tinemu ing keduwuran nganti 1200 mdpl.[7]

Subspèsiès[besut | besut sumber]

Ing ngisor iki yiku subspésiès saka cucak kuricang:[2]

Kebiasaan[besut | besut sumber]

Cucak kuricang biyasa mabur ing sakcepaké wit kang dhuwur, Sanajan dèwèké kerep mudun marang ngisor wit.[8] dèwèké kerep ketok bebarengan cucak liyané kanggo nggolèk pakan bebarengan lan pakanané ya iku buah lan memangsa kéwan cilik.[7] Kadang uga, dèwèké dhéwé utawa nggawe kelompok cilik.[7][3][2]

Susuhé dhapuré cawan kang ora rapi,saka batang paku-pakuan, serat suket, godhong, lan bahan liya, direkataké kanti susuh gorogati, ing ing pang kang cepak saka lemah. Endog warnané rodok jambon, ana bintiké ungu, lan jumlahe 2-3 iji. dèwèké berkembangbiak ing wulan Oktober, Januari lan Maret-Mèi.[4]

Basa liya[besut | besut sumber]

Cathetan sikil[besut | besut sumber]

Catatan bawah

  1. BirdLife International (2004). Pycnonotus atriceps. 2006 IUCN Red List of Threatened Species. IUCN 2006. Diakses 12 May 2006. Database entry includes justification for why this species is of least concern
  2. a b c d e f Kutilang Indonesia, Cucak Kuricang.
  3. a b c d Turut 2010, kc. 92.
  4. a b SBW, Cucak Kuricang.
  5. Strange 2001, kc. 236–237.
  6. FOBI, Pycnonotus atriceps.
  7. a b c Strange 2001, kc. 236.
  8. Turut 2010, kc. 93.
  9. a b c d Avibase, Cucak Kuricang (Pycnonotus atriceps).

Bibliografi

  • "Cucak Kuricang". Kutilang Indonesia. 27 Dhésèmber 2011. Diarsip saka sing asli ing 2013-05-07. Dibukak ing 7 Oktober 2012.
  • Turut, Rusli (2010). Memelihara 42 Burung Ocehan Populer (ing basa Indonesia). Jakarta: Penebar Swadaya. ISBN 979-002-442-8.
  • "Cucak Kuricang". Semarang Bird Web. Diarsip saka sing asli ing 2013-05-08. Dibukak ing 7 Oktober 2012.
  • "Pycnonotus atriceps". Foto Biodiversitas Indonesia. Diarsip saka sing asli ing 8 Oktober 2012. Dibukak ing 7 Oktober 2012.
  • Strange, Morten (2001). A Photographic Guide to the Birds of Indonesia [Panduan Fotografi Burung Indonesia] (ing basa Inggris). Princeton University Press. ISBN 0-691-11495-1.
  • "Cucak Kuricang (Pycnonotus atriceps) (Temminck, 1822)". Avibase. Dibukak ing 8 Oktober 2012.

Pranala njaba[besut | besut sumber]