Pulo Simeulue

Saka Wikipédia Jawa, bauwarna bébas abasa Jawa
Péta lokasi pulo Simeulue.

Pulo Simeulue utawa Simalur arupa pulo sing ana ing kulon Sumatra. Ana kurang luwih 150 km saka lepas pasisir kulon Acèh, uga arupa pulo pamaréntahan Kabupatèn Simeulue ing tengah Samudra Hindhia. Posisi géografisé kaisolasi saka dharatan utama.

Pulo iki misuwur kanthi asil cengkèhé. Sing ndunungi uga duwé profil kaya déné wong Nias, kanthi kulit kuning lan sipit kaya déné layaké wong Tionghoa lan duwé basa sing béda karo Acèh dharatan. Mèh kabèh sing ndunungi kapuloan iki agamané Islam. Sawisé mangsa kaemasan cengkèh wiwit mudhun, sapérangan gedhé masarakat Simeulue wiwit pindhah menyang pakebonan sawit lan tanduran horikultura minangka mata pencarian sadina-dina.