Lucas Leiva

Saka Wikipédia Jawa, bauwarna mardika basa Jawa
Loncat ke navigasi Loncat ke pencarian
Lucas Leiva
Lazio team line-up before the Europa League match v Dynamo Kyiv (cropped).jpg
Lucas kajupuk gambaré sadurungé tetandhingan Lazio ing 2018.
Katerangan priangga
Jeneng dawa Lucas Pezzini Leiva[1]
Tanggal lair (1987-01-09) 9 Januari 1987 (umur 33)
Papan lair Dourados,  Brasil
Dhuwur 1.79 m (5 ft 10 in)
Posisi main Glandhang
Katerangan klub
Tim saiki
Lazio
Angka 6
Karir nom
2004–2005 Grêmio U-20
Karir sénior*
Taun Tim Main (Gul)
2005–2007 Grêmio 38 (4)
2007–2017 Liverpool 247 (1)
2017–saiki Lazio 85 (2)
Tim nasional
2007 Brasil U-20 9 (4)
2008 Brasil U-23 7 (0)
2007–2013 Brasil 24 (0)

* Gunggung main lan gul ing klub sénior tumrap liga dhomèstik iki mligi lan patitis per pukul 12:38, 06 Juni 2020 (UTC).

‡ Gunggung main lan gul ing tim nasional iki patitis per pukul 06 Juni 2020 (UTC)

Lucas Leiva duwé jeneng jangkep Lucas Pezzini Leiva, yaiku salah sawijining pamain bal-balan aguna saka nagara Brasil kang main kanggo klub liga Serie A Itali SS Lazio. Dhèwèké lair ing kutha Dourados, Brasil surya ping 9 Januari 1987 (umur 33 taun). Lucas Leiva duwé dedeg 179 cm lan 74 kg, mapan ing posisi glandhang.[2] Lucas migunakaké sikil tengen jroning tetandhingan balbalan. Pamain kang asalé saka Brasil pranyata duwé atlét kang disenengi nanging udu saka donya bal-balan yaiku juru balap Formula 1 Ayrton Senna, dhèwèké nyenengi Ayrton Senna amarga minangka atlét duwé pepénginan kanggo menang kang kuat lan wis dadi wira saka Brasil. Lucas uga ngaku yèn dhèwèké kalebu pamain kang begja jalaran ing umur nomé taun 2006 bisa menangi pangaji-aji Pamain Brasil Paling Becik lan narik kawigatèné Liverpool FC sawijining klub gedhè saka Liga Primèr Inggris.[3][4]

Wiwitan[besut | besut sumber]

Glandhang box to box prigel kang dadi kaptèn Tim Nasional Brasil U-20 ing 2005, Lucas miwiti kariré ing klub Grémio kang anèng divisi kaloro Liga Brasil. Grémio banjur promosi lan nangkring ana papan katélu satémah ndadèkaké dhèwèké pamain kanoman kang menang bebungah Bola de Ouro utawa Bal Emas saka kalawarti Placar kang diwènèhaké marang pamain Brasil, sawijining tandha yekti kang sadurungé uga diwènèhaké marang pirang-pirang pamain kondhang kayata Zico, Falcao, Careca, Romario, Kaka lan Carlos Tevez. Pener sadurungé alihan menyang Liverpool, Lucas bareng Grémio kasil nuju final Copa Libertadores kapethuk klub saka Liga Argèntina Boca Juniors, nanging Grémio kalah 5-0.[5]

Karir[besut | besut sumber]

Liverpool[besut | besut sumber]

Tanggal 26 Juli 2007, kanthi resmi Lucas ditepangaké minangka pamain Liverpool kanthi rega 5 yuta Poundsterling lan diwènèhi idi kanggo mèlu ing final Barclays Asia Trophy. Juru latih Liverpool kala semana Rafaèl Bènitèz ngaku seneng kanthi anané Lucas ing timmé. Dina candhaké Lucas nglakoni panampilan sepisané lumawan Portsmouth, mlebu gantèni Mohamèd Sissoko ing babak kaloro, dhèwèké uga mènèhi tendhangan pinalti sajroning tetandhingan lumawan Everton sawisé Phil Neville nandhang hand ball. Ing pungkasan Novèmber Rafaèl Bènitèz mènèhi kalodhangan Lucas miwiti tetandhingan ing garis tengah Liverpool. Lucas ngegolke sepisan kanggo Liverpool tanggal 27 Januari 2008 nalika dhèwèké nendhang bal saka jarak 25 yard menyang pojok tengen dhuwur gawang Havant and Waterlooville jroning tetandhingan Piala FA lan dadèkaké pamain Brasil sepisan kang nyithak gol kanggo Liverpool.[6]

Timnas Brasil[besut | besut sumber]

Lucas Leiva yaiku tilas kaptèn Brasil U-20, dhèwèké mandhegani Brasil kang juara ing Copa Amèrica Youth Championship 2007, kasil nyithak patang gol. Dhèwèké digadhang-gadhang manèh dadi kaptèn Brasil ing Piala Donya FIFA U-20 kang ginelar ing Kanadha lan wis kadhaftar ing pamain kang bakal dimangkatke menyang turnamèn, nanging émané nalika nglakoni gladhi dhèwèké malah nandhang cidra lan kudu ngaso telung Minggu, satémah Lucas milih mundur saka pelatnas. Lucas nyathet panampilan sepisané kanggo Brasil tanggal 22 Agustus 2007, mlebu saka bangku cadhangan jroning tetandhingan kekancan lumawan Aljazair. Wulan Juni 2008 Lucas uga mlebu timnas Brasil kanggo tetandhingan gladhèn Olimpiadhe. Tanggal 19 Agustus Lucas dikertu abang anèng tetandhingan semifinal Olimpiadhe 2008 lumawan Argèntina, tundhoné Argèntina menang 3-0. Sawisé kélangan slot kanggo Piala Donya 2010 Afrika Kidul, Lucas diceluk mlebu timnas Brasil manèh kanggo Copa América 2011.[6]

Pangaji-aji[besut | besut sumber]

Lucas Leiva duwé dalan karir kang munggah mudhun, bab kasebut dayani dhèwèké ngantukaké gelar-gelar kanggo klub utawa priyangga. Tuladhané waé nalika isih enom dhèwèké wis diganjar dadi pamain paling becik ing Brasil, nanging amarga asring nandhang cidra nyebabaké dhèwèké tansah mlebu-metu kamar oprasi. Nembé wektu kepungkur dhèwèké bisa gayuh suksès ana klub anyaré Lazio.[7]

Klub[besut | besut sumber]

  • Mangsa 2004-05 juwara Cameonato Brasileiro Serie B bareng Grémio.
  • Mangsa 2011-12 juwara Piala Liga Inggris bareng Liverpool.
  • Mangsa 2017-18 juwara Piala Super Itali bareng Lazio.
  • Mangsa 2018-19 juwara Copa Italia bareng Lazio.
  • Mangsa 2019-20 juwara Piala Super Itali bareng Lazio.

Brasil[besut | besut sumber]

  • Taun 2007 uwara Copa América U-20
  • Taun 2008 medhali prunggu Olimpiadhe 2008.

Riwayat Transfer[besut | besut sumber]

Lucas Leiva yaiku pamain kang ora kerep gonta-ganti klub, dhèwèké kalebu pamain kang loyal marang kontraké. Ing kariré cinathet amung ping loro ganti klub jalarané yaiku amarga kontraké wis entèk utawa ora didawakaké manèh.[8]

  • Tanggal 1 Januari 2005 promosi saka Grémio U-20 menyang tingkat sénior.
  • Tanggal 1 Juli 2007 ditransfer saka Grémio menyang Liverpool kanthi rega 10 yuta Éuro.
  • Tanggal 18 Juli 2017 ditransfer saka Liverpool menyang Lazio kanthi rega 5,7 yuta Éuro.

Statistik[besut | besut sumber]

Panampilan lan gol déning klub, mangsa lan kompetisi
Klub Mangsa Liga Piala Nasional Piala Liga Internasional Gunggung
Divisi Panampilan Gol Panampilan Gol Panampilan Gol Panampilan Gol Panampilan Gol
Grêmio 2005 Série B 3 0 0 0 0 0 3 0
2006 Série A 32 4 4 1 16 0 52 5
2007 3 0 0 0 9 2 8 1 20 3
Mangsa 38 4 4 1 25 2 8 1 75 8
Liverpool 2007-08 Liga Primèr Inggris 18 0 4 1 3 0 7 0 32 1
2008-09 25 1 2 0 2 1 10 1 39 3
2009-10 35 0 2 0 0 0 13 1 50 1
2010-11 33 0 1 0 1 0 12 1 47 1
2011-12 12 0 0 0 3 0 15 0
2012-13 26 0 1 0 0 0 4 0 31 0
2013-14 27 0 1 0 1 0 29 0
2014-15 20 0 3 0 5 0 4 0 32 0
2015-16 26 0 1 0 5 0 7 0 40 0
2016-17 24 0 4 1 3 0 31 1
Gunggung 247 1 18 2 24 1 57 3 346 7
Lazio 2017-18 Serie A 36 2 4 0 1 0 9 2 50 4
2018-19 27 0 5 0 0 0 4 0 36 0
2019-20 22 0 1 0 1 0 3 0 27 0
Gunggung 85 2 10 0 2 0 16 2 113 4
Gunggung Karir 370 7 32 3 51 3 81 6 534 19

Rujukan[besut | besut sumber]

  1. Hugman, Barry J., ed. (2009). The PFA Footballers' Who's Who 2009–10. Mainstream Publishing. k. 257. ISBN 978-1-84596-474-0. 
  2. Transfermarkt, Admin (2020-04-08). "Profil Pamain Lucas Pezzini Leiva (Saka Basa Inggris)". Transfermarkt. Dijupuk 2020-06-05. 
  3. King, Dominic (2011-10-29). "Artikel Bal-balan Iki Rahasiané Lucas Leiva (Saka Basa Inggris)". Daily Mail. Dijupuk 2020-06-05. 
  4. Admin, Soccerway. "Pamain Lucas Pezzini Leiva (Saka Basa Inggris)". Soccerway. Dijupuk 2020-06-05. 
  5. LFC History, Admin. "Profil Pamain Lucas Pezzini Leiva (Saka Basa Inggris)". LFC History. Dijupuk 2020-06-05. 
  6. a b Fiekri I, Alif (2018-01-01). "Sesirah Profil Lucas Leiva (Saka Basa Indonesia)". Bola.net. Dijupuk 2020-06-05. 
  7. "Lucas Leiva - Gelar-gelar lan Pangaji-aji (Saka Basa Inggris)". www.transfermarkt.com (ing basa Inggris). Dijupuk 2020-06-06. 
  8. "Lucas Leiva Lazio vidhiyo, sujarah transfer lan statistik (Saka Basa Inggris)". www.sofascore.com. Dijupuk 2020-06-06.