Prunggu

Saka Wikipédia Jawa, bauwarna bébas abasa Jawa
gambar Perkakas Prunggu

Prunggu ya iku campuran tembaga karo unsur kimia liya, biasane karo timah, senajan uga bisa karo unsur-unsur liya kaya fosfor, mangan, alumunium, utawa silikon.[1] Perunggu sifate atos lan kerep digunakake ing industri.[1] Jaman biyen perunggu penting banget, malah nganti ana jaman sing diarani jaman perunggu.[1]

Sujarahe Perunggu[besut | besut sumber]

Ditemokake perunggu nggawé manungsa bisa nggawé perkakas-perkakas perunggu sing luwih apik tinimbang kabeh piranti sing digawé ing jaman sadurunge.[1] piranti-piranti, senjata, lan material wangunan liyane sing digawé saka perunggu bisa luwih atos lan luwih awet tinimbang piranti sadurunge sing digawé saka watu lan tembaga.[1] Pisanane perunggu dicampur karo arsenik kanggo nggawé perunggu arsenik.[1] Sabanjure timah sing digunakake lan timah nggantekake posisi arsen ing akhir abad kaping telu sadurunge masehi.[1]

Perunggu Timah luwih apik dibandingke perunggu arsenik amerga proses gawéne luwih gampang.[1] Saliyane iku, timah uga ora ngracuni, yen dibandingake karo arsen sing ngandut racun.[1]

Perunggu saka timah sing paling tuwa dikira-kira wis ana aket milenium kaping papat sadurunge masehi ing Susa (Iran) lan ing situs kuno-situs kuno ing China, Luristan (Iran) lan Mesopotamia (Irak).[1]

Logam Prunggu[besut | besut sumber]

Yen dibanduingke karo wesi, prunggu luwih gampang rusak timnimbang wesi. biasane prunggu mung ngoksidasi dangkal; lapisan sepisan oksida tembaga (akhire dadi karbonat tembaga) digawé, logam sing ndhasari kalindhung saka korosi sing parah. Nanging, yen klorida tembaga kabentuk, modhel korosi iku diarani "Penyakit Prunggu" sing keri-kerine bakal ngrusak prunggu iku.

Prunggu sing ana campurane tembaga duwé titik leleh sing luwih cendhek saka baja utawa wesi, lan luwih gampang digawé. Umume sekitar 10 % luwih abot tinimbang baja, senajan kandutan alumunium utawa silikon manawa sitik lan ora padet. Prunggu sing luwih empuk lan luwih gampang tugel saka baja prunggu mata air, kaya kurang kaku kanggo bobot sing padha.

Prunggu ora gampang teyengen (teyengen amerga banyu laut utamane) lan mawa konduktor panas sing lluwih apik tinimbang baja lan listrik sing biasane. Biaya prunggu campuran tembaga biasane ikuh dhuwur saka baja lan luwih murah tinimbang prunggu campuran nikel dhasar.

Titik leleh prunggu macem-macem, gumantung saka rasio aktual saka komponen campurane lan sekitare 950 °C (1,742 °F).

Cathetan Suku[besut | besut sumber]

  1. ^ a b c d e f g h i j (id)Perunggu (dipunundhuh tanggal 3 September 2012)
Sumber artikel punika saking kaca situs web: "https://jv.wikipedia.org/w/index.php?title=Prunggu&oldid=1013252"