Mesopotamia
| Mesopotamia kuna |
|---|
|
| Eufrat • Tigris |
| Kutha / Karajan |
| Sumeria: Uruk • Ur • Eridu |
| Kish • Lagash • Nippur |
| Karajan Akkadia: Akkad |
| Babilonia • Isin • Susa |
| Asyur: Assur • Niniwe |
| Dur-Sharrukin • Nimrud |
| Babilonia • Khaldea |
| Elam • Amori |
| Hurrian • Mitanni |
| Kassit • Urartu |
| Kronologi |
| Raja-raja Sumeria |
| Dhaptar raja Asyur |
| Dhaptar raja Babilonia |
| Basa |
| Aram |
| Sumeria • Akkadia |
| Elam • Hurria |
| Mitologi |
| Enûma Elish |
| Gilgames • Marduk |
Mésopotamia iku tlatah sing dumunung antarané loro kali gedhé, Eufrat lan Tigris. Laladan sing saiki dadi wewengkon Républik Irak iku ing jaman biyèn diarani Mésopotamia, sing sajeroning basa Yunani tegesé "(laladan) antarané kali-kali". Jeneng Mésopotamia wis dipigunakaké déning para juru nulis Yunani lan Latin kuna, kaya Polybius (abad 2 SM) lan Strabo (60 SM-20 M).
Miturut keyakinan Kristen lan Yahudi kaya sajeroning Prajanjian Lawas, ana usaha ngubungaké kulawarga Abraham (sing banjur ingaran "Bapa Orang Beriman" lan diakoni déning telu agama monoteistik donya, Islam, Kristen, lan Yahudi) karo Mésopotamia. Sajeroning kitab Kedadéyan 11,31 disebutaké, ing siji mangsa kulawarga Abraham pindhah saka Ur-Kasdim menyang Haran sadurungé wusanané pindhah menyang Kanaan (Laladan Israèl lan Palestina saiki). Lokasi Ur-Kasdim lumrahé dirujuk ing Tell el-Muqayyar, situs tilas reruntuhan Kutha Ur kuna saka kalamangsa Sumeria. Nanging, akèh ahli isih tidha-tidha marang usulan iki. Déné Haran dumunung ing pérangan lor Mésopotamia, ing gisiking Kali Eufrat.
Sajarah Mésopotamia[besut | besut sumber]
Sajarah Mésopotamia diwiwiti kanthi tuwuhing sawiji peradaban, sing diyakini minangka punjer peradaban tuwa dhéwé ing donya, déning bangsa Sumer(ia). Bangsa Sumeria yasa sawetara kutha kuna sing misuwur, ya iku Ur, Ereck, Kish, lll. Rawuhé tokoh imperialistik saka bangsa liya sing uga manggon ing kawasan Mésopotamia, bangsa Akkadia, dipanggedhèni Sargon Agung, nyatané ngayahi penaklukan pulitis, nanging ora penaklukan kultural. Malah sajeroning manéka budaya Sumer lan Akkad ngalami prosès akulturasi, saéngga éra kapemimpinan iki kerep ingaran Jilid Sumer-Akkad. Campur tangan Sumer ora bisa dirèmèhaké, nalika Akkad kadhesek déning bangsa Gutti, bangsa Sumer sing njurung Akkad, saéngga isih bisa kuwasa ing "tanah antara rong kali" mau.
