Peradaban Mesopotamia

Peradaban Mesopotamia iku peradaban kang urip mbiyèn ing laladan Mesopotamia kira-kira taun 3000 sedurung Masehi. Peradaban iki ngelairake kabudayan kang lumayan dhuwur (wektu iku) saka bangsa-bangsa kang urip ing kiwa-tengené kali Eufrat lan kali Tigris.

Bangsa-bangsa kang ngembangaké peradaban Mesopotamia yaiku Sumeria, Akkadia, Babilonia, Assyria lan Babilonia anyar.

Peradaban Sumeria

Bangsa iki racaké ahli ing babagan tani lan dagang uga wis nduwé sistem papréntahan kang ketata. Raja saka bangsa iki kang musuwur yaiku Ur Nanshe. Bangsa iki uga kang nemuake sistem etungan sixagesimal, sistem lingkaran 360 derajat uga etungan sejam ana 60 menit, semenit ana 60 detik lan liyané.

Akkadia

Bangsa Akkadia iki kang ngalahke bangsa Sumeria, rajane kang misuwur yaiku Sargon.

Babilonia

Raja Babilonia kang misuwur yaiku Hammurabi, mrentah Babilonia wiwit taun 1948 nganti 1905 SM.

Assyria

Bangsa Assyria iki misuwur sebagey bangsa penakluk, pemerentahane nerapke sistem militèr. Rajane kang misuwur yaiku Assurbanipal. Bangsa iki akhire dikalahke bangsa Khaldea.

Babilonia anyar

Bangsa Khaldea ngalahke bangsa Assyria lan yasa Babilonia anyar, rajane kang misuwur yaiku Nebukadnezar. Taun 539 SM, Babilonia anyar ditaklukake déning bangsa Pèrsi.