Anu (Mitologi)

Saka Wikipédia Jawa, bauwarna bébas abasa Jawa
Seratan paku (abasa Sumeria)kanggé déwa An (ugi dados pananda kagem déwa DINGIR)..

Déwa Anu, déwa langit ingkang dipunsembah wonten legenda Sumeria kaliyan legenda Babilonia, nalika peradaban Mesopotamia.[1] Kabudayaan ingkang sami nanging dipunpisahaken jaman ingkang lami, kinten-kinten 2000 taun.[1] Déwa Anu saking peradaban Mesopotamia, dipunpitados kaliyan masarakat Sumeria supados dipunsembah.[2] Wonten mitologi Déwa Anu (ugi gadhah asma sanès inggih punika An = Langit saking abasa Sumeria).

Miturut cariyos ingkang dipunpitados masarakat Mesopotamia sapunika anggota saking tiga keilahian ingkang dipunjangkepi Déwa Bel (urtawi Enlil) kaliyan Ea (utawi Enki).[3] Déwa Anu, miturut legenda, sajatosipun pemimpin para déwa ingkang wonten langit.[1] Déwa ingkang dados tuhan langit, tuhan alam, buruj, rajanipun para déwa-déwa, mahluk ghaib kaliyan jin. Anggadhahi asma sanès inggih punika Council of Anu (Anuna).[1] Tingal wonten pura langit ingkang paling inggil, inggih punika surga.[3] Teoritis, déwa Anu sapunika déwa ingkang paling inggil ananging boten gadhah peran ingkang sakedhik wonten mitologi, tembang puji-pujian uga kapitadosan Mesopotamia.[3] Piyambakipun boten namung Bapa saking para déwa ananging ugi bapa saking roh-roh ingkang murka uga setan.[3] Déwa Anu gadhah pacangan ingkang luwih saking satunggal, ingkang paling utama namanipun dewi Enlil (Bumi) sumber sanès wonten ingkang nyebat dewi bumi punika Enlil[4], Nammu kaliyan Dewi Uras. Anggadhahi putra saking Enlil, déwa bulan Nanna utawi Sin, uga saking udan badai, banjir kaliyan bajak ingkang namanipun Ninurta wonten kemalih déwa-déwa sanèsipun inggih punika déwa ingkang nguasai dunya wong mati kados Meslamtaea, Ninazu ugi Ennugi.[3] Putra ingkang jaler saking Sin inggih punika déwa srengéngé kaliyan déwa Utu, déwa ingkang dados hakim déwa-déwa sanèsipun, déwa Ishkur utawi Adad (déwa udan), kaliyan putra ingkang estrinipun inggih punika dewi perang, cinta, ya iku Innana utawi Ishtar.[3]

Kosmogoni[5][besut | besut sumber]

Kosmogomo , mitos panciptaan Alam dunya.

Miturut mitos bangsa Sumeria (dipunpriksa saking tablet-tablet ingkang anduwèni sajarah) kinten-kinten barang mau saking abad 18 sadèrèngipun masehi. Dunya punika dipunwiwiti namung segara ingkang namanipun Namnu (Ibu saking punapa kemawon). Lajeng Namnu, nyaripta An (Anu-déwa langit), kaliyan Enlil (déwa bumi). Campuranipun An kaliyan Ki ngasil Enlil (déwa Angin). Enlil misahaken An kaliyan Ki, nuli ngisi tengah punika kaliyan mahluk urip. salajengipun bangsa Sumeria dipunciptakaken kaliyan Enki, déwa segara (putra saking Enlil). déwa Enki punika ingkang maringi toya kanggé lepen Eufrat ugi lepen Tigris, lepen-lepen punika ingkang dados sumber kauripan massarakat Sumeria. Sasampunipun Enki nyipta raja-raja kanggé bangsa Sumeria. Raja-raja punika mandhap saking langit nuju bumi badhé yasa kutha-kutha wonten sakitar lepen Tigris kaliyan lepen Eufrat. Ananging para déwa ngerancanakaken badhé ngirim banjir bandang kagem masarakat Sumeria. Enki maringi priksa dhateng raja, namanipun Ziusudra, lajeng piyambakipun amarintah raja mau supados damel bahtera, ingkang saged nampung sadaya mahluk urip. Nalika banjir sampun suda, raja kasebat bebasaken sadaya mahluk urip kanggo nempung kauripan ingkang énggal. Sang raja mau sujud muja déwa Enlil kaliyan déwa An amargi sampun diparingi gesang.

Cathetan suku[besut | besut sumber]

  1. ^ a b c d Dewa Anu Mitologi dipununduh tanggal 28 Mèi 2011
  2. ^ PERADABAN LEMBAH SUNGAI UEFRAT dan TIGRIS dipununduh tanggal 28 Mèi 2011
  3. ^ a b c d e f GKRI Exodus Papers dipununduh tanggal 28 Mèi 2011
  4. ^ book result dipununduh tanggal 28 Mèi 2011
  5. ^ Kosmogoni panciptaan alam dunya dipununduh tanggal 28 Mèi 2011