Emprit kaji

Saka Wikipédia Jawa, bauwarna mardika basa Jawa
Loncat ke navigasi Loncat ke pencarian
Emprit kaji
Lonchura maja.JPG
Klasifikasi ngèlmiah
Karajan: Animalia
Filum: Chordata
Klas: Aves
Ordho: Passeriformes
Famili: Estrildidae
Génus: Lonchura
Spésies: L. maja
Jeneng binomial
Lonchura maja
(Linnaeus, 1766)

Emprit kaji (Lonchura maja), utawa ing basa Indonésia diarani bondol haji, ya iku manuk kang kalebu ing kulawarga Estrildidae lan urip ing Semenanjung Malaya, Sumatera, Jawa, Bali lan pulo-pulo sakiwatengené. Manuk iki karan emprit kaji amarga duwé endas putih kang kayadené nganggo pèci kaji.

Asal[besut | besut sumber]

Asal lan filogèni emprit kaji dicirèni déning Antonio Arnaiz-Villena et al.[1] kalebu Estrildinae kang asalé saka India, banjur sumebar menyang Afrika lan Samudra Pasifik.

Titikan[besut | besut sumber]

Awaké cilik (11 cm) lan warna wuluné soklat lan putih. Saèmper karo emprit ireng (Lonchura ferruginosa) nanging luwih pucet, déné sirahé warna putih. Nalika isih enom rupané soklat enom ing pérangan awak ndhuwur, déné sisih ngisor lan endhas wernané kuning tuwa. Mripaté wernané soklat, cucuké klawu semu biru, sikilé biru pucet. Swarané dhuwur kaya déné suling uniné puip nalikané klumpuk bareng liyané.[2]

Ras[besut | besut sumber]

Emprit kaji kapérang dadi subspesies:[3]

Sebaran & habitat[besut | besut sumber]

Manuk iki sumebar ing Semenanjung Malaya, Sumatera, Jawa, Bali, lan Sulawesi, Thailand & Vietnam sisih kidul. Uga digawa ing Jepang (Osaka & Okinawa).[4][5]

Ing Sumatra, Jawa lan Bali manuk iki umum tinemu lan sumebar nganti papan kang dhuwuré 1.500 m saka segara.[2]. Asring tinemu ing rawa lan sawah, manuk iki seneng mangan pari.[6]

Papan urip[besut | besut sumber]

Gampang tinemu ing rawa, rawa gelagah nganti panggonan kang dhuwuré 1.500 m saka segara. Nggrombol kanthi cacah kang akèh nalikané mangsa panèn pari, nanging sumebar pasang-pasangan nalikané ungsum kawin. Tingkahé kaya déné emprit lumrahé.[4]

Tumangkar[besut | besut sumber]

Lumrahé, emprit kaji urip nggrombol bebarengan tanpa pasangan. Nanging ing mangsa kawin, banjur padha pepasangan.[7] Endhogé cacah 4-5, kadhang-kadhang 6, warna putih ing susuh bunder saka sesuketan. Ing Jawa Barat, mangsa kawiné diwiwiti ing sasi Fèbruari.

Basa liya[besut | besut sumber]

Gladri[besut | besut sumber]

Rujukan[besut | besut sumber]

  1. Arnaiz-Villena, A; Ruiz-del-Valle V, Gomez-Prieto P, Reguera R, Parga-Lozano C, Serrano-Vela I (2009). "Estrildinae Finches (Aves, Passeriformes) from Africa, South Asia and Ostrali: a Molecular Phylogeographic Study" (PDF). The Open Ornithology Journal 2: 29–36. doi:10.2174/1874453200902010029.  Cite nganggo paramèter lawas |coauthors= (pitulung)
  2. a b  Austria. 2000. Panduan Lapangan Burung-burung di Sumatera, Jawa, Bali dan Kalimantan. LIPI-Birdlife Int'l IP. Hal. 426.
  3. Robson & Allen 2005, k. 139.
  4. a b Kutilang Indonesia: Bondol Haji
  5. Brazil 2009, k. 452.
  6. Biologi Undip: Bondol Haji
  7. White-headed Munia
  8. a b c d e Avibase:Bondol Haji (Lonchura maja) (Linnaeus, 1766)-Avibase

Pustaka[besut | besut sumber]

Pranala njaba[besut | besut sumber]