Deruk jawa

Saka Wikipédia Jawa, bauwarna bébas abasa Jawa
Deruk Jawa
Streptopelia bitorquata -Saipan-8.jpg
Ing Saipan mapan ing Pulo Mariana
Klasifikasi ngèlmiah
Karajan: Animalia
Filum: Chordata
Klas: Aves
Ordho: Columbiformes
Famili: Columbidae
Génus: Streptopelia
Spésies: S. bitorquata
Jeneng binomial
Streptopelia bitorquata
(Temminck, 1809)

Deruk Jawa (Streptopelia bitorquata) ya iku spésies manuk ing kulawarga dara Columbidae. Spesies iki sumebar ing panggonan kang mencar-mencar, ya iku ana ing Pilipina[1] lan Pulo-pulo ing Indonésia saka Jawa nganti Timor Leste, ananging ora ana ing Kalimantan utawa Sulawesi. Manuk iki uga ana ing Guam lan Kapuloan Mariana Lor, sanajan ing Guam cacahé suda amarga anané ular coklat pohon. Papan uripé ana ing alas ing dataran cendhèk subtropis utawa alas dataran cendhèk tropis sing lembab lan alas bakau subtropis lan tropis.[1]

Deskripsi awak lan swara[besut | besut sumber]

Awaké ukuran sedengan (30 cm). Buntuté dawa, wuluné soklat semu abang. Saèmper Deruk biyasa. Bédané, manuk iki warna endhasé luwih klawu. Kalung ing gulu pinggirané putih lan tanpa tutul putih. Ing tengahé wulu buntut warna soklat. Kaloro sisih wulu buntut klawu kanthi pinggiran rada putih. Iris jingga, cucuk ireng kanthi pangkal abang, sikil abang kapara wungu.[1] Suaranya ya iku "kru-kruuu".[2]

Perilaku[besut | besut sumber]

Saba ing panggonan sing kabuka, padésan cedhak alas, ananging mliginé ing alas mangrove nganti èlevasi 600 mdpl. Turu ing wit-witan cilik, mangan ing tlatah binuka ing ndhuwur lemah, pasangan utawa sajeroning golongan-golongan cilik.[2]

Panggunaan[besut | besut sumber]

Manuk Deruk jinis iki kanggo fauna idhèntitas Kabupatèn Bantul. Ana uga kang nyebut manuk iki manuk puter.[3]

Uga delengen[besut | besut sumber]

Basa Liya[besut | besut sumber]

Réferènsi[besut | besut sumber]