Badan Meteorologi, Klimatologi, lan Geofisika

Saka Wikipédia Jawa, bauwarna mardika basa Jawa

Cithakan:Infobox lembaga nonstruktural Indonésia

Badan Meteorologi, Klimatologi, lan Geofisika (ingkang asring dipuncekak kanthi cekakan BMKG), ingkang sadèrengipun gadhah nama Badan Meteorologi dan Geofisika (ingkang asring dipuncekak BMG) inggih punika Lembaga Pamaréntah Non Departemen Indonésia ingkang gadhah tugas kanggé nindakaken tugas papréntahan ing babagan meteorologi, klimatologi, lan geofisika.

Sajarah[besut | besut sumber]

Sajarah wontenipun paningalan bab meteorologi lan geofisikan ing Indonésia dipunwiwiti ing taun 1841 lan dipunpurwakani déning paningalan ingkang dipuntindakaken déning salah satunggaling tiyang kanthi piyambakan déning Dr. onnen, Kepala Rumah Sakit ing Bogor.[1] Kanthi éwah- ewahaning wekdal, asiling paningalan bab cuaca saha geofisika inggih ugi lajeng dipunbetahaken. Ing taun 1866, kegiyatan paningalan kanthi piyambakan punika déning pamaréntah Hindia Walanda dipunresmekaken dados instansi pamaréntah kanthi nama Magnetisch en Meteorologisch Observatorium (Observatorium Magnetik lan Meteorologi) ingkang dipunpandhegani déning Dr. Bergsma. Ing jaman jajahan Jepang ing antawisipun taun 1942 ngantos taun 1945, nama lembaga meteorologi lan geofisikan dipun-gantos dados (気象??区処 Kisho Kauso Kusho?). Sasampunipun proklmasi kamardhikan Indonésia ing taun 1945, instansi kasebat dipunpecah dados kalih inggih punika:

  1. Biro Meteorologi ingkang mapan wonten ing lingkungan Markas Tertinggi Tentara Rakyat Indonésia, Yogyakarta, ingkang mirunggan kanggé nglayani kepentingan Angkatan Udara.
  2. Jawatan Meteorologi lan Geofisika ingkang wonten ing Jakarta ing sak ngandhapipun Kementerian Pekerjaan Umum lan Tenaga.

Ing tanggal 21 Juli 1947, Jawatan Meteorologi lan Geofisika dipunpendhet hakipun déning pamaréntah Walanda lan namanipun dipun-gantos dados Meteorologisch en Geofisiche Dienst. Déné, taksih wonten ugi Jawatan Meteorologi lan Geofisika ingkang dipunjaga kawontenanipun déning Pamarentah Republik Indonesia ingkang mapan wonten ing Jaan Gondangdia, Jakarta. Ing taun 1949, sasampunipun wonten lung tinampi kedaulatan nagara Republik Indonesia saking Walanda, nama Meteorologisch en Geofisiche Dienst dipun-gantos dados Jawatan Meteorologi lan Geofisika ingkang mapan wonten ing sak ngandhapipun Departemen Perhubungan lan Pekerjaan Umum. Lajeng ing taun 1950, Indonésia kanthi resmi mlebet dados anggota Organisasi Meteorologi Dunia (World Meteorological Organization utawi WMO) lan Kepala Jawatan Meteorologi lan Geofisika gantos nama dados Permanent Representative of Indonésia with WMO. Ing taun 1955, Jawatan Meteorologi lan Geofisika dipugantos mlih namanipun dados Lembaga Meteorologi lan Geofisika ingkang mapan wonten ing sak ngandhapipun Departemen Perhubungan, lan wonten ing taun 1960 namanipun dipunwangslaken malih dadis Jawatan Meteorologi lan Geofisika ingkang mapan wonten ing sak ngandhapipun Departemen Perhubungan Udara. Nanging 10 taun salajengipun dipun-gantos malih namanipun dados Direktorat Meteorologi lan Geofisika. Ing taun 1972, Direktorat Meteorologi lan Geofisika dipun-gantos namanipun dados Pusat Meteorologi lan Geofisika, satunggaling instansi ingkang sami tingkatipun kaliyan eselon II ingkang mapan wonten ing sak ngandhapipun Departemen Perhubungan, inggih punika ing taun 1980 statusipun dipunindhakaken dados satunggaling instansi ingkang samitingkatipun kaliyan eselon I kanthi nama Badan Meteorologi dan Geofisika, kanthi kedudukanipun ajeg mapan wonten ing sak ngandhapipun Departemen Perhubungan. Ing taun 2002, kanthi wontenipun Dudutan Présidhèn RI Nomor 46 dan 48 taun 2002, struktur organisasinipun dipun-gantos dados Lembaga Pamaréntah Non Departemen (LPND) kanthi namanipun ajeg Badan Meteorologi dan Geofisika..bmg.go.id/dataDetail.bmg?Jinis=Teks&IDS=5408481373414691018&IDD=2245610808159598900 Pelantikan Pengukuhan KBMG Dr. Ir. Sri Woro B. Harijono, Msc atas nama Présidhèn RI Melalui Mantri Perhubungan Ir. Jusman Syafii Djamal Sebagai Kepala BMKG] (dipunundhuh tanggal 2 Pebruari 2013)</ref> Lan ingkang kaping pungkasan kanthi Peraturan Présidhèn Nomor 61 Tahun 2008, BMG gantos namanipun dados Badan Meteorologi, Klimatologi, lan Geofisika kanthi status ajeg dados Lembaga Pamaréntah Non Departemen.[2]

Struktur Organisasi[besut | besut sumber]

BMKG dipunpandhegani déning satunggaling Kepala ingkang mapan wonten ing sak ngandhapipun lan gadhah tanggel jawabh dhateng Présidhèn. BMKG gadhah 2 deputi inggih punika:[3]

  • Deputi Babagan Observasi, ingkang kapérang dados: Pusat Tata Laksana Observasi, Pusat Sistem Instrumentasi lan Kalibrasi, saha Pusat Sistem Jaringan Observasi.
  • Deputi Babagan Sistem Data lan Informasi, ingkang kapérang dados: Pusat Sistem Informasi Data Meteorologi, Pusat Sistem Informasi Data Klimatologi lan Kualitas Udara, saha Pusat Sistem Informasi Data Geofisika.

BMKG gadhah 5 Balai Besar:

Saben Balai Besar gadhah anakan kathah Stasiun BMKG.

Cathetan suku[besut | besut sumber]

  1. Sejarah Badan Meteorologi, Klimatologi dan Geofisika Archived 2013-01-29 at the Wayback Machine.(dipunundhuh tanggal 2 Pebruari 2013)
  2. Peraturan Presiden Nomor 61 Tahun 2008 Archived 2009-05-31 at the Wayback Machine.(dipunundhuh tanggal 2 Pebruari 2013)
  3. Struktur Organisasi BMKG Archived 2013-01-29 at the Wayback Machine.(dipunundhuh tanggal 2 Pebruari 2013)