Lembaga Ilmu Pengetahuan Indonesia

Lembaga Ilmu Pengetahuan Indonésia

Lembaga Ilmu Pengetahuan Indonésia (dicekak LIPI) iku Lembaga pamaréntah Non Departemen Républik Indonésia sing dikoordinasèkaké déning Kamentrian Nagara Riset lan Teknologi.

Sajarah

Kagiatan ilmiah ing Indonésia diwiwiti ing abad kaping-16 déning Jacob Bontius, sing nyinaoni flora Indonésia lan Rompius kanthi karyané sing misuwur Herbarium Amboinese. Ing pungkasan abad kaping-18 dibentuk Bataviaasch Genotschap van Wetenschappen. Jroning taun 1817, C.G.L. Reinwardt ngadegaké Kebun Raya Indonésia (S\'land Plantentuin) ing Bogor. Ing taun 1928 Pamaréntah Hindhia Walanda mbentuk Natuurwetenschappelijk Raad voor Nederlandsch Indie. Sabanjuré taun 1948 diowahi dadi Organisatie voor Natuurwetenschappelijk onderzoek (Organisasi kanggo Panyelidikan jroning Ilmu Pengetahuan Alam, sing dikenal kanthi cekakan OPIPA). Badan iki nglakokaké tugasé nganti taun 1956.

Ing taun 1956, liwat UU no. 6 taun 1956 pamaréntah Indonésia mbentuk Majelis Ilmu Pengetahuan Indonésia (MIPI) kanthi tugas pokok:

1. Mbimbing perkembangan ilmu pengetahuan lan teknologi.
2. Mènèhi pertimbangan marang pamaréntah jroning babagan kawicaksanan ilmu pengetahuan.

Sabanjuré ing taun 1962 pamaréntah mbentuk Departemen Urusan Riset Nasional (DURENAS) lan mapanaké MIPI ana ing sajeroné kanthi tugas tambahan: mbangun lan ngasuh sawetara Lembaga Riset Nasional. Lan ing taun 1966 pamaréntah ngowahi status DURENAS dadi Lembaga Riset Nasional (LEMRENAS).

Ing sasi Agustus 1967 pamaréntah mbubaraké LEMRENAS lan MIPI kanthi SK Presiden RI no. 128 taun 1967, sabanjuré adhedhasar Keputusan MPRS no. 18/B/1967 pamaréntah mbentuk Lembaga Ilmu Pengetahuan Indonésia (LIPI) lan nampung kabèh tugas LEMRENAS lan MIPI, kanthi tugas pokok:

1. Mbimbing perkembangan ilmu pengetahuan lan tèknologi sing ngoyot ing Indonésia supaya bisa dimanfaataké kanggo kasejahtran rakyat Indonésia lan umat manungsa.
2. Ngupaya golèk kebenaran ilmiah ing ngendi kabébasan ilmiah, kabébasan panelitèn sarta kabébasan mimbar diakoni lan dijamin, angger ora lelawanan karo Pancasila lan UUD 1945.
3. Nyiapaké pambentukan Akademi Ilmu Pengetahuan Indonésia (wiwit 1991 tugas pokok iki sabanjuré ditangani déning Mentri Nagara Riset lan Teknologi kanthi Keppres no. 179 taun 1991).

Magepokan karo perkembangan kemampuan nasional jroning babagan ilmu pengetahuan lan teknologi, organisasi lembaga-lembaga ilmiah ing Indonésia uga wis ngalami perkembangan. Mula saka iku Keppres no. 128 taun 1967, tanggal 23 Agustus 1967 ngenani tugas pokok lan fungsi sarta susunan organisasi LIPI diowahi nganggo Keppres no. 43 taun 1985, lan kanggo kasampurnané tanggal 13 Januari 1986 ditetepaké Keppres no. 1 taun 1986 ngenani Lembaga Ilmu Pengetahuan Indonésia, lan pungkasan kanthi Keppres no. 103 taun 2001

Kawenangan

Magepokan karo konservasi lingkungan hidup, Lembaga Ilmu Pengetahuan Indonésia nduwèni wewenang kanggo mènèhi rékomendhasi marang pamaréntah RI ngenani panetepan daftar klasifikasi, kuota penangkapan lan dedagangan klebu ékspor, ré-ékspor, impor, introduksi saka segara, kabèh spèsimèn tetanduran lan satwa; monitor idin perdagangan lan réalisasi perdagangan, sarta mènèhi rékomendhasi marang pamaréntah ngenani pembatasan pawèwèh idin perdagangan tetanuran lan satwa liar adhedhasar évaluasi sacara biologis; lan tumindak minangka pihak sing indepènden mènèhi rékomendhasi marang konvensi internasional ing babagan konservasi tetanduran lan satwa liar.

Rekrutmen

Sivitas permanèn LIPI nduwèni status Pegawai Negeri Sipil (PNS). Mula saka iku sistem rékrut pegawai anyar mèlu tata cara sing ana sacara nasional. Nanging, ing LIPI wiwit taun 2004, kabèh prosès rékrut pegawai anyar dilakoni sacara online nganggo Sistem Informasi Penerimaan CPNS - SIPC LIPI kanggo nggampangaké aksès lan transparansi publik.

Lomba-lomba sing dianakaké déning LIPI

• Lomba Karya Ilmiah Remaja - LKIR (taunan wiwit 1968)
• Lomba Kreatifitas Guru - LKG (taunan wiwit 1992)
• Pemilihan Peneliti Muda Indonésia - PPMI (taunan wiwit 1990)
• Perkemahan Ilmiah Remaja - PIR (taunan wiwit 2001)

Organisasi LIPI

• Kepala LIPI
• Wakil Kepala LIPI
• Sekretaris Utama
• Kedeputian Ilmu Pengetahuan Kebumian
  • Pusat Penelitian Oseanografi
    • UPT Loka Konservasi Biota Laut Bitung - Sulawesi Lor
• Kedeputian Ilmu Pengetahuan Hayati
  • Kebun Raya Bogor
• Kedeputian Ilmu Pengetahuan Teknik
  • Pusat Panelitèn Fisika (P2 Fisika)
  • Pusat Panelitèn Elektronika dan Telekomunikasi (P2 ET, PPET, website)
• Kedeputian Ilmu Pengetahuan Sosial lan Kamanungsan
• Kedeputian Jasa Ilmiah
  • Pusat Kalibrasi, Instrumentasi lan Metrologi (P2 KIM)
  • Pusat Standar Mutu lan Teknik Pengukuran (P2 SMTP)
  • Pusat Dokumentasi lan Informasi Ilmiah (PDII)
  • Pusat Inovasi
  • UPT LIPI Press
• Inspektorat

Daftar Kepala LIPI

1. Sarwono Prawirohardjo (1969 - 1974)
2. Tb. Bachtiar Rifai (1974 - 1984)
3. Doddy A. Tisna Amidjaja (1984 - 1989)
4. Samaun Samadikun (1989 - 1994)
5. Sofyan Tsauri (1994 - 1999)
6. Taufik Abdullah (1999 - 2002)
7. Umar Anggara Jenie (2002 - sekarang)

Non-struktural

• Tim Gabungan Jaringan - TGJ LIPI
• Korps Pegawai RI - KORPRI LIPI

Layanan Publik

Minangka salah siji wangun komitmen LIPI kanggo nglayani publik khususé ing babagan lan kagiatan kagandhèng ilmiah, LIPI nyediakaké manéla warna sarana sing bisa diaksès publik lan sebagéan gedhé sacara gratis:

• Mirror Data Ilmiah (repositori data-data ilmiah global)
• Network Time Protocol (standar waktu nasional)
• Public Cluster (sarana komputasi paralel terbuka)
• BUKU-e (sarana publikasi buku elektroik terbuka)
• Peneliti Asing Online
• ISSN Online (pengajuan nomor ISSN untuk terbitan berkala)
• Indonésian Scientific Index (indeks ilmiah Indonésia)
• Indonésia OSS (repositori perangkat lunak sumber terbuka buatan Indonésia)
• Info H@KI (informasi seputar hak kekayaan intelektual)
• Jurnal Online (sarana manajemen dan penerbitan jurnal elektronik)
• Kalkulator Kinerja (model penghitungan kinerja ilmiah dan finansial)
• Memory of the World Indonésia (registrasi MoW Indonésia)
• OPI (sarana manajemen organisasi profesi)
• LIPI-IR (repositori institusi luaran dari LIPI)
• SciBlog (sarana manajemen kolaborasi online)
• TESIS Online (sarana penyerahan dokumen ilmiah mahasiswa)
• Uji Kalibrasi (layanan kalibrasi peralatan)
• Uji Polimer (layanan uji material polimer)

Saliyané iku LIPI uga nyediakaké werna-werna portal ilmiah publik rupa-rupa bidang kajian ilmu :

• fisik@net (referensi fisika utama)
• komput@si (perangkat pembantu sains)
• energi (portal energi Indonésia)
• indoTeX (standar typesetting ilmiah global)
• infoH@KI (informasi Hak atas Kekayaan Intelektual)
• opto (info terkait kajian opto)
• kimi@net (portal kimia Indonésia)
• nano (portal nano tèknologi dan sains)
• NBIN (jaringan biodiversitas Indonésia)
• instrument@si (info instrumentasi)

Afiliasi LIPI

Sacara kalembagaan, LIPI uga naungi langsung utawa ora langsung sawetara organisasi kagadhèng aktivitas ilmiah ing Indonésia, antara liya:

• CODATA Indonésia
• COREMAP

Referensi

• Peraturan Presiden Républik Indonésia No. 11 Tahun 2005ngenani Kedudukan, Tugas, Fungsi, Kewenangan, Susunan Organisasi lan Tata Kerja Lembaga pamaréntah Non Departemen.
• Peraturan pamaréntah Républik Indonésia No. 8 Tahun 1999 ngenani Pemanfaatan Jinis Tumbuhan lan Satwa Liar.

Pranala jaba

• Situs resmi LIPI untuk publik
• Situs resmi LIPI untuk internal
• Situs Sistem Informasi Penerimaan CPNS LIPI