Konservasi

Saka Wikipédia Jawa, bauwarna bébas abasa Jawa
lestarékaké aku

Konservasi kadadéan saka tembung Conservation kang tegesé nglestarékaké sabarang apa kang dinduwéni.[1] Konservasi uga nduwéni teges nggunakaké lan dayagunakaké sumberdaya alam kanggo nyukupi kebutuhané manungsa kang cacahé akèh lan wektu kang suwé.[2]

Konservasi ora mung migunakaké ananging uga njaga lan ngembangaké potensi iku.[3] Miturut data bank donya, ing taun 2008 meh saben dinané 50.000 bocah mati amarga masalah sanitasi banyu.[3] Konservasi ana warna-warna, kaya ta konservasi banyu, lemah, tanduran, lenga bumi, batu bara, lan liya-liyané.[3] Konservasi lemah lan banyu kang uga diarani pengawétan lemah nduwéni teges sabarang rékadaya kanggo njaga lan ngundhakaké produktivitas lemah, kalebu uga kualitas lan kuantitas lemah saéngga bisa ncegah erosi. Saliyané iku uga bisa njaga cacahé banyu resik kanggo kabutuhan sabendinane.[4] Ora mung barang kang konkret ananging konservasi aji lan moral uga diperlokake amarga konservasi aji lan moral bisa ngundhakaké lan gawé teteg karakter utawa aji kapribadèn bangsa.[5]

Konservasi uga nduwé teges njaga lan nglestarékaké.[6] Konservasi asalé saka tembung basa Inggris, ya iku tembung ''Conservation'' kang tegesé nglestarékaké.[6] Miturut ngèlmu lingkungan,tembung konservasi nduwé teges.[7]

  • Rekadaya kanggo nglestarékaké lan njaga ènergi, produksi, transmisi, utawa distribusi kang akibaté bisa ngurangi konsumsi ènergi.
  • Njaga lan nglestarékaké lingkungan sumber daya alam.
  • Transformasi fisik
  • Nglestarékaké supaya awét suwé.
  • Keyakinan yèn habitat alami sawijining wewengkon bisa kaolah, saéngga akèh kéwan lan wit-witan kang urip lan ora cures. Saliyané iku uga habitat kanggo urip kéwan lan tanduran bisa tetep asri.

Konservasi Alam[besut | besut sumber]

Konservasi alam tegesé salah sawijining manajemen tumprap alam lan lingkungan kanthi apik kanggo njaga tanduran lan kéwan.[8] Ana kéwan lan tanduran kang wis cures kepangan wektu, kaya ta dhinosaurus.[8] Nanging akir-akir iki manungsa kang cacahé akèh nyebabaké alam padha rusak.[8]

Jumlah spesiés kang akèh sing mati lan cures kang mandhegani konservasi alam prelu ditindakaké.[8]

Prelune[besut | besut sumber]

Yèn para manungsa ora nindakaké konservasi alam, bakal akèh tanduran lan kéwan alasan kang cures.[8] Spesiés-spesiés liyané uga bisa cures.[8] Yèn kalakon tenan, manungsa bakal rugi akèh, sebab kéwan utawa tanduran kang cures ora bakal bisa mbalik ana manéh.[8] Alam, dadi bab kang wigati banget tumprap manungsa amarga alam dadi habitat lan panggonan manungsa.[8] Faktor-faktor kang ndadèkaké alam dadi bab kang wigati banget ya iku.[8]

  • Faktor kaéndahan
  • Manfaat ékonomi
  • Manfaat ilmiah
  • Manfaat kanggo kelangsungan urip manungsa

chatetan suku[besut | besut sumber]

  1. ^ Pendaki Eror.com (dipunundhuh tanggal 22 Maret 2011)
  2. ^ Oppapers.com (dipunundhuh tanggal 27 Maret)
  3. ^ a b c Konservasi (dipunundhuh tanggal 27 Maret 2011)
  4. ^ Pengertian Konservasi (dipunundhuh tanggal 27 Maret 2011)
  5. ^ Suara Merdeka.com(dipunundhuh tanggal 27 Maret 2011)
  6. ^ a b [Reif, J.A. Levy, Y. 1993. Password: Kamus Basa Inggris Untuk Pelajar. PT. Kesaint Blanc Indah Corp. Bekasi. 1993]
  7. ^ [1](dipunundhuh tanggal 5 April 2011)
  8. ^ a b c d e f g h i [2](dipunundhuh tanggal 5 April 2011)