Kebun Raya Bogor

Saka Wikipédia Jawa, bauwarna mardika basa Jawa
Loncat ke navigasi Loncat ke pencarian
Kebun Raya Bogor

Kebun Raya Bogor utawi Kebun Botani Bogor punika papan awujud kebon botani kanthi ukuran ageng. kebon punika mapan wonten ing Kutha Bogor, Indonesia. Wiyaripun dumugi 87 hektar lan gadhah 15.000 jinis koleksi wit-witan lan tuwuhan.

Sapunika Kebun Raya Bogor ramé dipunkunjungi dados papan pariwisata mliginipun dinten Setu lan Minggu. Wonten ing sakiwa tengenipun Kebun Raya Bogor punika kasebar kathah pusat-pusat ngèlmu inggih punika Herbarium Bogoriense, Musiyum zoologi Bogor, lan PUSTAKA.

Sajarah[besut | besut sumber]

Kebun Raya Bogor wiwitanipun péranganing samida inggih punika wana damelan utawi taman damelan ingkang sampun wonten nalika pamaréntahan Sri Baduga Maharaja (Prabu Siliwangi 1474 - 1513) saking Karajan Sunda kados ingkang kaserat wonten ing Prasasti Batutulis. Wana damelan punika ancasipun kanggé njagi lestarinipun lingkungan minangka papan miara winih-winih kayu ingkang langka. Kajawi samida punika dipundamel ugi samida ingkang wujud ing winatesan Cianjur kaliyan Bogor (Wana Ciung Wanara). Wana punika dipunkendelaken sasampunipun kraton Sunda kalah saking kasultanan banten, saéngga Gubernur Jenderal Van Der Capellen mbangung griya kanggé ngaso wonten ing salah satunggal sudut ing madyaning abad kaping 18.