One Direction

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
One Direction

One Direction yaiku grup penyanyi lanang saka Inggris-Irlandia sing kabentuk tahun 2010.[1] Anggotane Grup iki yaiku Niall Horan, Zayn Malik, Liam Payne, Harry Styles lan Louis Tomlinson.[1] One Direction dikontrak déning Syco Records, lebel rékamané Simon Cowell, sawisé dadi juara nomer telu ing acara The X Factor musim kaping 7 tahun 2010.[1] Sawise sukses ing Inggris, One Direction banjur dikontrak kaliyan lebel rekaman saka Amerika Utara, Columbia Records ing tahun 2011.[1]

Ing sasi November 2011, One Direction ngentokaké albumé sing sepisan, judulé Up All Night. [2] Album kasebut dadi album sing payu paling cepet ing Inggris tahun 2011.[2] Isih ing tahun sing padha, ing Amerika Serikat, album kuwi sukses kelebu ing posisi paling dhuwur Billboard 200.[2] Up All Night nguwasani posisi sepulung paling gedhe UK Singles Chart mawa lagu What Makes You Beautiful.[2] Mawa lagu kuwi, One Direction menang Best British Single (lagu Britania paling apik) ing acara BRIT Award tahun 2012.[2] One Direction uga sukses ngadollagu kasebut mawa digital total unduhan nganti 2.060.303.[2] Album sing kapindho judhulé Take Me Home bakal diluncuraké tanggal 12 November 2012.[2] One Direction bakal nggawé konsèr tur dunia sing dijadwalaké ing tahun 2013.[2] Tur iki diwiwiti saka kutha-kutha ing Inggris lan Irlandia banjur diterusaké ing negara-negara Amerika Utara lan Australasia.[2]

Amerga kasuksesané kuwi, One Direction kasebut-sebut sing mara-marahi njedhule meneh boy band-boy band Eropa sing sadurungé tau jaya rikala tahun 1990-an.[2] One Direction uga diarani mawi gelombang anyar Invasi Britania (British Invasion) sing ana ing Amerika Serikat, nututi jejaké The Beatless ing tahun 1960-an.[2] Ing Indonesia, senajan isih geger karo boyband Korea Selatan, nanging tekané One Direction ora kalah raméné.[2]

Lakune Karier[sunting | sunting sumber]

Kabentuke One Direction (2010-2011)[sunting | sunting sumber]

One Direction

Tahun 2010, Niaal Horan, Zayn Malik, Liam Payne, Harry Styles lan Louis Tomlinson melu audisi The X Factor kaping 7 mawi panyanyi solo kategori Boys, nanging dhèwèké kabèh kalah. Sawisé entuk saran saka salah sijining juri, Nicole Scherzinger, dhèwèké wong lima nggabung dadi siji lan nggawe boy band.[3] Boy band iki banjur bisa lolos kanggo kategori Groups.[3] Boy band sing nembé dadi iki diwènèhi wektu 5 minggu kanggo gladhèn lan ngakrabake sapadha anggota sadurungé lomba diwiwiti.[3] Banjur wong lima kuwi sarujuk bakal gladhèn ing vila duwéké bapak tiriné Harry ing Manchester.[3]

Sing duwé idé njenengi grup kuwi One Direction yaiku Harry.[3] Miturut dhèwèké, bakal kétok apik banget rikala panatacara The X Factor, Petrus Dickson nyebutaké jeneng-jenengé pas siaran langsung ing TV.[3] Banjur, ana ing babak kualifikasi lan manggung ing pisanan mawa grup ing ruang penjurian, dhèweke kabèh nyanyèkaké lagu Torn mawa akustik.[3]

Sadhawané lomba, One Direction nggawakaké lagu-lagu saka artis terkenal, kaya Pink, Coldply, The Beatles, Elton John, Kelly Clarkson, Snow Patrol, Kim Wilde, Rihanna lan liya-liyane.[3] Sawisé peserta liya kalah lan kudu balik akhiré ninggal One Direction dadi peserta siji-sijiné sing dipilih déning Simon Cowell. Grup iki cepet terkenal ing Inggris.[3] Ana ing pungkasane lomba, One Direction éntuk juwara katelu, ing buriné Rebecca Regguson lan Matt Cardle.[3] One Direction lan sangang peserta The X Factor liyané melu ing X Factor Live Tour sing diwiwiti sasi Februari nganti April 2011.[3] Sadhawané tur, One Direction wis manggung ning ngarepane 500.000 wong ing Inggris.[3]

Album Up All Night(2011–2012)[sunting | sunting sumber]

One Direction

Ana ing sasi Januari 2011, One Direction nandhatangani kontrak rekaman karo lebel duweke Simon Cowel, Syco Recorfs.[4] Banjur, sasi November 2011, One Direction uga nandhatangani kontrak rekaman karo Columbia Record ing Amerika Utara.[4] One Direction ngrekam album sing pisanane, Up All Night ing Swedia, Amerika Serikat lan Inggris.[4] Ana ing jero album kuwi, dheweke kabeh direwangi artis-artis terkenal kaya Savan Kotecha, Rami Yacoub, RedOne, Ed Sheern, Kelly Clarkson, Tom Fletcher, Steve Mac, Toby Gad lan Carl Falk. Lagu andalane sing pisanan yakuwi What Makes You Beautiful, dientokake tanggal 11 September 2011. Lagu iki bisa manggoni panggonan paling dhuwur ing UK Singles Chart sawise diumumake mawa lagu sing paling kerep diputer sadhawane mangsa dene Sony Music Entertainment.[4]

Ana ing tangga lagu Irlandia, What Makes You Beautiful manggoni posisi paling dhuwur suwene patang minggu urut.[4] Ing Amerika Serikat, lagu iki dientokake ing sasi Februari 2012, lan bisa dadi urutan nomer 28 ing Billboar Hot 100.[4] Posisi kuwi yaiku posisi sing paling dhuwur kanggo artis saka Inggris awet tahun 1997.[4] Lagu iki munggah terus nganti posisi nomer papat lan tanggal 21 Mei 2012, 2.060.303 akehe unduhan digital lagu iki bisa didol ing Amerika Serikat.[4] Lagune sing nomer loro, Gotta Be You, dientokake ing tanggal 13 November 2011 lan manggoni urutan nomer telu ing tangga lagu Irlandia lan Inggris.[4]

Ing Amerika Serikat, One Direction tampil ing TV pas acara The To day Show ing Rockefeller Center ing tanggal 12 Maret 2012.[1] Sadurunge, sasi Januari 2012, Melissa Lonner (Produser acara The Today Show) ngundang One Direction kanggo tampil ing studio kaya biasane.[1] Nanging kabar iki bocor, banjur ndadekake layang listrik NBC dikebaki dene ewonan layang saka penggemar sing pengen nonton ing studio.[1] Kahanan kaya ngene meksa NBC supaya mindah panggonan suting ing Rockefeller Plaza lan pengamanane rapet banget nganti direwangi Polisi New York.[1] Pas One Direction nekani Manhattan tanggal 12 Maret 2012, ana kira-kira 15.000 penggemar ngumpul ing alun-alun kutha, lan mbleber tekan dhalan-dhalan sekitare.[1] Kaya sing dilaporake dene The Today Show, grombolan penggemar kaya ngono sadurunge mung kedadean kro Justin Bieber, Lady Gaga lan Chris Brown.[1] The Today Show nggambarake kedadean kaya ngene mawa kedadean sing ora umum.[1] Justin Bieber lan Chris Brown pancen nduwe lakgu-lagu sing wis terkenal ing Amerika Serikat, nanging yen One Direction ora dikenal lan pas kuwi durung duwe lagu terkenal.[1] One Direction dadi sing mara-marai tangine boy band lan nggawe fenomena Invasi Britania sing anyar ing Amerika Serikat.[1]

Up All Night manggoni urutan nomer loro ing UK Singles Chart, lan bisa kadol 138.631 kopi ing Inggris lan dadi album nomer loro sing bisa kadol paling cepet ing tahun 2011.[4] Ing Amerika Utara, Up All Night dientokake sasi Maret 2012 lan manggoni urutan pol dhuwur ing Billboard 20 lan Canadian Albums Chart.[4] Prestasi iki ndadekake One Direction mawa grup sing sepisan ing sujarah Inggris sing sukses manggonake album pisanane ing urutan nomer siji ing kaloron negara kasebut.[4] Album iku uga bisa manggoni urutan nomer siji tangga lagu ing 14 negara liyane.[4] Sasi Juni 2012, Music week nglaporake Up All Night wis kadol 608.382 ing Inggris, 739.000 ing Amerika Serikat lan 2,3 juta kopi ing kabeh negara sadonya.[4]

Tanggal 6 Januari 2012, One Direction nemtokake One Thing mawa lagu nomer loro ing njaba Inggris lan Irllandia.[4] Ing Inggris lagu iki dikenalake mawa lagu nomer loro ing tanggal 13 Februari 2012. Ing kana, One Thing manggoni urutan nomer 10 ing UK singles Chart.[4] On Thing dientokake ing Columbia Records pas tanggal 22 Mei 2012 lan dadi lagu nomer loro One Direction ing Amerika Serikat.[4] Kanggo lagu sabanjure, judhule More Than This wis dientokake dadi lagu nomer papat pas tanggal 25 Mei 2012.[4]

Tanggal 26 September 2011, One Direction ngumumake bakal nglakoni tur ing Inggris, jeneng tur sing dilakoni yaiku Up All Night Tour.[4] Tur iki diwiwiti ing sasi Desember 2011, dheweke nambahke Australia lan Amerika Utara ing daptar Up All Night Tour kanggo sasi April nganti Juli 2012.[4] Sasuwene nglakoni tur, One Direction uga nyanyekake lagu artis-artis liya, kaya Use Somebody (Kings of Leon), Stereo Hearts (Gym Class Heroes), Valerie (The Zutons), Torn (Natalie Imbruglia) dan I Gotta Feeling (The Black Eyed Peas).[4] Berita ngenani konsere dheweke uga disiarake karo media internasiional, kaya Herald Sun, Rolling Stone, The National Post, Jam! Canoe, The Toronto Star, lan The New York Times.[4] Asil rekaman saka tur sing diwenehi judhul Up All Night:The Live Tour dientokake sasi Mei 2012 awujud DVD. Ing Amerika Serikat DVD iki menggoni urutan nomer siji ing jero Billboard DVD chart, bisa didol luwih saka 76.000 DVD, ngalahake DVD tur duweke John Mayer sing bisa disol 65.000.[4]

April 2012, One Direction dituntut amerga diarani nglanggar hak merek dagang dening band indie saka California sing jenenge padha.[4] Manut tuntutan kuwi, band sing nuntu kasebut ngaggo jeneng band One Direction awet 2009 lan wis nduwe rong album.[4] Band kasebut ngaku nduweni hak nganngo jeneng kasebut amerga wis didaftarake ing Kantor Paten lan Merek Dagang Amerika Serikat sasi Februari 2011. Band kuwi nuntun supaya One Direction ngewenehi kauntungan saka asil didole album lan tur dheweke sarta ngganti rugi sakyuta dolar.[4] Nanggepi tuntutan kuwi, wakil saka One Direction ngomong “Manajeen One Direction wis usaha ngrampungake masalah iki mawa damai.[4] Nanging awake dhewe ora dhuwe pilihan liya kajaba nuntut balik supaya boyband tetep bisa nganggo jeneng kuwi.[4] Sasi Juni 2012, Nick Gatfielf, CEO Sony Music Entertainment Inggris mbukak kasuksesane global One Direction.[4] Miturut dheweke, One Direction wis bisa ngumpulake kaya ngnti $ 50.000.000 lan angka iki bakal terus nambah ing tahun-tahun sabanjure.[4]

Tanggal 12 Agustus 2012, One Direction nggawakake What Makes You Beautiful ing upacara panutupan Olimpiade Musim Panas 2012 ing London.[4] Banjur, tanggal 16 September 2012, One Direction nggawakake One Thing ing MTV Video Music Awards 2012.[4] Dheweke uga pikantuk penghargaan Best New Artist, Best Pop Video lan Most Share-Worthy Video kanggo What Makes You Beautiful.[4]

Take Me Home lan tur dunia (2012)[sunting | sunting sumber]

One Direction

Ana ing sasi Mei 2012, One Direction wiwit ngrekam album kapindho sing diwenehi judhul Take Me Home ing Swedia.[5] Kabeh anggota One Direction ngomong, dheweke kabeh pengen melu nulis lagu ing proses nggawe album kapindhone iki.[5] Ana ing salah sawijining wawan rembug, Harry ngomong: awake dhewe mesthi nulis lagi rikala isih ing dhalan, ing hotel lan ing bandara.[5] Awake dhewe ora gelem lagu-lagu sing bakal dinyanyekake kaya lagu sing ditulis wong umur 40-an. Louise nambahi: awake dhewe ngaturake album kapindho iki marang rong zona sing beda.[5] Bakal luwih akeh swara gitar lan grungier.[5] Awake dhewe seneng ngrukokake suara gitar rikala isih tur.[5] Lan saiki awake dhewe pengen nguripake meneh mawa cara nggawa ikng album kapindho iki.[5] Album iki manut jadwal bakal metu November 2012.[5]

Tur dunia One Diretion dijadwalake bakal diwiwiti ing sasi Februari 2013.[5] Miturut rencanane tur iki bakal dianakake ing 101 kutha sing nyebar ing Inggris, Irlandia, Amerika Utara lan Australia.[5] Tikete wis didol awet Mei 2012. Ing Inggris lan Irlandia, tikete bisa didol luwih saka 300.000 iji mung sedina.[5] Dene ing Australia lan Selandia Baru, saka ngedol tiket kuwi bisa entuk dhuwit US $ 15,7 yuta, lan total tiket sing wis didol cacahe 190.000 iji kanggo 18 konser sing bakal dianakake ing kutha-kutha negara kasebut.[5]

Gaya Lagu[sunting | sunting sumber]

Genre album sepisan One Direction akeh-akehe kelebu lagu-lagu pop, sing orientasine dance-ppop, teen pop, pop rock lan power pop sarta sithik-sithik ana unsur elektropop lan rock. Sakabehan saka album iki pikantuk komentar apik saka para kritikus.[5] Up All Night disolu amerga sasarane bocah-bocah rumaja. Robert Copsey saka Digital Spy ngomong menawa Up All Night akeh-akehe lagu pop rock ewodene The New york Times nganggep album iki genrene rock karo infleksi pop.[5] Jason Lipshutz saka Billboard duwe pamanggih menawa album iki ndemonstrasikake swara asli sing dibutuhake kanggo tangine meneh jaman boy band, uga dibandingake karo harmoni pop dheweke karo grup-grup kaya ‘Nsync, Bacstreet Boys lan 98 Degrees. Lagu One Thing lan What Makes You Beautiful diarani duwe genre power pop lan pop rock.[5]

Yen didelok saka vokal, Erica Futterman saka Rolling Stone nyolu rikala One Direction tampil akustik.[5] Cameron Adams saka Herald Sun duwe pamanggih menawa One Direction duwe swara pop sing kuwat.[5] Sawalike, Chris Richard saka The Washington Post ngomong angel yen arep mbayangake dheweke wong lima yen dadi peneruse Justin Timberlake, Ricky Martin utawa Bobby Brown.[5] Ora ana swara sing nonjol.[5] Jane Stevenson saka Canoe nyerat, “aku ora yakin tenanan menawa dheweke bisa nyanyi ing jero konser”.[5] Mikes Wass saka situs Idolator nganggep menawa dhasar kasuksesan kuwi mbuktekake menawa One Direction bisa mundhakake kwalitas swarane.[5] Horan ngomentari One Direction mawa boy band : “Wong-wong mikir menawa boy band yaiku wong-wong lanang sing njoget lan nganggo klambi padha.[5]

Anggota[sunting | sunting sumber]

Niall Horan[sunting | sunting sumber]

Niall Horan

Niall James Horan, lair 13 September 1993 asale saka Mullingar, County Westmeath, Irlandia.[6] Asma ibune Maura Gallagher lan bapake Bobby Hoan.[6] Dheweke duwe Mas, jenenge Greg.[6] Wong tuwane pegatan rikala dheweke isih limang tahun.[6] Ibune krama meneh kalian wong lanang sing asmane Chris lan pindah menyang Edgeworthston, County Longford. Pas jamane audisi The X Factor, Niall tau ngomong kaya ngene : “Umurku 16 tahun lan aku pengen duwe jeneng gedhe kaya Beyonce lan Justin Bieber.[6] Aku pengen sukses, nggawe album lan kerja bareng artis-artis terkenal ing donya”.[6] Niall kuwi seneng banget karo Frank Sinatra, Dean Martin lan Michael Buble, The Eagles, Bon Jovi, Ed Sheeran,5 Seconds Of Summer lan The Script.[6]

Louis Tomlinson[sunting | sunting sumber]

Louis Tomlinson

Louis William Tomlinson, jeneng asline Louis Troy Austin, lair 24 Desember 1991 asale saka Doncaster, South Yorkshire, Inggris.[7] Asma ibu lan bapake Johannah Poulston lan Troy Austin.[7] Wong tuwne pegatan rikala dheweke isih cilik., banjur ibune krama meneh kalian Mark Tomlinson, sing ngewenehi dheweke jeneng mburi Tomlinson.[7] Louis duwe adhi wedok lima, yaiku Georgia Austin, Charlotte, Felicite, sarta sing kembar Daisy lan Phoebe Tomlinson.[7] Wiwit cilik Louis wis tau main ing acara televisi lan tau dadi figuran ing film drama ITV1 sing judule If I Had You lan serial Waterloo Road ing BBC.[7] Dheweke seneng banget kalian Robbie Williams.[7] Saiki, Lois lagi pacaran karo mahasiswi Manchester Universiy, jenenge Eleanor Calder.[7]

Zayn Malik[sunting | sunting sumber]

Zayn Malik

Zain Javadd “Zayn” Malik, lair 12 Januari 1993 ing Rumah Sakit ST luke, Bradford, Inggris.[8] Asma bapake Yasser sing duwe keturunan Inggris-Pakistan dene ibune, Tricia Malik asli wong Inggris.[8] Dheweke duwe telung sedhulur wedok, yaiku Doniya, Waliyha lan Safaa.[8] Zayn digedheke ing East Bowling, ing sebelah kulon kutha Bradford. Rikala audisi The X Factor ngomong dheweke pengen melu acara The X Factor kanggo nggolek pengalaman.[8] Miturut dheweke musik urban kuwi perangan sing nemtokake karier musike sing duwe genre R&B lan Rap.[8] Zayn tau pacaran karo kacane ppadha-padha peserta X Factor, Rebecca Ferguson nanging mung patang sasi tok. Saiki, Zayn pacaran karo salah sijining anggota Little Mix jenenge Perrie Edwards.[8] Zayn tau nggawe status tweeter: “La ila ha ill llalla ho muhammed door rasoolalah”.[8]

Liam Payne[sunting | sunting sumber]

Liam Payne Glasgow

Liam James Payne, lair 29 agustus 1993, asale saka Wolverhampton, West Midlans, Inggris.[9] Asma bapak lan ibune Karen lan Geoff.[9] Dheweke duwe mbakyu loro, yaiku Karen lan Nicola.[9] Liam kuwi mahasiswa ing City of Wolverhampton College jurusan teknologi musik.[9] Liam tau melu audisi X Faktor musim kaping 5 rikala umure isih 14 tahun.[9] Pas kuwi, Simon Cowell ngomong yen Liam durung siap melu lomba, banjur ngongkon mbalik rong tahun meneh.[9] Liam kuwi seneng karo lagu-lagune Justin Timberlake.[9] Miturut dheweke, Timberlake duwe pengaruh gedhe marang karier musike dheweke.[9] Saiki, Liam duwe hubungan karo Danielle Peazer yaiku penarine Jessie J lan tau diancem arep dipateni karo penggemare Liam.[9]

Harry Styles[sunting | sunting sumber]

Harry Styles

Harry Edward Styles, lair 1 Februari 1994, asale saka Holmes Chapel, Cheshire, Inggris.[10] Asma bapak lan ibune Des Style lan Anne Cox. Dheweke duwe mbakyu jenenge Gemma.[10] Rikala dheweke umur pitung tahun, bapak lan ibune pegatan, banjur ibune krama meneh karo wong lanang sing asmane Robin Twist.[10] Harry tau dadi penyanyi ing salah sijining band independen sing jenenge White Eskimo.[10] Band iki tau menangake lomba band lokal ing Cheshirre.[10] Sadurunge Harry melu audisi The X Factor, dheweke tau kerja ing toko roti.[10] Harry seneng banget kalian Elvis Presley.[10] Dheweke ngomong yen Elvis Presley dadi penyebabe ngapa dheweke seneng karo musik.[10] Harry uga seneng karo karo artis-artis liya kaya Foster the People, Coldplay lan Kings of Leon.[10] Saliyane kuwi The Beatles uga ana pangaruhe ing karier musike.[10] Saiki dheweke lagi njalani hubungan karo presenter TV, jenenge Carpline Flack.[10] Hubungan iki nggawe kontroversi amerga umure kaloron beda adoh, yaiku 15 tahun.[10]

Cathetan Suku[sunting | sunting sumber]

  1. ^ a b c d e f g h i j k l m (id)One Direction (dipunundhuh tanggal 24 September 2012)
  2. ^ a b c d e f g h i j k l (id)[www.teenage-corner.com/2012/03/biodata-one-direction.html Biodata One Direction] (dipunundhuh tanggal 24 September 2012)
  3. ^ a b c d e f g h i j k l (id)Gadis.go.id (dipunundhuh tanggal 24 September 2012)
  4. ^ a b c d e f g h i j k l m n o p q r s t u v w x y z aa ab ac ad ae af ag (id)Boy Band Jebolah X Factor (dipunundhuh tanggal 24 September 2012)
  5. ^ a b c d e f g h i j k l m n o p q r s t u v (id)Boyce Avenue Akan Eksis di Album ke-2 One Direction (dipunundhuh tanggal 24 September 2012)
  6. ^ a b c d e f g (id)Niall Horan (dipunundhuh tanggal 24 September 2012)
  7. ^ a b c d e f g (id)Louis Tomlinson (dipunundhuh tanggal 24 September 2012)
  8. ^ a b c d e f g (id)Zayn Malik-Profil Selebritis (dipunundhuh tanggal 24 September 2012)
  9. ^ a b c d e f g h i (id)Liam Payne (dipunundhuh tanggal 24 September 2012)
  10. ^ a b c d e f g h i j k l (id)Biodata Harry Edward Styles (dipunundhuh tanggal 24 September 2012)
Sumber artikel punika saking kaca situs web: "http://jv.wikipedia.org/w/index.php?title=One_Direction&oldid=867200"