Idul Adha
|
Idul Adha (basa Arab: عيد الأضحى) iku sawijining dina riyaya Islam. Ing dina iki dipèngeti prastawa kurban, nalika nabi Ibrahim (Abraham), sing gelem ngurbanaké putrané Ismail marang Gusti Allah, banjur diganti karo wedhus déning kersaning Allah.
Kayadene Idul Fitri, Idul Adha uga ana shalat Ied. Sawisé shalat, banjur dianakake kurban minagka pratndha utawa pralambang Nabi Ibrahim kang kanthi iklas ngurbanake putrane, Ismail dumateng Gusti Allah.
Dina Riyaya Idul Adha iku ing tanggal 10 sasi Dulhijah, dina iki pas 70 dina sawisé Idul Fitri. Ing wayah Idul adha iku wong Islam ora dientuke pasa, haram ukume kanggo pasa.
Punjere riyaya Idul adha iku ana ing desa cilik ing Arab Saudi kang arane Mina, cedhak Mekkah. Ing kono ana tugu kang cacahe telu, kang dadi pralambang iblis. Nalika wayahe bada para kaji ing kana nglakoni ritual utawa upacara mbuwak jumrah. Ing kono para jemaah kaji ngantemi tugu kang cacahe telu iku mau ngganggo watu jumrah.
Bada Idul Adha iku dadi dina kang paling penting nalika ibadah kaji kanggo wong Islam.
Panetepan dina Idul Adha [sunting]
Miturut agama Islam, ngibadah kaji iku intine wukuf ing Arafah, kayadéné sabda Nabi Muhammad saw.:
«اَلْحَجُّ عَرَفَةُ»
Ibadah kaji yaiku (wukuf) ing Arafah. (HR at-Tirmidzi, Ibn Majah, al-Baihaqi, ad-Daruquthni, Ahmad, lan al-Hakim. Al-Hakim berkomentar, “Hadits iki sahih, senadyan beliau kaloroné [Bukhari-Muslim] ora ngetokaké”).
Jroning hadits sing dituturaké déning Husain bin al-Harits al-Jadali mratélakaké yèn amir Makkah naté, banjur ngendika:
«عَهِدَ إِلَيْنَا رَسُولُ اللهِ e أَنْ نَنْسُكَ لِلرُّؤْيَةِ فَإِنْ لَمْ نَرَهُ وَشَهِدَ شَاهِدَا عَدْلٍ نَسَكْنَا بِشَهَادَتِهِمَا»
Rasulullah saw. wis paring pesen marang kita supaya ngayahi ibadah kaji miturut ru’yat (hilal Dzulhijjah). Yèn kita ora bisa nyeksèkaké, banjur ana loro seksi adil (sing nyeksèni), mula kita kudu ngayahi manasik miturut kaseksèn mau. (HR Abu Dawud, al-Baihaqi lan ad-Daruquthni. Ad-Daruquthni berkomentar, “Hadits iki isnadé sinambungan, lan sahih.”).
Hadits iki njlèntrèhaké: Pisanan, yèn ibadah kaji kudu didhasaraké marang asil ru’yat hilal 1 Dzulhijjah, saéngga kapan wukuf lan Idul Adhané bisa ditetepaké. Kaping loro, pesen Nabi marang amir Makkah, minangka panguwasa wilayah, papan ing ngendi perhelatan kaji dilaksanakaké, supaya ngayahi ru’yat; yèn ora kasil, banjur ru’yat wong liya, sing nyatakaké paseksèn marang amir Makkah.
