Natal

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Natal
Natal
Kisah Natal nyebatake kalahiran Yesus ing sawijining kandang ana Betlehem.
Dirayakaké Mayoritas umat Kristen
Jinis Kristen
Makna Merayakan kelahiran Yesus (Isa Almasih)
Tanggal 25 Desember (sapanjuru donya)
6 Januari (Armenia)
7 Januari (Ortodoks Wétan lan Katolik)
Prayaan kabaktian greja,kumpul kulawarga, lan wenehi adiah
Magepokan karo Adven; Kalahiran Yesus, Epifani

Natal, saka basa Portugis sing tegesé wiyosan, iku dina riyadi umat Kristen. Ing dina iki sing mesthi tiba ing tanggal 25 Desember, wiyosané Gusti Yesus di-èngeti. Sanadyan para pakar saiki iki sarujuk yèn Gusti Yesus mbokmenawa sajatiné ora miyos ing dina iki, dina wiyosané tetep dirayakaké ing tanggal iki. Iki dibuktèkaké kanthi crita anané para pangon sing lagi angon kéwané. Ing wulan Desember - Januari, ing dhaérah Wétan Tengah iku usum adhem, saéngga mokal banget kanggo angon kéwan ing wektu-wektu iku.

Jroning tradhisi kulon, pèngetan Natal uga ngandhut aspèk non-agamawi. Sebagéyan gedhé tradhisi Natal asalé saka tradhisi pra-Kristen kulon sing diserep jroning tradhisi Kristiani. Saliyané iku, pèngetan Natal jroning tradhisi kulon (sing saya madonya) ditengeri kanthi ijolan hadhiah antarané kanca lan anggota keluwarga sarta tekané Santa Claus utawa Sinterklas.

Wong Telu Ahli Nujum Nuwèni Gusti Yesus

Ing negara-negara sing nganggo basa Arab, dina riyaya iki diarani Idul Milad.

Mula bukané pèngetan dina Natal[sunting | sunting sumber]

Pèngetan dina wiyosan Yesus ora tau dadi préntah Kristus kanggo dileksanakaké. Crita saka Prajanjian Anyar ora tau nyebutaké anané riyaya dina wiyosan Yesus dilalokaké déning gréja awal.

Tanggal[sunting | sunting sumber]

Wis bisa dipesthèkaké tanggal 25 Desember dudu tanggal wiyosané Yesus. Perkara iki dipesthèkaké adhedhasar kasunyatan yèn ing wengi kasebut para pangon isih njaga wedhusé ing pasuketan. (Lukas 2:8). Nalika wulan Désèmber ora mungel para pangon isih bisa angon wedhus-wedhusé ing pasuketan amarga ing wektu iku wis wayahé usum adhem dadi wis ora ana suket sing tuwuh manèh.

Ing tradhisi Romawi pra-Kristen, pèngetan kanggo déwa tetanèn Saturnus tiba ing sawijining minggu ing wulan Désèmber kanthi puncak pèngetané ing dina titik balik usum adhem (winter solstice) sing tiba tanggal 25 Desember jroning kalèndher Julian. Pèngetan sing diarani Saturnalia mau arupa tradhisi sosial utama kanggo bangsa Romawi. Supaya wong-wong Romawi bisa nganut agama Kristen tanpa ninggalaké tradhisiné dhéwé, Paus Julius I mutusaké nalika taun 350 yèn wiyosané Yesus dipèngeti ing tanggal sing padha.

Panemu liya nélakaké yèn dina Natal ditetepkaké tiba tanggal 25 Désèmber nalika abad kaping 4 déning kaisar Kristen pisanan Romawi, Konstantin I. Tanggal 25 Desember mau dipilih minangka Natal amarga bebarengan karo wiyosané Déwa Srengéngé (Natalis Solis Invicti utawa Sol Invictus utawa Saturnalia) sing disembah déning bangsa Romawi. Riyaya Saturnalia dhéwé dilakokaké déning wong Romawi kuna kanggo nyuwun supaya srengéngé bali marang padhangé sing anget (Posisi bumi ing wulan Désèmber ngadoh saka srengéngé, nanging srengéngé katoné sing ngadoh saka bumi).

Mula, loro aliran Kristen sing ora ngriyayakaké tradhisi Natal, yaiku aliran Advent lan Saksi-Saksi Yehuwa. Saksi-Saksi Yehuwa ora ngriyayakaké Natal wiwit taun 1926 nalika ngerti yèn Natal duwé asal-usul Kafir, miturut buku Saksi-Saksi Yehuwa—Pawarta Karajan Allah, 1993, kaca 198-200.

Senajan kapan dina natal iku isih dadi pasulayan, agama Kristen mainstream sepakat kanggo netepaké dina natal tiba saben tanggal 25 Desember jroning kalèndher Gregorian iki didhasari marang kasadharan yèn panetepan dina riyaya liturgis liya kayadéné paskah lan jemuwah agung ora diantuki mawa panyerakan tanggal pesthi nanging mung arupa panyelenggaraan manèh acara-acara mau jroning setaun liturgi, ing ngendi sing paling wigati dudu pasé tanggalé nanging èsènsi utawa inti saka saben pèngetan mau kanggo diwujudaké saka dina kadina.

Taun[sunting | sunting sumber]

Taun kalèndher Masèhi diripta nalika abad kaping-6 déning sawijining biarawan sing jenengé Dionysius Exignus. Taun Masehi sing kita pigunakaké saiki diarani uga anno Domini (Taun Gusti).

Dianysius Exignus bisa ngawruhi yèn Gusti Yesus diwiyosaké nalika taun 1 SM amarga panjenengané njupuk data saka cathetan sajarah sing nelakaké yèn nalika taun 754 kalèndher Romawi iku taun kaping 15 saka pamaréntahan Kaisar Tiberius kayadéné sing katulis ing Lukas 3:1-2. Saliyané iku panjenengané uga njupuk data saka Lukas 2:1-2 sing nelakaké yèn Kirenius (Gubenur saka Siria) pisanan nganakaké program sensus.

Senajan mangkono isih uga wong sing ora percaya, sebab miturut sajarawan Yahudi sing jenengé Flavius Josephus, nata Herodes tilar donya nalika taun 4 sadurungé Masehi saéngga konsekuensiné tanggal miyos Yesus kudu dimunduraké patang taun. Nanging téori iki uga ora bener, sebab panjenengané nganalisa taun mau adhedhasar anané grahana rembulan taun nalika Herodes tilar donya sing dumadi ing Yerusalem tanggal 13 Maret taun 4 sadurungé Masehi, nanging para èlmuwan saiki wis mbuktèkaké yèn grahana rembulan mau dumadi dudu ing tanggal kasebut nanging tanggal 9 Januari taun 1 SM.

Dina Natal[sunting | sunting sumber]

Ing dina riyadi Natal wiyosané Gusti Yesus ing Bethlehem, sawijining désa cilik sakiduling Yerusalem, di-èngeti. Miturut Injil Prajanjian Anyar, nalika iku Kaisar Agustus dhawuh ing kawulané kabèh ing praja Romawi supaya padha mulih ing désané dhéwé-dhéwé amarga kersa nganakaké sensus. Banjur Santo Yusup lan Dèwi Maria, wong tuwané Gusti Yesus tindak ing Bethlehem. Amarga ing kono ora ana panginepan, loro-loroné banjur saré ing sawijining kandhang kéwan. Banjur Gusti Yesus diwiyosaké ing kono.

Wiyosané Gusti Yesus ing jero Kitab Suci[sunting | sunting sumber]

Crita wiyosané Gusti Yesus kaserat ing Injil kitab Matius (1:18-25) lan Lukas (2:1-21).

Ing sajroning Al-Qur'an, kitab suci umat Selam, wiyosané Gusti Yesus utawa Nabi Isa uga kaserat ing Sura kaping 19, Surat Maryam.

Uga pirsanana[sunting | sunting sumber]

Temokna informasi luwih akèh ing Christmas kanthi nggolèki ing proyèk kagandhèng Wikipedia
Wiktionary-logo-en.png Dictionary definitions saka Wiktionary
Wikibooks-logo.svg Textbooks saka Wikibooks
Wikiquote-logo.svg Quotations saka Wikiquote
Wikisource-logo.svg Source texts saka Wikisource
Commons-logo.svg Images and media saka Commons
Wikinews-logo.svg News stories saka Wikinews
Wikiversity-logo-en.svg Learning resources saka Wikiversity

Pranala njaba[sunting | sunting sumber]

Project Gutenberg

Sumber artikel punika saking kaca situs web: "http://jv.wikipedia.org/w/index.php?title=Natal&oldid=816828"