Kaisar

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados

Tembung kaisar asalé saka basa Latin caesar sing mauné iku jeneng dhiri kaisar Romawi, Julius Caesar. Wiwit Julius Caesar, kaisar-kaisar Romawi migunakké jeneng wuriné minangka gelar, senadyan gelar kaisar Roma sing pisanan umumé diwènèhaké marang Augustus. Ing umumé, kaisar bakal mimpin akèh raja-raja cilik sangisoré kakuwasaané (kanthi wangun upeti ing jaman biyèn). Jeneng wilayah sing dicekel déning sawijining kaisar disebut Kakaisaran, contohé yaiku Kakaisaran Britania, Kakaisaran Byzantium, Kakaisaran Ottoman, Kakaisaran Jepang, lan liya-liyané.

Ing Inggris, jabatan sing mèh padha yaiku Emperor kanggo sing lanang utawa Empress kanggo sing wadon) lan wilayah kakuwasaané disebut Empire; ing Rusia: Tsar (Czar); ing Turki: Kasar; ing Prancis: Empereur; ing Spanyol: Imperator. Gelar-gelar sing padha ing Asia Wétan (皇帝 - Huangdi uga 天皇 - Tenno) asalé saka sumber sing béda karo kakaisaran Roma, nanging saiki ing basa Indonésia dipigunakaké istilah sing padha, yaiku kaisar".

Ing wektu saiki mung panguwasa ing Jepang sing migunakaké gelar "kaisar", yaiku Kaisar Akihito kanthi permaisuriné Michiko sing dinobataké wiwit taun 1989 kanthi jeneng zaman Heisei. Ing wektu sadurungé, jeneng kaisaré yaiku Kaisar Hirohito sing mréntah wiwit taun 1926 tekan taun 1988 kanthi jeneng zaman Showa.

Pirsanana uga[sunting | sunting sumber]

Sumber artikel punika saking kaca situs web: "http://jv.wikipedia.org/w/index.php?title=Kaisar&oldid=820959"