Hirohito

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Kaisar Hirohito nalika dipunmakuthani ing taun 1926.

Hirohito (29 April 1901-7 Januari 1989) punika kaisar Jepang ingkang kaping-124. Ing sajarah Jepang panjenenganipun punika Kaisar paling lami ingkang mangrèh (1926-1989) lan arupi salah sawijining tokoh wigatos ing mangsa Perang Donya II lan pembangunan malih Jepang.

Biografi[sunting | sunting sumber]

Hirohito dipunwiyosaken ing Puri Aoyama, Tokyo tanggal 29 April 1901. Putra sepindhah saking Kaisar Yoshihito (Taisho) lan Ratu Sadako (Teimei), lan rakanipun Pangéran Yasuhito Chichibu (1903-1953), Pangéran Nobuhito Takamatsu(1905-1987) sarta Pangéran Takahito Mikasa (1915- ). Sadèrèngipun minggah tahta panjenenganipun dipuntepungi minangka Pangéran Michi (Michi-no-Miya). Mangsa kakuwaosanipun minangka kaisar dipuntepangi minangka era Showa ingkang ateges tentrem, luhur budi. Nanging ironisipun, malah ing wekdal punika, Jepang kalibat perang nglawan RRC lan pungkasanipun salebeting Perang Donya II. Ing Indonésia, nalika wekdal pandhudhukan Jepang (1942-1945) Hirohito dipuntepangi minangka Tenno Heika ingkang ateges " Kaisar Ingkang Mulya".

Hirohito nglampahi pendhidhikan awal ing Gakushuin Peer's School wiwit April 1908 dumugi April 1914, salajengipun pikantuk pendhidhikan khusus kanggé putra makutha (Togu-gogakumonsho) ing Istana Akasaka wiwit taun 1914 dumugi Februari 1921. Pikantuk karir minangka letnan lan sub-lieutnant (kelas sepindhah) 9 Desember, 1912 ing Angkatan Dharat Kakaisaran, kapten lan letnan (31 Oktober 1916, mayor lan wakil komandhan (31 Oktober 1920) letnan kolonèl lan komandhan (31 oktober] 1923) lan kolonèl lan komandhan Angkatan Laut Kakasairan (Kaigun) (31 Oktober 1924). Panjenenganipun dipunangkat dados putra makutha sacara resmi tanggal 16 November 1916. Ing taun 1922 panjenenganipun ngawontenaken kunjungan dhateng Inggris lan sapérangan negari Eropah. Kunjungan puniki dipunanggep klompok sayap tengen kontrovèrsial saéngga niwasaken Perdana Mentri Hamaguchi.

Hirohito kagungan pangertosan ngenani panlitèn biologi laut lan sapérangan asil panlitènanipun dipunasokaken dhateng sapérangan buku ing antawisipun The Opisthobranchia of Sagami Bay lan Some Hydrozoans of the Amakusa Islands.

Hirohito palakrami kaliyan Putri Nagako, putri pembajeng Pangéran Kuniyoshi tanggal 26 Januari] 1924 lan kagungan 7 yoga, Putri Teru Shigeko (1925-1961, Putri Hisa Sichiko(1927-1928), Putri Taka Kazuko (1929-1989), Putri Yori Atsuko(1931- ), Pangéran Akihito (1933- ), Pangéran Hitachi Masahito (1935 - ), lan Putri Suga Takako (1939 - ).

Panjenenganipun dipunnobataken dados kaisar tanggal 25 Desember 1926 sasampunipun ramanipun Kaisar Taisho tilar donya, dipunlantik sacara resmi 10 November, 1928, ing Kyoto.

Tilar donya[sunting | sunting sumber]

Kaisar Hirohito tilar donya tanggal 7 Januari 1989 amargi nandhang panyakit kanker usus kalih welas driji (duodenum). Panguburan kanegaranipun dipunrawuhi déning para pamimpin donya ing antawisipun Présidhèn Amérika Sarékat George Bush, Présidhèn Prancis Francois Mitterand, HRH Duke of Edinburgh saking Inggris, lan Raja HM Baudouin saking Belgia, tanggal 24 Februari 1989. Dhisinipun dipunsarèkaken ing Mausoleum Kakaisaran Musashino, sisihan kaliyan pasaréyanipun Kaisar Taisho. Kalenggahanipun dipungantosaken déning Putra Makutha Akihito.

Pirsani ugi[sunting | sunting sumber]

Pranala njawi[sunting | sunting sumber]

Didhisiki déning
Yoshihito, Kaisar Taishō
Daftar Kaisar Jepang Diterusaké déning:
Kaisar Akihito

Sumber artikel punika saking kaca situs web: "http://jv.wikipedia.org/w/index.php?title=Hirohito&oldid=870710"