Tsar

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados

Tsar (basa Bulgaria цар, basa Rusia царь, Swara rungakna; sok-sok uga diéja Czar utawa Tzar), iku gelar kanggo pamimpin Kakaisaran Pisanan lan Kapindho Bulgaria wiwit taun 913, ing Serbia nalika patengahan abad kaping-14, lan ing Rusia wiwit taun 1547 nganti taun 1917 (senajan panggunaané sacara tèknis mung pas nganti taun 1721).

Sajarah[sunting | sunting sumber]

Gelar tsar wiwit digunakaké ing Bulgaria déning Simeon I sawisé sawijining kamenangan wigati tumrap Kakaisaran Romawi Wétan nalika taun 913. Gelar iki terus digunakaké para pangganti Simeon I nganti tibané Bulgaria marang Krajan Ottoman nalika taun 1396. Sawisé uwal saka Ottoman taun 1878, monarki anyaré migunakaké manèh gelar mau antara taun 1908 lan 1946.

Nalika taun 1547, Ivan IV saka Rusia ngganti gelaré saka "Veliki Knia saka kabèh Rus" dadi "tsar saka kabèh Rus" minangka lambang panggantian wangun negara Rusia. Sabanjuré taun 1721 Peter I ngadhopsi gelar Император [Imperator] ("Kaisar"). Kaloro gelar mau digunakaké gentènan wiwit mangsa kasebut.

Etimologi[sunting | sunting sumber]

Tembung tsar asalé saka gelar Latin Caesar ("Kaisar"). Nalika jaman modhèrn, tembung iki paling asring digunakaké mung kanggo ngrujuk marang pamimpin-pamimpin Rusia jaman biyèn.

Pamimpin-pamimpin kanthi gelar Tsar[sunting | sunting sumber]

Pirsani uga[sunting | sunting sumber]

Sumber artikel punika saking kaca situs web: "http://jv.wikipedia.org/w/index.php?title=Tsar&oldid=829385"