Kaos kaki Natal
Kaos kaki Natal yaiku kaos kaki gedhé utawa kantong kain kang bentuké kaos kaki kang digantung bocah-bocah yèn malem Natal.[1] Bocah-bocah ngarep-arep Sinterklas bakal teka lan ngisi kaos kaki nganggo dolanan, buah, dhuwit, logam, utawa hadiah-hadiah liyane.[1] Kaos kaki Natal uga dadi salah siji hiasan Natal lan kerajinan tangan kang populér.[1] Kaos kaki Natal ukurané gedhé lan digawé kanthi werna-werni kang ramé saéngga ora kena dianggo dadi kaos kaki sedina-dinané.[1] Kaos kaki natal uga kerep ditulisi jeneng wong kang dadi kluargané, tujuwané supaya Sinterklas ora salah ndéléhaké hadiah.[1] Jaman dhisik, bocah-bocah nyénthélaké stoking utawa kaos kaki gedhe ing ndhuwur perapian supaya gampang didelok sinterklas kang mudhung saka crobong asap.[1] Ing omah-omah jaman saiki ora nduwé perapian, mulané kaos kaki natal diséléhaké ing endi wae.[1]
Ing crita-crita Natal, Sinterklas nyéléhaké hadiah natal kanggo bocah-boch ing njero kaos kaki Natal.[1] Miturut crita ing kabudayan barat, bocah kang kelakoané élék bakal mung nampa batu bara lan ora éntuk hadiah.[1]
Nalika abad 16, bocah-bocah ing Belanda nduwéni tradhisi nyéléhaké kelompen kang isiné dami ing ngarep prapian. Dami iki nduwéni gambaran dadi pakanan rusa kutub utawa keledai kang bisa nggawe kawigatén kréta sinterklas kang digérét karo rusa utawa kidang.[2] Ing cedhaké perapian, bocah-bocah uga nyiapaké kue utawa jajan kang Sinterklas.[2] Kue iki dadi tandha maturnuwun nalika bocah-bocah wis diwénéhi hadia sinterklas. [2]Sabanjuré kelompen diganti karo kaos kaki.[2]
Chatetan suku [sunting]
- ^ a b c d e f g h i (en)Christmas Stockings centrinet.com/christmas/catclas.htm Christmas Stockings centrinet.com(dipunundhuh tanggal 10 Juni 2011)
- ^ a b c d (en)The History of the Christmas Stocking by Cassandra Black creativehomemaking.com www.creativehomemaking.com(dipunundhuh tanggal 10 Juni 2011)
Artikel punika taksih tulisan rintisan (stub). Sinten kémawon ingkang kersa mbenakaken, sumangga kémawon.
