Rolas Imam

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados

Bismillahir Rahmanir Rahim Bagéan saka artikel ngenani
Imam Syi'ah
Rolas Imam


  1. Ali bin Abi Thalib
  2. Hasan al-Mujtaba
  3. Husain asy-Syahid
  4. Ali Zainal Abidin
  5. Muhammad al-Baqir
  6. Ja'far ash-Shadiq
  7. Musa al-Kadzim
  8. Ali ar-Ridha
  9. Muhammad al-Jawad
  10. Ali al-Hadi
  11. Hasan al-Askari
  12. Muhammad al-Mahdi

Rolas Imam (Basa Arab: اثنا عشرية - Itsnāˤashariyya) iku salah sawijining pang ing ajaran Syiah sing paling akèh umaté. Diarani Rolas Imam amarga ajaran iki percaya anané 12 imam sing mimpin muslim, diwiwiti déning Imam Ali ra. lan dipungkasi déning Imam Mahdi Al-Muntazhar (Imam Mahdi sing ditunggu), sawijining imam sing katon ing taun 868 nanging banjur muksa (ghoib). Para pamélu Itsna Asyariyyah yakin yèn Imam Mahdi bakal kondur ngadhepi dajjal lan bakal mangun pamarèntahan Islam.

Kayakinan Itsna Asyariyyah[sunting | sunting sumber]

Syariah miturut Itsna Asyariyyah[sunting | sunting sumber]

Para pangikut ajaran Syi'ah Itsna Asyariyyah menika mendhet adhedasar ukum (Syariah), kados al-Qur'an sarta Sunnah Rasul. Bentennipun ukum syariah Sunni kaliyan Syiah punika bab kayakinan menawi Nabi Muhammad sampun ngutus Ali ra. dados iman kaping pisanan sasampunipun Nabi Muhammad saw. Salajengipun, miturut pangikut Syi'ah Itsna Asyariyyah, Imam utawi pamimpin umat punika boten dipilih dening manungsa kanthi cara demokrasi (pemilu). Imam punika jabatan langsung saking Allah swt. Ananging para pangikut paham Sunni langkung pitados menawi pamimpin umat punika dipunpilih kanthi cara pamilu sarta ingkang nggadhahi suwanten sarujuk paling kathah punika ingkang dados pamimpin (khalifah). Paham ingkang benten punika ingkang damel Syi'ah sarta Sunni dados misah. Wonten ngandhap punika bentenipun prekawis Syari'ah dening Syi'ah sarta Sunni:

  1. Ukum mendhet hadits saking Nabi Muhammad saw. sarta para Ahlul Bait[1].
  2. Mboten mendhet hadits kangge tuntunan ukum, tuladha ingkanng dipunriwayataken dening Abu Bakar, Umar sarta Usman (Katelu punika khulafaur rasyidin sadherengipun Ali ra.)
  3. Maringi status ma'shum (bebas saking kasalahan) dening para Imam sarta para pangikut ajaran saking para imam.

Doktrin Utami[sunting | sunting sumber]

Wonten ing ajaran Islam aliran Syi'ah Itsna Asyariyyah, wonten 10 rukun islam, ingkang kaya 5 rukun Sunni, Sunni = 5 rukun, ananging para sunni ugi gadhah 5 Ushuluddin (rukun iman versi Sunni)[2]. Wonten ngandhap dipunjlentrehaken kayakinan-kayakinan para pangikut Itsna Asyariyyah babagan Ushuluddin (prinsip kayakinan) kaliyan Furu' ad-Din (prinsip kaagamaan) :

Prinsip kaimanan Itsna Asyariyyah[sunting | sunting sumber]

Mullah ingkang tasih wonten ing Imamzadeh wonten ing Tabriz, Iran.

Aliran Itsna Asyariyyah boten marengaken taklid (keyakinan ingkang buta, boten wonten dalil ingkang dados adhedasar), ananging nggal mukallaf kedhah mengertosi kayakinan ingkang sampun dipuntemtukaken:

  • Prekawis katauhidan: Para pangikut Itsna Asyariyyah punika yakin menawi Allah punika ingkang nyiptakaken, nyipta Adam langsung ngagem astanipun Gusti, nuli nyebulaken roh, maringi rizki sarta mematikan. Ugi maringi manungsa lara sarta ujian, sedaya punika adhedasar kakuasaanipun Gusti (QS Yasin:82). Ingkang dherek paham punika ugi pitados menawi Allah Maha Kuasa, Allah Maha Esa, Allah boten katingal sarta boten wonten gambaripu sacara lairiyah dening manunsa. Sacara tauhid, sedayanipun sami kaliyan para umat Islam umumipun.[3] [4]
  • Prekawis keadilan: Para pangikut Itsna Asyariyyah pitados menawi Allah boten nglarani para hamba-Nipun, sarta para hamba-Nipun dipunparingi rizki ingkang dipunbutuhaken.
  • Prekawis kenabian: Ingkang nderek Itsna Asyariyyah punika yakin menawi rasul ingkang terakir punika umat Islam inggih punika Rasulullah Muhammad saw. nurut kaliyan ajaran Nabi Muhammad saw. punika wajib, kados ingkang kaserat wonten ing Al-Qur'an (QS Ali 'Imran:85)
  • Prekawis imamah: Para pangikut islam Syi'ah punika mlebet golongan cabang Itsna Asyariyyah (Syiah Imamiyah) sami pidatos menawi wonten ing sistem kapemimpinan ingkang dipunsebat imamah ingkang asalipun saking Nabi Muhammad. Imam punika dados pamimpin umat Islam adhedasar pitunjuk saking Gusti Allah swt. Wonten ing prinsip ajaran Syi'ah dipunsebutaken menawi sajatosipun, Gusti Allah mboten nglataraken umat islam tanpa pamimpin. Sami pitados menawi Imam ma'shum (bebas saking dosa) sarta jabatan Imam punika langsung dening ilham saking Gusti Allah. Nggal Imam bakal maringi wasiat dening Imam salajengipun.
  • Prekawis Dunia Akir: Gusti Allah bakal nguripaken manungsa kangge ngetung amal. Para manungsa ingkang gadhah amal sae bakal angsal ganjaran suwarga salaminipun, ananging ingkang gadhah amal buruk bakal dipunlebetaken wonten ing neraka.

Konsep Iman[sunting | sunting sumber]

Daptar Imam[sunting | sunting sumber]

Nomor Asma
Gelar
(Basa Arab/Basa Turki)[5]
Lahir–Wafat
(M/H)
Kapetingan Tempat lair Tempat wafat sarta pusara
1 Ali bin Abi Thalib
علي بن أبي طالب
Abu al-Hassan
أبو الحسن
Amir al-Mu'minin
(Pamimpin tiyang ingkang beriman)[6]
Birinci Ali[7]
600–661[6]
23–40[8]
Imam ingkang kaping pisanan sarta gantosipun Nabi Muhammad saw anggenipun kuasa. Para Sunni nganggep Ali ra. dados khalifah kapapat wonten ing Khulafaur Rasyidin. Ali ra. nempati posisi paling dhuwur saking sedaya tarekat Sufi.[6] Makkah, Arab Saudi[6] Seda amargi dipunpaten dening Abdurrahman bin Muljam, Khawarij saking Kufah, Irak. Imam Ali ra. mustakanipun ditebas ngangge pedang ingkang sampun diparingi wisa nalika dados imam shalat subuh.[6][9] Dipunsarekaken wonten ing Masjid Imam Ali, Najaf, Irak
2 Hasan bin Ali
الحسن بن علي
Abu Muhammad
أبو محمد
al-Mujtaba
Ikinci Ali[7]
624–680[10]
3–50[11]
Hasan bin Ali inggih punika putu paling tuwa saking Nabi Muhammad, putranipun Fatimah az-Zahra. Hasan nggantos dhapuk kuasa bapanipun dados khalifah wonten ing Kufah. Adhedhasar perjanjen kaliyan Muawiyah I, Hasan nuli nyopot kuasa Irak.[12] Madinah, Arab Saudi[10] Diracun dening garwanipun wonten ing Madinah, Arab Saudi amargi diputus Muawiyah I.[13] Dipunsarekaken wonten ing Pemakaman Baqi.
3 Husain bin Ali
الحسین بن علي
Abu Abdillah
أبو عبدالله
Sayyid al-Shuhada
Ūçüncü Ali[7]
626–680[14]
4–61[15]
Husain inggih punika putu saking Nabi Muhammad saw. ingkang seda amargi dipunpaten nalika tindakan maring Kufah dhateng Karbala. Husain dipunpaten amargi nentang Yazid bin Muawiyah. Insiden sedanipun Husain wonten ing Karbala ngantos saniki dados ritual utami Syi'ah.[14][16] Madinah, Arab Saudi[14] Syahid wonten ing Karbala.[14] Dipunsarekaken wonten ing Makam Imam Husain, Karbala, Irak
4 Ali bin Husain
علي بن الحسین
Abu Muhammad
أبو محمد
as-Sajjad, Zainul Abidin

[17]


Dorduncu Ali[7]
658-9[17] – 712[18]
38[17]–95[18]
Nyerat buku Shahifah as-Sajadiyyah ingkang dados buku penting wonten ing ajaran Syi'ah [18] Madinah, Arab Saudi[17] Miturut ilmuwan Syi'ah, Ali bin Husain punika dipunyakini seda amargi dipunracun dening tiyang utusan saking Khalifah al-Walid wonten ing Madinah, Arab Saudi[18] Dipusarekaken wonten ing Pemakaman Baqi.
5 Muhammad al-Baqir
محمد بن علي
Abu Ja'far
أبو جعفر
al-Baqirul Ulum

(panjenenganipun ingkang mbagi ilmu) [19]


Besinci Ali[7]
677–732[19]
57–114[19]
Sumber saking Sunni kaliyan Syi'ah njlentrehaken menawi Muhammad al-Baqir inggih punika salah satunggaling pakar fiqih ingkang kagungan banyak ingkang kathah nalika zamanipun.[19][20] Madinah, Arab Saudi[19] Miturut ilmuwan Syi'ah, Muhammad al-Baqir diracun dening Ibrahim bin Walid wonten ing Madinah, Arab Saudi, amargi dipunutus Khalifah Hisyam bin Abdul Malik.[18]. Dipunsarekaken wonten ing Pemakaman Baqi.
6 Ja'far ash-Shadiq
جعفر بن محمد
Abu Abdillah
أبو عبدالله
ash-Shadiq[21]


(panjenenganipun ingkang jujur)


Altinci Ali[7]
702–765[21]
83–148 [21]
Panjenenganipun ngawontenaken Ja'fariyyah sarta ngembangaken ajaran Syi'ah. Piyambakipun ngajari para murid kados, Imam Abu Hanifah babagan fiqih, sarta Jabar Ibnu Hayyan babagan alkimia[21][22][23] Madinah, Arab Saudi[21] Miturut sumber-sumber Syi'ah, panjenenganipun diracun dening utusan saking Khalifah al-Mansur wonten ing Madinah, Arab Saudi[21]. Dipunsarekaken wonten ing Pemakaman Baqi.
7 Musa al-Kadzim
موسی بن جعفر
Abu al-Hassan I
أبو الحسن الاول [24]
al-Kadzim[25]
Yedinci Ali[7]
744–799[25]
128–183[25]
Pamimpin umat Islam Syi'ah nalika wonten perpecahan wataranipun pangikut Ismailiyyah sarta pangikut sanesipun sasampunipun Ja'far ash-Shadiq seda[26] Piyambakipun ndamel sistem pangumpulan ghanimah ing dhaerah Timur Tengah kaliyan Khurasan[27] Madinah, Arab Saudi[25] Dipunkunjara sarta dipunracun dening Harun ar-Rashid wonten ing Baghdad, Irak. Dipunsarekaken wonten ing Baghdad, Irak.[25]
8 Ali ar-Ridha
علي بن موسی
Abu al-Hassan II
أبو الحسن الثانی[24]
al-Ridha, Reza[28]
Sekizinci Ali[7]
765–817[28]
148–203[28]
Inggih punika putra mahkota Khalifah al-Ma'mun, mpelopori diskusi antar-agama.[28] Madinah, Arab Saudi[28] Miturut sumber Syi'ah, piyambakipun dipunracun dening Khalifah al-Ma'mun wonten ing Mashhad, Iran. Dipunsarekaken wonten ing Makam Imam Reza, Mashhad, Iran[28]
9 Muhammad al-Jawad
محمد بن علي
Abu Ja'far
أبو جعفر
al-Taqi, al-Jawwad[29]
Dokuzuncu Ali[7]
810–835[29]
195–220[29]
Kaentar amargi sipatipun ingkang sae dhumateng tiyang ingkang susah nalika masa Kekhalifahan Abbasiyah. Madinah, Arab Saudi[29] Dipunracun dening garwanipun, putra saking al-Ma'mun, Baghdad, Irak amargi dipunutus dening Khalifah al-Mu'tashim. Dipunsarekaken wonten ing Makam Kazmain, Baghdad.[29]
10 Ali al-Hadi
علي بن محمد
Abu al-Hassan III
أبو الحسن الثالث[30]
al-Hadi, al-Naqi[30]
Onuncu Ali[7]
827–868[30]
212–254[30]
Ngiyataken jaringan Wali ing komunitas Syi'ah. Ali al-Hadi maringi instruksi, inggih punika mbimbing umat ing prekawis agama sarta ngempalaken 1/5 harta ghanimah.[30] Surayya, desa caketipun Madinah, Arab Saudi[30] Miturut sumber Syi'ah, panjenenganipun diracun ten Samarra perintah Khalifah al-Mu'tazz.[31] Dipunsarekaken wonten ing Masjid Al-Askari, Samarra, Irak.
11 Hasan al-Asykari
الحسن بن علي
Abu Muhammad
أبو محمد
al-Asykari[32]
Onbirinci Ali[7]
846–874[32]
232–260[32]
Nalika semanten, umat Syi'ah dipuntekan sarta dipunbatasi dening Kekhalifahan Abbasiyah dipunpimpin al-Mu'tamid[33] Madinah, Arab Saudi[32] Miturut sumber Syi'ah, piyambakipun diracuni wonten ing Samarra, Irak. dening utusan Khalifah al-Mu'tamid. Panjenenganipun dipunsarekaken wonten ing Masjid Al-Askari, Samarra[34]
12 Mahdi
محمد بن الحسن
Abu al-Qasim
أبو القاسم
al-Mahdi, Imam ingkang dipunumpetaken, al-Hujjah [35]
Onikinci Ali[7]
868–tidak diketahui[36]
255–tidak diketahui[36]
Miturut doktrin Itsna Asyariyyah, piyambakipun inggih punika imam ingkang saniki, piyambakipun Imam Mahdi ingkang dipunjanjikaken.[37] Samarra, Irak[36] Miturut kayakinan Syi'ah, panjenenganipun saniki dipunumpetaken, bakal medhal nalika Allah ngizinaken.[36]

Wonten ingkang gadhah pamanggih menawi Imam wonten ing Syi'ah kagungan dhapuk ingkang sajajar kaliyan nabi. Ananging, wonten ing aspek kayakinan kaum Syi'ah Itsna Asyariyyah, para Imam punika sanes nabi utawi rasul. Para Imam namung mbekta pesen Nabi Muhammad saw. Syi'ah Itsna Asyariyyah boten nganggep Imam langkung kagungan kuasa tinimbang nabi. Padatanipun para muslim klentu anggenipun nanggapi paham Syi'ah amargi prekawis punika. Malah, wonten ing ajaran Syi'ah, menawi wonten tiyang ingkang nganggep wonten nabi utawi rasul sasampunipun Nabi Muhammad saw, bakal langsung dipunparingi status bid'ah utawi kafir.

Lakon Imam Mahdi[sunting | sunting sumber]

Nalika dinten akir badhe kalaksanan, kaum Syi'ah Itsna Asyariyyah pitados menawi Imam al-Mahdi, ingkang Imam pungkasan saking kalih welas Imam punika bakal nyelametaken umat manungsa saking angkara sarta bakal nata pamerintahan Islam. Kaum Istana Asyariyyah pitados menawi Imam Mahdi dipunumpetaken kaliyan Allah swt. bakal dipunutus dados pambrantas angkara sarta bela kabecikan sarta kaadilan sesarengan kaliyan Nabi Isa as. saderengipun dinten akir. ananging pamanggihan punika dereng mesti amargi boten wonten pendukung mandhapipun Nabi Isa as nalika akir jaman

wonten ing Syi'ah dibagi malih dados aliran Zaidiyyah, Ismailiyyah utawi Bahraiyyah, sanes bab gantosanipun Imam kaliyan asma-asanipun, boten nganggep menawi Imam kaping-12 (Muhammad bin Hasan) punika Imam al-Mahdi.

Hadits wonten kumpulan Itsna Asyariyyah[sunting | sunting sumber]

  • Hadits Syi'ah: ngendikanipun al-Ma'shum (Nabi Muhammad, ahlul bait kaliyan Imam). Hadits punika dipunteliti shahih botenipun.
  • Ilmu dariyah, Itsna Asyariyyah: inggih punika ilmu ingkang diagem nalika madosi gejala hadits nalika kahanan darurat kadospundi matan kaliyan sanad hadits[38].
  • Hadits sajalur: amargi hadits punika adaptasi kangge njagi wontenipun carita utawa ngendikanippun para al-Ma'shum (Nabi Muhammad, ahlul bait sarta Imam), mula wonten tiyang ingkang ngendikakaken hadist ingkang kathah satunggal jalur sarta bakal diterusaken nggal tiyang, kados ingkang sampun diserat sarta dipeluni ilmu Ushul Fiqih, menawi kaleresan hadist saking al-Ma'shum (Nabi Muhammad, ahlul bait sarta Imam) dereng mesti leres ananging wontenipun dipunsampaikaken ngangge kanthi jalur kang werni-werni.
  • Ilmu rijal : Ilmu ingkang ditujukaken kangge nguji ilmu sarta kedadian para perawi nalika nyampaikake hadits kangge mangertosi sarta ngidentifikasi hadits punika shahih utawi boten shahih.[39]
  • Sifat perawi ingkang riwayatipun sarta kualifikasinipun dipuntarima:
  1. Islam
  2. Kagungan akal
  3. Baligh
  4. Beriman
  5. Adil

Wonten ing Syi'ah, wonten 4 kitab hadits, inggih punika:

Panyerat Kitab Taun miyos sarta sedanipun Gunggungipun hadits Katerangan
Al-Kafi Hadits-hadits wonten ing kitab punika dipunkampalaken dening Syaikh Abu Ja'far Muhammad bin Ya'qub al-Kulaini ar-Razi. Panjenengnipun inggih punika cendekiawan Islam ingkang limpad anggenipun ilmu hadits. Seda taun 329 Hijriah Kirang langkung 16000 hadits ingkang wonten ing kitab al-Kafi, kagolong gunggung paling kathah anggenipun dipunkempalaken. Kitab Syi'ah ingkang paling sae
Man la yahdarul fiqh
Kangge tiyang ingkang tliti ing ilmu fiqih
Dipunserat dening Syaikh Abu Ja'far Muhammad bin Ali bin Husein Miyos taun 305 Hijriah, seda taun 381 Hijriah Wonten ngantos 6000 hadits babagan Syariah
Tazhibul Ahkam Dipunserat dening Syaikh Abu Ja'far Muhammad bin Hasan al-Tusi Miyos wonten ing Khurasan taun 385 Hijriah, seda nalika taun 460 Hijriah Wonten kirang langkung 13590 Hadits wonten ing kitab punika.
Al-Istibshar fima Ikhtilaf minal Akhbar Dipunserat dening Syakih Abu Ja'far Muhammad bin Hasan al-Tusi Miyos wonten ing Khurasan taun 385 Hijriah, lan seda nalika taun 460 Hijriah Kinten-kinten wonten 5511 hadits ing kitab punika.
Al-Majmu' Al-Kulani, al-Qami kaliyan at-Tusi Seda nalika taun 329-381-460 Sedayanipun wonten ngantos 41101 hadits (kompilasi saking sekawan kitab, ingkang sampun

dipunjlentrehaken wonten ing nginggil)

Tlatah suci ingkang gadhah sujarah suci Itsna Asyariyyah[sunting | sunting sumber]

Nggal kaum muslim, Sunni utawi Syi'ah, kagungan tlatah suci. Tlatah suci kasebut inggih punika tiga mésjid suci Masjidil Haram wonten ing Mekkah, Masjid Nabawi wonten ing Madinah, sarta Masjidil Aqsa wonten ing Jerussalem. Kejawi tlatah punika, Syi'ah uga kagungan tlatah suci sanesipun, inggih punika makam-makam para Imam. Pasarean suci Syi'ah inggih punika:

Cathetan Suku[sunting | sunting sumber]

  1. ^ Imam Muslim (translated by Aftab Shahryar) (2004). Sahih Muslim Abridged. Islamic Book Service. ISBN 81-7231-592-9.
  2. ^ http://www.albayyinat.net/jwb5ta.html
  3. ^ نهجنا في الحياة من المهم إلى الممات للميرزا حسن ال عصفور
  4. ^ عقائد الإمامية لمحمد جواد مغنية
  5. ^ Gelar Imam punika ngangge basa Arab dipunagem amargi basa Arab punika liturgi wonten ing agama Islam Syi'ah ananging gelar ngangge basa Turki punika saking pangikut ajaran Alawiyyah Encyclopedia of the Modern Middle East and North Africa. (2004). Gale Group. ISBN 978-0-02-865769-1. 
  6. ^ a b c d e Nasr, Seyyed Hossein "Ali". Encyclopedia Britannica Online. Diakses pada 2007-10-12. 
  7. ^ a b c d e f g h i j k l Encyclopedia of the Modern Middle East and North Africa. (2004). Gale Group. ISBN 978-0-02-865769-1. 
  8. ^ Tabatabae (1979), pp.190-192
  9. ^ Tabatabae (1979), p.192
  10. ^ a b "Hasan". Encyclopedia Britannica Online. Diakses pada 2007-11-08. 
  11. ^ Tabatabae (1979), pp.194-195
  12. ^ Madelung, Wilferd "Hasan ibn Ali". Encyclopedia Iranica. Diakses pada 2008-03-23. 
  13. ^ Tabatabae (1979), p.195
  14. ^ a b c d "al-Husayn". Encyclopedia Britannica Online. Diakses pada 2007-11-08. 
  15. ^ Tabatabae (1979), pp.196-199
  16. ^ Calmard, Jean "Husayn ibn Ali". Encyclopedia Iranica. Diakses pada 2008-03-23. 
  17. ^ a b c d Madelung, Wilferd "'ALÈ B. AL-HUOSAYN". Encyclopedia Iranica. Diakses pada 2007-11-08. 
  18. ^ a b c d e Tabatabae (1979), p.202
  19. ^ a b c d e Madelung, Wilferd "AL-BAQER, ABU JAFAR MOHAMMAD". Encyclopedia Iranica. Diakses pada 2007-11-08. 
  20. ^ Tabatabae (1979), p.203
  21. ^ a b c d e f Tabatabae (1979), p.203-204
  22. ^ Reseach Committee of Strasburg University, Imam Jafar Ibn Muhammad As-Sadiq A.S. The Great Muslim Scientist and Philosopher, translated by Kaukab Ali Mirza, 2000. Willowdale Ont. ISBN 0-9699490-1-4.
  23. ^ "Wasil ibn Ata". Encyclopedia Britannica Online. Diakses pada 2007-11-08. 
  24. ^ a b Madelung, Wilferd "'ALÈ AL-HAÚDÈ". Encyclopedia Iranica. Diakses pada 2007-11-09. 
  25. ^ a b c d e Tabatabae (1979), p.205
  26. ^ Tabatabae (1979) p. 78
  27. ^ Sachedina (1988), pp.53-54
  28. ^ a b c d e f Tabatabae (1979), pp.205-207
  29. ^ a b c d e Tabatabae (1979), p. 207
  30. ^ a b c d e f Madelung, Wilferd "'ALÈ AL-HAÚDÈ". Encyclopedia Iranica. Diakses pada 2007-11-08. 
  31. ^ Tabatabae (1979), pp.208-209
  32. ^ a b c d Halm, H "'ASKARÈ". Encyclopedia Iranica. Diakses pada 2007-11-08. 
  33. ^ Tabatabae (1979) pp. 209-210
  34. ^ Tabatabae (1979), pp.209-210
  35. ^ "Muhammad al-Mahdi al-Hujjah". Encyclopedia Britannica Online. Diakses pada 2007-11-08. 
  36. ^ a b c d Tabatabae (1979), pp.210-211
  37. ^ Tabatabae (1979), pp. 211-214
  38. ^ العلامة الدكتور الشيخ عبد الهادي الفضلي : أصول الحديث : 223
  39. ^ العلامة الدكتور الشيخ عبد الهادي الفضلي : أصول علم الرجال : 11 ، الطبعة الثانية ، سنة : 1416 هجرية ، مؤسسة أم القرى للتحقيق والنشر


Artikel punika taksih tulisan rintisan (stub). Sinten kémawon ingkang kersa mbenakaken, sumangga kémawon.

Sumber artikel punika saking kaca situs web: "http://jv.wikipedia.org/w/index.php?title=Rolas_Imam&oldid=884150"