Mihrab
Saka Wikipédia, Ènsiklopédhi Bébas ing basa Jawa / Saking Wikipédia, Bauwarna Mardika mawi basa Jawi
Mihrab (Basa Arab: ألمحراب pl. محاريب) yakuwi sawijining ceruk, utawa cekungan ing témbok (mesjid) kang nuduhaké arahé kiblat, yakuwi arah dumunungé Ka'bah minangka arah madhep kanggoné umat Islam kang lagi shalat. Témbok kang ana mihrabé diarani témbok kiblat.
Mihrab, aja diklérokaké karo mimbar, yakuwi papan kangoné imam mènèhi kotbah.
Bab lan Paragraf |
[sunting] Sajarah
Tembung mihrab asliné saka tembung kang ora ana hubungané karo agama, lan maknané kamar kusus, kayadéné ruang kanggo ndèlèh tahta ing sawijining istana. Fath al-Bari (k. 458), mrayogakaké makana mihrab kuwi "panggonan kang paling kinurmatan kanggo para raja" lan "panggonan kang utama, ing ngarep lan paling kinurmatan." Buku The Mosques in Islam (k. 213), minangka tambahan tumrap sumber-sumber ing basa Arab, nyuplik Theodor Nöldeke lan liyané mrayogakaké yèn mihrab kuwi asliné minangka ruang singgasana.
Istilah mihrab diagem déning Nabi Muhammad SAW kanggo njenengaké kamar pribadhi panjenengané kanggo ngayahi ibadat. Kamar mau diparingi aksès menyang mesjid kang dunungé ana ing sisihé kamar, lan Nabi mlebu mesjid liwat kamar mau. Makna asli mihrab minangka kamar/ruang kusus ing ngomah - tetep digunakaké ing kalangan kapercayan Judaism, kang migunakaké mihrab kanggo ruang ibadat pribadhi.
Jroning amngsa kakuwasan kalifah Usman Ibn Affan (r. 644-656), mréntahaké masang tulisan ing témbok mesjid ing Madinah supaya para jamaah gampang nengeri arahé kiblat. Nanging tandha tulisan mau mung arupa tandha lan témboké tetep rata. Jroning mangsa Al-Walid ibn Abd al-Malik (Al-Walid I, r. 705-715), mesjid Nabawi di rénovasi lan (wāli) Madinah, Umar Ibn Abdul Aziz, mréntahaké nggawé ceruk kanggo nengeri témbok kiblat (kang nengeri arah kiblat), lan ing panggonan iki tulisan Usman dipasang.
Suwé-suwé, ceruk ing mesjid mau dadi dimangertèni déning umum minangka arah kiblat lan dadi salah sawijining kalengkapan ing mesjid.
[sunting] Ing mangsa saiki
Saiki, ukuran Mihrab werna-werna, biasané dipaèsi nganggo ornamèn dékorasi lan asring diripta kanggo mènèhi imprèsi minangka dalan ka Mekkah.
[sunting] Referensi
[sunting] Delengen uga
[sunting] Pranala jaba
 |
Artikel perkawis Islam punika taksih arupi seratan rintisan. Panjenengan saged mbiyantu Wikipedia ngembangaken. |
