Khalifah

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Artikel iki bagéyan saka sèri
Islam
Allah1.png
Rukun Islam
Syahadat · Shalat · Pasa
Zakat · Kaji
Rukun Iman
Allah · Al-Qur'an · Malaikat
Nabi · Dina Akhir
Qada & Qadar
Tokoh Islam
Muhammad SAW
Nabi & Rasul · Sahabat
Ahlul Bait
Kota Suci
Mekkah ·Madinah · Yerusalem
Najaf · Karbala · Kufah
Kazimain · Mashhad ·Istanbul
Riyaya
Hijrah · Idul Fitri · Idul Adha
· Asyura · Ghadir Khum
Arsitektur
Mesjid ·Menara ·Mihrab
Ka'bah · Arsitektur Islam
Jabatan Fungsional
Khalifah ·Ulama ·
Imam·Mullah·Ayatullah · Mufti
Teks & Hukum
Al-Qur'an ·Hadist · Sunnah
Fiqih · Fatwa · Syariat
Mazhab
Sunni
Hanafi ·Hambali
Maliki ·Syafi'i
Syi'ah
Rolas Imam
Ismailiyah·Zaidiyah
Liyané
Ibadi · Khawarij
Murji'ah·Mu'taziliyah
Delengen uga
Portal Islam
Indeks perkara Islam

Khalifah iku sesebutan kanggo panguwasa sawisé Nabi Muhammad séda. Khalifah, manut tetembungané, nduwé arti "sesulih." Khalifah sing kondhang ana papat, yaiku Abu Bakar As Shidiq, Umar bin Khattab, Utsman bin Affan, lan Ali bin Abi Thalib. Khalifah papat iki asring sinebut Khulafaur Rasyidin. Sabubaré Khulafaur Rasyidin, ing jagad pamaréntah Arab dukuwasani dening Wangsa (Bani) Umayyah lan Wangsa Abbasiyah, banjur diterusaké Wangsa Utsmaniyyah. Nanging, kahanan sabubaré Khulafaur Rasyidin akèh dendra sairing karo thukuling prabédan kapercayan lan adu kuwasa.

Tlatah sing dikuwasani wong-wong Islam ing jaman Khulafaur Rasyidin

Kanggo Syiah, sing pantes lungguh dadi Khalifah yaiku Ali bin Abi Thalib. Dhasaré, Nabi Muhammad saw naté wasiat supaya sing nggantèkaké kapamimpinan iku Ali sing isih pernah sepupu lan uga mantu Kanjeng Nabi. Sing layak mimpin iku Ahlul Bayt utawa kulawarga Muhammad lan dipercaya maksum (kalis ing dosa).

Khalifah, utamane jaman Khulafaur Rasyidin dadi punjering kawicaksanan sawetara urusan agama lan pamarentahan. Pamilihané ora ana sing gumathok. Nalika Abu Bakar diangkat, jabatan khalifah ditemtokaké kanthi pamilihan lan banjur dibaiat. Déné, Abu Bakar banjur nunjuk Umar bin Khattab dadi khalifah sabanjuré. Mula nalika Abu Bakar séda, Umar sing dadi khalifah. Umar ora nunjuk sapa-sapa. Nalika séda, para tokoh pilihan dikumpulaké lan milih Utsman bin Affan. Sakwise Utsman tilar donya, Ali bin Abi Thalib sing madeg khalifah. Dendra ing Arab dadi gedhé nalika Muawiyyah mbalela. Ali bin Abi Thalib kesingkir. Muawiyyah ngedegaké Wangsa Umayyah. Sawise Wangsa Umayyah nyekel kuwasa, jabatan khalifah kaya déné ing karajan utawa monarki sing diwawas seka keturunan. Semono uga jaman Abbasiyah lan Utsmaniyah.

Sajarah[sunting | sunting sumber]

Kalifah iku asring uga disebut Amirul Mukminin - Pamimpin Wong-Wong Mukmin. Muhammad saw madheg ana ing Medinah, lan sawisé séda, pusaté tetep ing kutha iki. Ing sajarah Islam, sabubaré Muhammad tilar donya, padha regejegan ing antarané Sunni lan Syiah, yaiku perkara sapa sing nyekel dadi pimpinané.

Yèn manut Sunni, kalifah pisanan sing disebut Amirul Mukminin iku Abu Bakar Shidiq, banjur Umar bin Khattab. Utsman bin Affan lan Ali bin Abi Thalib uga antuk jejuluk sing padha, nanging Syiah nganggep Ali luwih cocog. [1]

Panguwasa sawisé khalifah papat mau banjur ora ngrujuk manèh marang pamilihan kanthi cara rembugan, nanging diterusaké dadi monarki. Sistem sing lumaku sabanjuré iku dicekel déning Wangsa Umayyah, Wangsa Abbasiyah, lan Utsmaniyah (Ottoman).

Sawetara negara sing mayoritas muslim, kaya déné Indonesia lan Malaysia durung naté dadi bawahané kekhalifahan, kajaba Acèh sing naté dikuwasani Wangsa Utsmaniyah lan uga Fatimiyyah.[2] Mula, ing tlatah Melayu lan Jawa luwih dikenal konsèp sultan sing ora ana sambung rapeté karo khalifah ing donya Arab.

Réferènsi[sunting | sunting sumber]

  1. ^ Tore Kjeilen. "Lexic Orient.com". Lexic Orient.com. http://lexicorient.com/e.o/ali.htm. Retrieved 2011-06-05.
  2. ^ New world hegemony in the Malay world, By Geoffrey C. Gunn, pg. 96
Sumber artikel punika saking kaca situs web: "http://jv.wikipedia.org/w/index.php?title=Khalifah&oldid=833804"