Sahadat
Saka Wikipédia, Ènsiklopédhi Bébas ing basa Jawa / Saking Wikipédia, Bauwarna Mardika mawi basa Jawi
Sahadat kuwi rukun Islam kang kapisan lan minangka asas sarta dhasar kanggoné rukun Islam liyané. Sahadat minangka ruh, inti lan landhesan kabèh ajaran Islam. [1]Sahadat asring disebut kanthi jeneng Syahadatain amarga dumadi saka rong kalimat (Jroning basa Arab Syahadatain maknané 2 kalimat Sahadat). Kaloro kalimat Sahadat imau yaiku:
- Kalimat pisanan :
- Asyhadu An-Laa Ilâha Illallâh
- maknané : Aku anyekseni menawa ora ana Ilah/sesembahan ingkang haq kajaba Allah
- Kalimat kaloro :
- wa Asyhadu Anna Muhammadar Rasulullâh
- maknané: lan aku anekseni menawa Muhammad kuwi Rasul / utusan Allah.
Bab lan Paragraf |
[sunting] Tegesé Sahadat[2]
- Kalimat pisanan nuduhaké pangakon tauhid. Maknané, muslim percaya yèn Gusti Allâh minangka siji-sijiné sesembahan sing kudu disembah.
- Kalimat kaloro nuduhaké pangakon yèn Nabi Muhammad kuwi utusan Allâh. Kanthi ikrar kalimat iki wong muslim mantapaké dhiri kanggo ngyakini ajaran Allâh kaya kang disampaéaké liwat Nabi Muhammad saw, contoné ngyakini hadist-hadist Muhammad saw. Klebu ing jeroné yakuwi ora percaya marang klaim kerasulan sawisé Nabi Muhammad.
[sunting] Tegesé LAA ILAAHA ILLALLAH[3]
Yèn kita tilik sabeneré kalimat LAA ILAAHA ILLALLAH ngandung loro makna, yaiku makna panulakan kabèh wangun sesembahan saliyané Allah, lan makna netepaké yèn siji-sijiné sesembahan kang bener mung Gusti Allah waé.
Magepokan karo mangertèni kalimat iku Allah ta'ala maringi firman: "Mula weruhana yèn ora ana sesembahan kang bener saliyané Allah" (QS Muhammad : 19)
Adhedhasar ayat iki, ngèlmoni makna Sahadat tauhid kuwi wajib lan kudu didhisikaké tinimbang rukun-rukun Islam liyané. Séjéné kuwi Nabi Muhammad SAW mratélakaké: "Sing sapa ngucapaké LAA ILAAHA ILLALLAH kanthi ikhlas bakal mlebu swarga" ( HR Ahmad)
Kang dikarepaké kanthi ikhlas yakuwi kang faham, ngamalaké lan ndhakwahaké kalimat mau sadurungé liyané, amarga ing jeroné ana kandhungan tauhid kang Allah nyiptakaké alam awit kuwi. Rasul ngajak paman beliau Abu Thalib, nalika arep séda kanthi ajakan "Duh pamanku ucapké LAA ILAAHA ILLALLAH sawijining kalimat kang tak dadèké minangka hujah ing ngarsané Allah", nanging Abu Thalib ora kersa ngucapaké lan séda jroning kahanan musyrik.
Rasulullah shallallahu alaihi wa sallam lenggah 13 taun ing Mekkah ngajak wong-wong kanthi ajakan beliau "Ujarké LAA ILAAHA ILLALLAH" lan wong-wong kafir njawab "Ibadah marang sesembahan kang siji, kita ora tau krungu saka wong tua kita ". Wong qurays ing Zaman Nabi faham banget makna kalimat mau, lan sing sapa kang ngucapaké ora bakal ndonga marang saliyané Allah.
[sunting] Kandungan Kalimat Sahadat[4]
- Ikrar
Ikrar yaiku ujar sawenèh wong muslim ngenani apa kang diyakini. Nalika ngucapaké kalimat sahadat, kita nduwèni kawajiban kanggo ngedegaké lan merjuangaké apa kang kita ikrarkan mau.
- Sumpah
Sahadat uga nduwé makna sumpah. Sawenèh wong kang ngucapaké sumpah, maknané gelem nampa akibat lan résiko apa waé jroning ngamalaké sumpahé mau. Maknané, wong muslim iku siap lan tanggung jawab tumrap tegaking Islam lan ajaran Islam.
- Janji
Sahadat uga nduwé makna janji. Sawenèh muslim (kang ngucapaké sahadat) minangka wong kang nduwé janji setia kanggo mgrungokké lan taat jroning kabèh kahanan marang kabèh printah Allah SWT, kang dikandhung jroning Al Qur'an lan Sunnah Rasul.
[sunting] Syarat Sahadat
Syarat Sahadat yakuwi tanpa kuwi apa sing diucapaké ora sampurna. Mulané yèn wong kang ngucapaké loro kalimat Sahadat tanpa nduwèni syarat-syaraté, bisa diarani Sahadaté ora sah.
Syarat Sahadat ana pitu [5] , yaitu:
- Kawruh
Wong kang ngucapaké sahadat kudu nduwé kawruh bab sahadat. Dhèkné wajib faham isi rong kalimat kang diucapaké mau, lan gelem nampa konsekuensi ucapané.
- Kayakinan
Wong kang ngucapaké sahadat kudu ngerti kanthi sampurna makna saka Sahadat tanpa gojak-gajek marang makna iku.
- Kaikhlasan
Ikhlas maknané resiking ati saka apa waé kang ora sarujuk karo makna Sahadat. Ucapan Sahadat kang campur karo riya utawa pengaruh liyané ora bakal ditampa déning Allah SWT.
- Kajujuran
Kajujuran kuwi kasarujukan antara ucapan lan lelaku. Wacan sahadat kudu kanthi lisan, diyakini jroning ati, nuli diaktualisasèkaké dalam jroning amal lelaku.
- Katrisnan
Katrisnan maknané trisna marang Allah lan Rasul-É sarta wong-wong kang iman. Trisna uga kudu dikantèni amarah yaiku kemarahan tumrap kabèh kang bertentangan dengan Sahadat, atau dengan kata lain, semua ilmu dan amal yang menyalahi sunnah Rasulullah SAW.
- Panampa
Panampa maknané panampaning ati tumrap kabèh kang teka saka Allah lan Rasul-É. Bab iki kudu awoh kataatan lan ibadah marang Allah SWT, kanthi yakin yèn ora ana kang bisa nuduhké lan nyelametaké kajaba ajaran syariat Islam, yakuwi kanggoné wong muslim ora ana pilihan liya kajaba Al Qur'an lan Sunnah Rasul.
- Katundukan
Ketundhukan yaiku tundhuk lan nyerahaké marang Allah lan Rasul-É sacara lahiriyah. Maknané, wong muslim kang ngucapké sahadat kudu ngamalaké kabèh perintah Allah lan ninggalaké kabèh larangan Allah. Béda antara panampa lan katundhukan yaiku yèn panampa déning ati, déné katundhukan dilakoni nganggo fisik.Mula, saben muslim kang ngucapké sahadat tansah siap nglaksanakaké ajaran Islam jroning uripé.
[sunting] Dasar Tauhid lan Islam[6]
LAA ILAAHA ILLALLAH yakuwi asas saka Tauhid lan Islam, kanthi ucapan mau direalisasèkaké kabèh wujud ibadah marang Allah kanthi katundhukan marang Allah, ndonga mung marang Allah lan adhedhasar hukum syariat Allah.
Sawijining ulama misuwur Ibnu Rajab ngendika: Al ilaah yakuwi kang ditaati lan ora dimaksiati, diagungaké lan, ditresnani, diwedèni, lan dijaluki pitulung. Iku kabèh ora kena dipléngakaké kajaba marang Allah. Kalimat LAA ILAAHA ILLALLAH nduwèni manfaat tumrap wong kang ngucapaké, kajaba banjur mbatalaké ngaggo aktifitas syirik.
[sunting] Referensi
- ↑ Pentingnya Dua Kalimat Sahadat
- ↑ Makna Syahadat
- ↑ Tahukah Antum Makna Syahadat Laa Ilaaha Illallaah
- ↑ Kandungan Kalimat Syahadat
- ↑ Syahadat yang diterima Allah SWT
- ↑ Tahukah Antum Makna Sahadat Laa Ilaaha Illallaah
[sunting] Delengen uga
[sunting] Pranala jaba
 |
Artikel perkawis Islam punika taksih arupi seratan rintisan. Panjenengan saged mbiyantu Wikipedia ngembangaken. |
